Ayup 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Sen taghdiki yawa öchkilerning qachan tughidighanliqini bilemsen? Jerenlerning balilighanliqini közitip baqqanmusen?

²Ularning boghaz bolghili nechche ay bolghanliqini saniyalamsen? Ularning balilaydighan waqtidin xewiring barmu?

³Ular qeddini püküp, yétip balilirini tughidu, Ular özidiki tolghaqni chiqirip tashlaydu;

⁴Ularning baliliri küchlinip yétilidu, Ular dalada ösüp, anisining yénidin chiqip qaytip kelmeydu.

⁵Yawa éshekni dalagha qoyuwétip erkinlikke chiqarghan kim? Shash éshekning noxtilirini yéshiwetken kim?

⁶Chöl-bayawanni uning öyi qilghanmen, Shorluqnimu uning turalghusi qilghanmen.

⁷U sheherning qiyqas-sürenliridin yiraq turup uni mazaq qilidu; U éshekchining warqirishinimu anglimaydu.

⁸U taghlarni öz yayliqim dep kézidu, Shu yerdiki hemme gül-giyahni izdep yüridu.

⁹Yawa kala bolsa xizmitingge kirishke razi bolamdu? Séning oqurungning yénida turushqa unamdu?

¹⁰Yawa kalini tana bilen baghlap, tapqa chüshürelemsen?! U sanga egiship jilghilarda méngip tirna tartamdu?

¹¹Uning küchi zor bolghanliqi üchün uninggha tayinamsen? Emgikingni uninggha amanet qilamsen?

¹²Danliringni öyge kötürüp ekilishni uninggha tapshuramsen? «Danlirimni xaminimgha yighishturidu» dep uninggha ishenemsen?

¹³Tögiqush qanatlirini shadliq bilen qaqidu, Biraq bular leylekning qanat uchliri hem peylirige yétemdu?

¹⁴U tuxumlirini yerge tashlap qoyidu, Tuxumlirim topida issitilsun, deydu.

¹⁵Ularning tasadipiy dessilip yanjilidighanliqini, Dalidiki birer haywanning asanla ularni dessep-cheyleydighanliqini untuydu.

¹⁶Balilirini özining emestek baghrini qattiq qilidu; Uning tughutining ejri bikargha kétidu, Biraq u pisent qilmighandek turidu.

¹⁷Chünki Tengri uni kem eqil qilghan, Uninggha danaliqni bermigen.

¹⁸Halbuki, u yügürüsh aldida meydisini yuqirigha kötürginide, At hem atliqlarni kemsitip mazaq qilidu.

¹⁹Sen atqa küch béghishlighanmiding? Sen uning boynigha yelpünüp turidighan yaylini kiygüzgenmiding?

²⁰Sen uni heywetlik purqushliri bilen ademni qorqutidighan, Chéketkidek sekreydighan qilalamsen?

²¹U esheddiylik bilen yer tatilap-zoxchup, Öz küchidin shadlinip kétidu, Qoralliq qoshun bilen jeng qilishqa atlinidu.

²²U qorqunchqa nisbeten külüpla qoyidu, Héchnémidin qorqmaydu; Qilichning bisidin u yanmaydu.

²³Oqdan, julaliq neyze, Görzimu uning yénida sharaqshiydu,

²⁴U yerni achchiq hem ghezep bilen yutuwétidu, Jeng kanayini bir anglapla hayajanlinip qin-qinigha patmay kétidu.

²⁵Kanaylarning awazi bilenla u: «Ayhay!» deydu, U jengni yiraqtin purap bolidu. U serkerdilerning towlashlirini, jengchilerning warqirashlirini xushalliq bilen anglaydu.

²⁶Sar séning eqling bilen uchamdu, Qanatlirini jenubqa qarap kéremdu?

²⁷Bürküt buyruqung bilen yuqirigha perwaz qilip kötürülemdu, Uwisini yuqirigha salamdu?

²⁸U qoram tashning üstide makanlishidu, U taghning choqqisigha qonidu, Tik qiyanimu turalghusi qilidu.

²⁹Shu yerdin u owni paylap bayqiwalidu, Közliri yiraq-yiraqlarni közitidu.

³⁰Uning baliliri qan shoraydu; Öltürülgenler nede bolsa, u shu yerde bolidu».