Job 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹«¿Gam musyanquichu jacha cabracuna imay wachashantapis? ¿Ricashcanquichu lluychucuna wachajta?

²¿Gam musyanquichu charicushanpita ayca quillataraj wachashantapis?

³Wachananpäga guempucäcunmi. Chayrämi wawancuna yurin.

⁴Nircur itincunana maucha wiñan. Chunyaj jircacho wiñacun. Chayno wiñarcorga maman cajpita aywacun mas mana cutimojna.

⁵«¿Pitaj camacächisha jirca chucaru bürru cachaylla tiyacunanpaj, mana nunca watana cananpaj?

⁶Chaycunataga nogami ricachishcä chunyaj chaqui jircata, cachiyoj guechwacunatapis chaycho tiyacunanpaj.

⁷Chaycunaga manami yachacanchu marcachöga. Manami wiyanpischu carga gatej jarrïrucuna gayarashantapis.

⁸Intëru jircacunapa cörricachäcun guewata ashir, berdi guewata micunanpaj ashishpan.

⁹«¿Gamga riguinquichu yügurcushayqui öra chucaru töru-mallwa arunanta, waquin wäcayqui wichgaränancho iwal puñunanpaj cashantapis?

¹⁰¿Yügurcur aruchinquimanchuraj? ¿Cuspiyacunata garchaparcur pushaptiqui guepayquita shamunmanchuraj?

¹¹¿Callpayoj captinchuraj chay uywaman yäracunqui? ¿Arupäshunayquipäpis yäracunquimanchuraj?

¹²¿Chaqui micuyniquicunata ashtapäshunquichuraj? Nircur ¿ërachöpis shuntapäshunquichuraj?

¹³«Masqui tantiyacuy avestruz äbipaj: Cushisha älanta sapsicun ancano päriyta munashpan.

¹⁴Avestruzga wacharir runtuncunata agushcho cachaycun shanay agushta goñöchishallanwan runtun pashtamunanpaj.

¹⁵Manami yarpachacunchu ima ñitirinantapis, ni ima animal lluchcaparinantapis.

¹⁶Chay äbiga wawancunapaj fiyumi. Wawancunataga manami quiquinpa wawancunatanöchu rican. Manami imapis gocunchu yangallapaj runtuta wachasha carpis.

¹⁷Chay äbitaga noga manami yarpayta goshcächu. Manami munashcächu alli yarpayniyoj cananta.

¹⁸Jatarcur cörriyta gallaycur ichanga muntädu aywajtapis pasaypa llallin.

¹⁹«¿Gamchu callpayojyächishcanqui cawalluta? ¿Gamchu ajchantapis matancanpa wiñachishcanqui?

²⁰¿Gamchu chuclusnöraj pinticachänanpaj camacächishcanqui? Cawalluga sinchi gaparar manchachicunrämi.

²¹Allpata aspicachan. Imatapis mana manchacuypa pillyamanga yagacuycun.

²²Manchariytapis mana yachanchu. Manchariypitapis asicun. Sablita ricashpanpis manami sicsicyanchu.

²³Muntädu aywajpa lëcha apacunan shagllajyan. Sablipis, sajmaypa tucsicunapis achicyaypa achicyaycan.

²⁴Juclla chayayta munashpan fiyupa cörrerga may carutapis rätumi chayarin. Trompëta wagamuptinnaga manami ichiycunnachu.

²⁵Trompëtacuna wagamuptenga cawalluga wagan. Carupita-pachami mayan pillya cashantapis. Wiyan capitancuna gayarpaycajtapis pillyajcuna gaparpaycajtapis.

²⁶«¿Gam yachachinquimanchu wamäshu anca pärinanpaj? ¿Gamchu yarpayta goshcanqui sur caj-läman aywananpaj?

²⁷¿Gamchu nishcanqui allgaycuna gagacunacho gueshwanta rurananpaj?

²⁸Allgayga junajpa chacaypapis gagacunallacho tiyan. Pacacunanpaj gagacunapa puntanman ratan.

²⁹Chaypitami ricachacur caruman rican imatapis charinanpaj.

³⁰Wawancunaga yawartami upun. Maychöpis wañusha caycashanmanmi allgaycunaga shuntacan.»