Yoube 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Dilia sia:be huluane, na da musa: nabi dagoi. Na da amo huluane dawa:! Dilia dawa:i liligi da na dawa:su hame baligisa. Na da dili defele esala.

³Be na da dilima sia:ga gegesu hame gala. Na da Godema fawane sia:ga gegesu gala.

⁴Dilia da hou hamedafa dawa:. Amaiba:le, eno dunu da dilia hame dawa:su hou ba:sa:besa:le, dilia udigili ogogosu sia:daha. Dilia da manoma legesu hina dunu amo da oloi uhinisisu hou hame dawa:, agoai ba:sa.

⁵Dilia ouiya:ma! Amasea, dunu eno da dilia da bagade dawa:su dunu dawa:mu!

⁶Nabima! Bai na da na hou noga:le dodofele imunusa: momagele esala.

⁷Dilia abuliba:le ogogosala:? Dilia ogogosu da Gode fidima:beyale, dilia dawa:sala:?

⁸Dilia da Gode gaga:musa: dawa:sala:? Dilia da fofada:su diasuga, Gode gaga:ma:ne fofada:ma:bela:?

⁹Gode da dili ha:giwane sosodosea, E da dilia hou amo ganodini noga:i liligi ba:ma:bela:? Hame mabu! Dilia da eno dunuma bagade ogogosa. Be dilia Godema agoane ogogomu da hamedei.

¹⁰Dilia moloi hame hou da wamolegei dagoi. Be Gode da dilia wamolegei hou ba:mu. Amola E da dilima gagabole sia:mu.

¹¹Dilia da Ea gasa bagade hou ba:sea, beda:gia:mu.

¹²Dilia malasu sia: da hamedei, nasubu agoane gala. Dilia sia:ga gegei da gasa hame laga osobo agoai.

¹³Ouiya:ma! Na sia:ma:ne, logo doasima! Na sia:be ea dabe ninia hobea ba:mu.

¹⁴Na da sia:sea, bogosu dabe ba:ma:bela:? Be na da bogomusa: momagele esala.

¹⁵Na da hobea misunu hou dafawane hamoma:beyale dawa:su huluane da fisi dagoi. Amaiba:le, Gode da na fane legesea, na da hame dawa:mu.

¹⁶Amabela:? Na da hame beda:iba:le, na da Godema moloiwane sia:sea, E da nama asigima:bela:? Bai wadela:le hamosu dunu da beda:iba:le, ilia da Gode Ea odagia moloiwane sia:mu gogolesa.

¹⁷Defea! Na da na hou olelesea, dili nabima!

¹⁸Na da wali na hou noga:le dodofele imunusa: momagele esala. Bai na hou da moloidafa, na dawa:.

¹⁹Gode! Di da nama diwaneya udidimusa: mahabela:? Amai galea, na da ouiya:le bogomusa: momagele ouesala.

²⁰Be na da Dima adole ba:su aduna gala. Di da na adole ba:su amoma defele adole iasea, na da Dima hame wamoaligimu.

²¹Adole ba:su afae da, ‘Nama se iabe amo yolesima!’ Eno da ‘Dia na beda:ma:ne mae banenesima!’

²²Gode! Di hidadea sia:ma! Amasea, na da Dima dabe adole imunu. O hidadea, na Dima sia:ma:ne logo doasima! Amasea, Di nama dabe adole ima.

²³Na da adi hou giadofabela:? Na da adi wadela:i hou hamobeba:le, Dima fofada:ma:bela:?

²⁴Dia abuliba:le naba:le hobeabela:? Dia abuliba:le, na Dia ha lai dunu defele ba:sala:?

²⁵Di da na beda:ma:ne hamosala:? Na da hamedei liligi, lubi agoai gala. Di da fedege agoane gisi bioi amoma doagala:sa.

²⁶Di da nama mi hananewane fofada:nana. Na goi fonoboga wadela:le hamoi liligi, amoba:le Di da nama fofada:sa.

²⁷Di da na emo sia:inega la:gilisili, na osa:le gaga ahoabe Di noga:le sosodosa. Na emobu amolawane, Di da noga:le abodele ba:sa.

²⁸Amaiba:le, na da dasai ifa defele, fofonobone dasale daha. Amola abula aowabaga mai defele, nuini daha.