Eʒekie 42

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Eme jowacnurâ hae ʒoŋa piticnao fisirâ faic mâreŋkopec rarâ fic maŋne gâcne taha ufuŋte hae ʒoŋa ŋifecnao â faic mâreŋkopec ŋerawec ira ra fisipec.

²Fic faic mâreŋkopec ŋewec ʒoricne‐ticnere sâc i kubi 100 â bembeŋne‐ticnere sâc i kubi 50.

³Hae ʒoŋa piticnere sawane moc fowec sâcticne kubi 20, erâ hae ʒoŋa kâcɋenere sac râreckehuc qânâ herakicne ŋoŋondeŋ ira ʒae wiac feŋgaŋne jahec â moc bakicne.

⁴Eme fic maŋne maŋne i jaŋere heririŋko hata gâŋgâŋne moc fowec bembeŋne‐ticnere sâc i kubi 10 â ʒoricne‐ticnere sâc i kubi 100, erâ fic maŋne i jaŋere motâc wiac i faic mâreŋkopec fofârewec.

⁵Fic maŋne faic fofembiŋ jaŋe juwic â ʒâʒâŋiŋko fo wahambiŋ jaŋere wahamicne, i ʒae boc bâsokakicnere iŋuc fuawec.

⁶Fic maŋne i jaŋe feŋgaŋne feŋgaŋne fofepie jahec â moc ewec; erâ hae ʒoŋa kâcɋenere wâtuŋ doma rambiŋ wâtuŋ iŋucne faic ira moc mi domawec, eme irec hâcne fic maŋne forambiŋ jaŋe ââke tirinehec bakicne.

⁷Eme fic maŋne i jaŋere heririŋko qânâsac moc hae ʒoŋa sâko maickerâ fowec, sac ʒoricne‐ticnere sâc kubi 50.

⁸Fic maŋne hae ʒoŋa sâko maickehuc forambiŋ ʒoricne‐jeŋicte sâc i kubi 50, â fic maŋne taha ufuŋ maickehuc forambiŋ ʒoricne‐jeŋicte sâc ine kubi 100.

⁹Fic maŋne juwicpec forambiŋ jaŋere motâc ʒoaŋ wewefunaopec hae ʒoŋa sâko fowec ira forambiŋ.

¹⁰Ira hâcne hae ʒoŋa sâkore qânâsac fuŋkerâ rawec. Eme juwic mâreŋkopec hae ʒoŋa fowec â fic heririŋko fic maŋne gâcne forambiŋ wâc.

¹¹Hata‐jeŋic gâŋgâŋnezi ine mamai fowec. Jaŋe fic maŋne faic mâreŋkopec forambiŋ jaŋere sâc jaha, ʒoricne‐jeŋic â bembeŋne‐jeŋic i sâc mocjaha, erâ riri motâc‐jeŋic i sâc ijaha sasawa.

¹²Juwic mâreŋkopec fic maŋne forambiŋ jaŋere motâc i ʒoaŋ wewefunaopec hata gâŋgâŋne fowecko ira fowec, ŋifecnao ine qânâsac forawec.

¹³Eme sâc bapa ŋic e kecʒiŋuc nazawec: “Faic â juwic mâreŋkopec fic maŋne foraŋgopieŋ jaŋe furu mukicne sasawa, ira hâcne taha bapa Wofuŋ maickeeŋgopieŋ jaŋe tiwâ bâzi nâniŋte mukicne. Erâ fic maŋne i tiri fokacte taha bâzi erâ sâqocnere taha erâ kiŋ tatarare taha ira râenʒepieŋ.

¹⁴Taha bapa jaŋe furuficko ferâ izia hae ʒoŋa sâkoo mi wahanʒepieŋ. Jaŋe qanaŋ gie ŋaqi‐jeŋic ficmaŋ‐jeŋicko hetara‐fârerâ ŋaqi wiac omane hepie hume ŋic ŋokac jaŋerao wahanʒepieŋ.”

¹⁵Eme sâc bapa ŋic e sacmaŋko taha ufuŋ ŋewec irec sâc rome tarame jowacnume ʒoaŋ wewefunaopec motâc fowec ira fotâcnehuc sâc sahacnao waharâ rârec rârec irec sâc rowec.

¹⁶Ehuc ʒoaŋ wewefunao sac forawec irec sâc rome kubi 500 ewec.

¹⁷Izi faic mâreŋkopec sac fowec irec sâc rome kubi 500 jaha ewec.

¹⁸Izi juwic mâreŋkopec sac fowec irec sâc rome kubi 500 jaha ewec.

¹⁹I tarame ʒoaŋ huhunaopec sac fowec irec sâc rome kubi 500 jaha ewec.

²⁰Ine hâcne ŋifec â ŋifec erâ faic â juwic qânâsac forawec hâŋne‐ticne â otecne‐ticne i kubi 500 sasawa. Sac izi hâcne tirificte hae ʒoŋa â hae ʒoŋa omane jahe bârâwiŋ‐jofaocte iŋuc bakicne.