Iob 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹U nunure laka ra e na kinakava kai ra umana kuabar na me ta ra lualuana, Ba u gire ra kinakava kai ra umana tana na are?

²I tale u laka pi una luk ra umana gai dia kap bala tana, Ma u nunure ba vingai diat a kakava?

³Dia va timtibum, dia kava vue ra umana natu i diat, Ma dia gugu tana.

⁴A umana natu i diat dia potar, dia tavua vanavana ta ra bala na vura; Dia vana irai, ma pa dia talil tadav ra umana tavu i diat.

⁵To ia i ga vaki ra kuabar na as upi a leing? To ia i ga pala ra umana vivi ai ra as,

⁶Nina iau ga tabar ia ma ra bala na kunai upi a kubana, Ma ra pia na solt upi kana gunan?

⁷Pa i mainge ra varvareo ai ra pia na pal, Ma pa i valongore ra nilai nina i kure ra vinavana kai ra umana as.

⁸I vana vurvurbit ta ra lualuana, Upi na tikan upi ra umana mapmapina dia kalabar.

⁹Dave, a kuabar na bulumakau na gugu pi na toratorom piram? Dave, na ki bulu ta kaum pal na vavaguai?

¹⁰I tale u laka pi una kun tar ia ta kaum ipipuk? Dave, na mur u ma na ragu ta ra umana odo?

¹¹Dave, una nurnur tana tago i dekdek, Ma una nur tar ra papalum ta kaum uma pirana?

¹²Dave, una nurnur tana ba na kap pa kaum kon, Ma na varurue ta kaum tavul a rararama vuai?

¹³Ra murup i kopkop ma ra nilagar; Ma dave, a bebeana i nunure ra varmari?

¹⁴I nur vue ra umana kiauna ara ra pia, Upi diat a malamalapang ta ra tobon;

¹⁵Pa i vinar ba ta pal a kau tana na rua pamar diat, Ba ta leing na rigi diat.

¹⁶A balana i leo ure ra umana natuna, dari bea diat vakir kana; Ma pa i nuk pa ia, ba i papalum vakuku;

¹⁷I vuna tago God i ga tak vue ra kabinana kan ia, Ma pa i ga tul tar ra minatoto pirana.

¹⁸Ba i tut upi na vilau, I nongone ra os ma nina i ki tana.

¹⁹Dave, u ga tul tar ra dekdek ta ra os? U ga vung bula laka ra ivuna nina i varvarongo ta ra inoana?

²⁰Dave, u ga kure ba na pil da ra kubau? A dekdek na nilaina ia ra magit na bunurut.

²¹I ruarua ra male, ma i gugu ta ra dekdekina; I vana upi ra vinarubu.

²²I kulume ra bunurut, ma pa i bilua ra nuknukina, Ma pa i vilau kan ra pakat na vinarubu.

²³Ra popopoi na pu i talatalenge, Damana bula ra rumu i bagabagele ma ra rumu i mangi.

²⁴I konome ra pia ta kana karangap na kankan, Ma ba di pupunge, i mama tur vovovon.

²⁵Ba ra tavur i tangi, i biti: Ioi! Tago i lung ra vinarubu maro vailik, A varvareo kai ra umana luluai na vinarubu, ma ra kunukula.

²⁶Dave, ra taragau i bebe alalir ta ra maup ta kaum kabinana, Ba i pururung uro ra matana taubar?

²⁷Ba ra minigulai i pururung tutua, Upi na pait kana po arama liu iat, Ivuna laka ta kaum varkurai?

²⁸I rakan arama iat ta ra papar a vat, ma i ki ka Ta ra ngu na vat ma ta ra pakana i bakit.

²⁹I gire ra ana kirip marama liu iat; Ma i bobe ma ra kiau na matana maro vailik.

³⁰A umana natuna dia rum ra gap; Ma i ki ta ra pakana a umana virua dia va tana.