Hiop 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Nengeni, mesei a fen küna ekei mettoch meinisin, selingei a fen rongorong, nge üa weweöch ren.

²Mine oua silei, ngang üa pwal silei, ngang üsap kis fami.

³Nge ngang üpwe kapas ngeni Ewe mi Unusen Manaman, üa mochen pwüngüpwüngfengen me Kot won mine a fis ngeniei.

⁴Nge me remi, ämi oua aöchü mettoch ren ämi kapas chofana, ämi meinisin oua usun sousäfei esap wor lomotemi.

⁵Amwo ämi oupwe fanafanala. Ren ei oupwe tipachem.

⁶Iei oupwe rongorong ai kewe kapasen eii, oupwe aüselinga ai kewe kapasen tüngor.

⁷Ifa usun, oupwe kapas mwäl fän iten Kot o eäni kapas atuputup fän itan?

⁸Ifa usun, oua mochen peni Kot ren ämi lifilifil ngeniei, ika oupwe chon alisi Kot lon kapwüng?

⁹Are Kot epwe etittinakemi, ifa usun, epwe küna och mi mürina remi? Ika oua tongeni atupu i, usun oua atupu aramas?

¹⁰Epwe fokun apwüngükemi, are oua lifilifil lemonomon.

¹¹Ifa usun, an manaman esap aniuokusukemi, nge an eniweniw esap feitiu womi?

¹²Ämi kapasen mwiitun ra lomotongau usun chök falang, nge ämi chönükükemi a apwangapwang usun chök pwülüpar.

¹³Oupwe fanafanala o mwüt ngeniei pwe üpwe kapas, inamwo ika met epwe fis ngeniei.

¹⁴Ngang üa molotä pwe üpwe fangala manauei.

¹⁵Inamwo ika Kot epwe nieila, üpwe chök anomu ai apilükülük won. Nge üpwe fokun alletätä ai kewe föför me fän mesan.

¹⁶A tongeni fis pwe ai pwora epwe amanauaei, pun esap wor eman aramasangau epwe tongeni feito fän mesen Kot.

¹⁷Oupwe fokun aüselinga ai kewe kapas, oupwe aü selingemi ngeni mine üpwe aiti ngenikemi.

¹⁸Iei üa molotä pwe üpwe pwärätä usi, pun üa silei pwe üa pwüng.

¹⁹Iö epwe tongeni atipisiei? Ika epwe wor eman, mürin üpwe fanafanala o mäla.

²⁰Ai Kot, kopwe chök mwüt ngeniei ruu mettoch, mürin üsap aopaei seni fän mesom:

²¹Kopwe asü poum seniei o ükütiu le aniuokusuei ren om eniweniw.

²²Mürin kopwe kökköriei, nge ngang üpwe pälüeni. Ika kopwe mwüt ngeniei pwe üpwe kapas, nge en kopwe pälüeniei.

²³Ifa ükükün ai kewe föföringau me ai kewe tipis üa föri? Kopwe asile ngeniei ai kewe pupungau me ai kewe tipis.

²⁴Pwota ka aopala mesom seniei o atolongaei lon tettelin chon oputom?

²⁵Ifa usun, kopwe aniuokusuei? Ngang üa chök wewe ngeni echö chön irä mi äsfeil. Ika kopwe tapweri fetilipwas?

²⁶Pun ka awora kapasen tip ngeniei mi fokun weires, ka ngeniei liwinin ai kewe föföringau üa föri lealüali.

²⁷Ka anüküchara pechei lefilen irä o mamasafichi ai kewe föför meinisin, ka fen föri aükükün rasen ipwei.

²⁸Iei popun inisi a pweila usun mwüch mi kirou, pwal usun echö üf a tala ren pwötür.”