Joba 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Thaelpang kah sathai a piil tue na ming tih sayuk a rhai na dawn a?

²Hla a cup la na tae tih a piil tue na ming a?

³A ca rhoek loh a koisu uh tih a huel daengah a bungtloh loh a hlah.

⁴A ca a man uh te cangpai neh rhoeng tih a caeh uh phoeiah tah amih taengla mael uh pawh.

⁵Sayalh la kohong marhang aka hlah te unim? Laak lueng kah kuelrhui aka hlam te unim?

⁶A im te kolken la, a dungtlungim te lungkaehlai la ka khueh.

⁷Khorha kah hlangping te a lawn tih aka tueihno kah pang ol hnatun pawh.

⁸A luemnah tlang te a cawt tih sulhing boeih te a yoep.

⁹Cung loh nang taengah a thohtat hamla a huem vetih na kongduk dongah rhaeh aya?

¹⁰Cung te a rhuivaeh kong ah na pael vetih nang hnukah tuikol te a thoe aya?

¹¹A thadueng a len dongah a soah na pangtung vetih na thaphu te a taengah na hnoo aya?

¹²Na cangti te a khuen, a khuen vetih na cangtilhmuen a coi ni tila te te na tangnah a?

¹³Kalaukva kah phae loh yoka cakhaw bungrho phaemul neh a dii aih nim.

¹⁴A duei te diklai dongah a hnoo tih laipi khuiah a awp.

¹⁵A kho loh a hep te a hnilh tih kohong mulhing long khaw te te a til.

¹⁶A ca rhoek te amah kah pawt bangla a hit sak tih a poeyoek la a thaphu te birhihnah pawh.

¹⁷Pathen loh anih te cueihnah a hnilh sak tih a taengah yakmingnah tael pah pawh.

¹⁸Hmuensang la a phuel uh tue vaengah tah marhang neh a sokah aka ngol te a nueih thil.

¹⁹Marhang taengah thayung thamal na paek a? A rhawn te a hnoo neh na thing pah a?

²⁰Anih te kaisih bangla na pet sak a? A phit vaengkah mueithennah khaw mueirhih la poeh.

²¹Tuikol te a phuet uh vaengah thadueng neh a ngaingaih lungpok haica doe hamla pawk.

²²Rhihnah te a nueih thil tih a rhihyawp pawt dongah cunghang ha lamloh a mael moenih.

²³A taengah liva a khoek tih, caai neh soe kaw hmaihluei la om.

²⁴Hinghuen neh khoponah neh diklai a coih tih, tuki ol te tangnah pawh.

²⁵Tuki te a rhoeh la, “Ahuei,” a ti nah tih, caemtloek vaengkah mangpa khohum neh tamlung te a hla lamloh a huep.

²⁶Nang kah yakmingnah dongah nim mutlo loh a phae a phuel tih a ding, a phae te tuithim la a phuel?

²⁷Nang kah ka dongah atha te sang hang tih a bu a pomsang a?

²⁸Thaelpang ah kho a sak tih thaelpang hmuisum neh rhalvong ah khaw rhaeh ta.

²⁹Te lamloh caak a thaih tih a hla lamkah te a mik loh a paelki.

³⁰Te vaengah a vapuel, a vapuel loh thii a caep uh tih rhok om nah ah hnap om,” a ti nah.