Job 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Bab-Jehová sogdebalid: “¿Be wisi, ibu-ibagine sibad-sapurbarmalad milege? ¿Goe-sapur-mileged be dakdii?

²¿Be wisi, goe-sapur milegega nii-walabigwa nanae? ¿Be wisi sana milegoe?

³Ar goe-sapur milesokalile, ega nued-aidegega, sinni sigisdaed. Degiid-bergusale, geb ega nunmaked bergued.

⁴Geb e-mimmigan sapurba dungudamalogua, na gannarbagus itomalale, e-nangi banguddamalad, bar e-nanse nonidasurmalad.

⁵”¿Doa moli-uayasuid-sapurbarmalad yogasaar gudiguega imaksa? ¿Doa achikar-gudigumalaga imaksabali?

⁶Ani an moli-uayasuidmarga, nega-dulesulidgan e-negga imaksad, agi gudigumalaga an imaksad.

⁷Na wargwen e-itolegedba-gudimarsoggua, neggweburgi-neg-oimaked bai itodasurmalad, degi, dule-moli-seed-ese-goledi baisur itodamalad.

⁸Deyob moli-uayasuidmar yalaganba gudidamalad, gagan-ara-arad amididamalad.

⁹”Ar moli-bebe-nikad-ursilid, ¿sunna bega arbasar be ebinsae? ¿Sunna be-molimar-gabedgi megisar be ebinsae?

¹⁰¿Ar we-moli-ursilid, sunna be e-dukarba edinne? ¿Sunna be-sorba napa-imudaniguega be imake?

¹¹¿Ar we-moli-e-garganguedgi be bengusuli guoe? ¿Ar we-moli-ursilid bega be-arbaed imako be ebinsae?

¹²¿Sunna be we-moli ibmar-gwag-onmakega be imake? Degine, ¿ibmar-gwag-welesad e-neg-sabolegedse bega danakwaa-urbenaega be imake?

¹³”Ar nuu-avestruzʼye-nugadi, weligwaledba na e-sakan mer-mer imakardaed, dabgalayob-gukuega sakan niksulid.

¹⁴We-nuu-dummad-dukar-suid e-akwa ukubgi urbed, ukubgi-uee-siega, urbed.

¹⁵We-nuu-dummad e-akwa-sisad-birgi na annaele, gwen bai itosulid. Ibmar-durgan-egi-annaele, gwen bai daksulid.

¹⁶We-nuu-dummad e-mimmigan egadsuliyobi sabsur-imaked, e-ibe surgudele, gwen bai itodasulid.

¹⁷Ar Bab-Dummadi, nuu-dummad-dukar-suidga binsaed uksasulid. Magar-neg-itoged ega uksasulid.

¹⁸Degi-inigwele, we-nuu, sakan-nallaa-imakdele, degi, abarmakde-sogele, molimarba bur bule abarmaked, dule-moligi-abarmakedgi burgued.

¹⁹”¿Ar be, molimarga gargangued uksasi? ¿Ar be moliga sailagia nasiksabarsi?

²⁰¿Ar be, moli ses-ichomakeyobi be imaksasi? ¿Ar be we-moli, sabsur-e-bunnogedgi emar-ogwayed be imaksasi?

²¹Moli sabsur-annanagusdaed, e-gargangued-nikadba weligwar itonadaed, deyobi, neba-naidbali, ise-abarmakar naddaed.

²²Moli dobed wissulid, ibmar dobsulid, urwelenaile, es-suid-abin sikirmaksulid.

²³Sigumar moli-dikargi-nanaidi gornanaid, arbon-suarmar, degi, eswarmar-moli-dikargi-nanaidi, dakarmaknanaid.

²⁴Sabsur-abarmakedbali, dikasur-abarmakdedaed. Gar-gotele, gege bar galeged.

²⁵Ar moli gargote-itogele, abarmakega aka binnasur-bunnogar-gotedaed. Bila-onolenaile, dikasuli magar-itoged, bilagi-dulemar-oimaknanaile, dikasur magar-itobalid.

²⁶”¿Ar bee be, noomar-gukuega imaksa? ¿Ar be-binsaedba noomar dad-nakwed-argan-nuedsik-gukuega be imaksa?

²⁷¿Ar be-sogedbali sulubagimar dikasuli-gukuega be imaksasi? ¿Ar be-sogedbali sulubagimar matusuli e-uu-sobega be imaksasi?

²⁸Ar sulubagi akwasaila-dummagan e-negga imaked, agi na e-gabed siid. A-akwasaila-dummad-birgi e-neg-gandikid siid.

²⁹A-akale, bannaba na e-mas-gaega masbina ataksidaed.

³⁰Sulubagi-e-mimmigan ibmar-durgan-e-ablisgi ibmeremalad. Ar bia ibdurgan-burgwar-mai-sogele, agi mula gudidaed.”