1Ande godoja vrjama kana bijandilo o Jovano inkljisti e zapoved katar o rimsko caro Avgusto te ramolpe ando Rimsko carstvo sa o them.
2Akava sas o prvo popis kana o Kvirinije vladilas e Sirijava.
3Savora teljardine te prijavinpes palo popis ande gava kaj sas bijande lenđe pra papurja.
4Gajda vi o Josif teljardas andar o gav Nazarat andar e Galilejsko regija, ando Vitlejem e Judejsko regija kaj sas o David bijando, kaj o Josif sas potomko e Carosko Davidesko
5te prijavinpes palo popis zajedno pire verenicasa e Marijasa savi sas khamni.
6Dok sas ando Vitlejem avili laći vrjama te bijanel.
7Bijandas pire prvo čhaves, paćardale, thaj čhutale ande jasle kaj nas than ande gostijonica.
8Ande godoja isto regija savi sas paše pašo Vitlejem sas e pastirja save inćarenas e raćaći straža pe pašnjakurja ke pire bakhre.
9Andar jekhvar o anđeo e Gospodesko ačhilo maškar lende, thaj obasjaisardalen e slava e Gospodešći, a von zurale darajle.
10A o anđeo phendas lenđe: “Nadaran! Kaj ake, anav tumenđe e bahtali nevimata pe bari bah sa e themešće.
11Kaj ađes bijandilo tumenđe o Spasitelj, savo si o Gospod Hristo ando gav kaj bijandilo o caro David!
12Ake o znako pe savo pindžarena les: araćhena e čhavre paćarde sar pašljol ande jasle.”
13Ande data e anđelošće pridružisajli e bari vojska anđelurja thaj slavinas e Devle alavenca:
14“Slava e Devlešće ande nebeske visine, thaj pe phuv miro e themešće save si pe lešći volja!”
15Čim e anđelurja boldinepe ando nebo, e pastirja phenenas jek avrešće: “Hajde džas dži ko Vitlejem, te dikhas so godova okote dogodisajlo, so phendas amenđe o Gospod.”
16Sigo aviline ando than o Vitlejem thaj arakhline e Marija, thaj e Josife thaj e čhavres savo pašljol ande jasle.
17A kana dikhline e čhavres, e pastirja phendine sa so o anđeo phendas lenđe palo čhavro.
18A savora save ašunenas e pastiren divisajle okoleše so phenenas.
19A e Marija pamtilas sa so phendine laće e anđelurja thaj gndilas pale godova.
20Pale godova e pastirja boldinepe palpale, hvalinas thaj slavinas e Devle pale sa so dogodisajlo sago kaj vi phendas lenđe o anđeo.
21A kana avilo o ohtoto đes sar o čhavro bijandilo, trubuine te obrežin e čhavres, thaj dine les alav Isus, sago kaj phendas o anđeo dok još e Marija či ačhili khamni.
22Kana avili e vrjama te o Josif thaj e Marija džan ando Hramo po običajo savo phenl e Mojsijesko zakono, te šlavelpes e dej e čhavrešći, andine e čhavres Isuse ando Jerusalim te sikaven les e Gospodešće
23(sago kaj si ramome ando zakono e Gospodesko: “Svako prvo bijando, a muško čhavo neka posvetilpe e Gospodešće”)
24thaj den e žrtva (sago kaj phenel e Gospodesko zakono: “duj grlice ili duj terne goluburja”).
25Ande godoja vrjama trailas ando Jerusalim varesavo manuš alavesa Simeon. Vo sas zurale pravedno thaj pobožno manuš. O Sveto Duho sas pe leste thaj ažućarelas te avel o Mesija te izbavil o Izrael.
26A o Sveto Duho već objavisardas lešće kaj či merela dok či dićhel e Gospodešće Mesija.
27Potaknime katar o Sveto Duho avilo ando Hramo baš kana o dad thaj e dej anenas e čhavre e Isuse te izvršin okova so rodelas e Mojsijesko zakon.
28O Simeon lija e čhavres ande pire vas thaj hvalisarda e Devle alavenca:
29“Akana, Gospode, šaj me ćiro sluga te merav ando miro sago kaj phendan.
30Kaj e jakha mungre dikhline o spasenje ćiro,
31savo pripremisardas angle sa o them,
32o svetlo te prosvetlil aver themen thaj e slava ćire themešći e Izraelošće.
33E Isusesko dad thaj lešći dej divisajle okolešće so o Simeon phenelas pale leste.
34O Simeon askal blagoslovisardalen, thaj phendas e Isusešće dejaće e Marijaće: “O Del odredisardas pale akava čhavro te e but e manušenđe ando Izrael avel palo propast thaj butenđe palo uskrsnuće. Vo si odredime te avel e Devlesko znako, ali o but o them odbacila les.
35Akava avela sar te sikadon e gndimata save si garade ande but e ile. A vi tuće korkoraće e sablja mačo hvarela ćiro ilo.”
36A okote sas vi e Devlešći proročica savi akhardolas Ana, e Fanuilovešći čhej, voj sas andar e Asiresko pleme thaj sas zurale purani. Trailas pire romesa efta brš,
37a pale godova trailas korkoro sar udovica dži ke ohtovardeš thaj štar brš. Voj sas stalno ando Hramo, služilas e Devlešće đeseja thaj e raćava, postilas thaj molilas pes.
38Thaj samo so o Simeon završisardas vi voj avili, thaj hvalilas e Devles thaj phenelas palo Isus savorenđe save ažućarenas te o Del otkupisarel o Jerusalim.
39Kana e Isusešći dej thaj lesko dad dine gata so sas po zakono e Gospodesko, boldinepe ande Galileja ando piro gav Nazaret.
40A o čhavro barjolas thaj zuravolas, thaj pherdolas mudrosti, thaj e milost e Devlešći sas pe leste.
41E Isusesko dad thaj lešći dej svako brš džanas ando Jerusalim ande đesa kana sas o prazniko Pasha.
42A kana sas e Isuse dešuduj brš, von aviline Iesa ando Jerusalim te slavin o prazniko.
43Kana sas gata godola đesa, thaj kana boldenas pes ćhere, o čhavro Isus ačhilo ando Jerusalim, a o Josif thaj lešći dej e Marija či džangline kaj si.
44Nego gndisardine kaj si e društvosa anglal. Kana nakhlo već jek đes phiripe počnisardine te rodenle maškar e familija thaj maškar o kola kas džanenas.
45Sar či arakhlinele boldinepe ando Jerusalim te roden les.
46Thaj o trito đes arakhlinele ando Hramo sar bešel maškar e sikavne, thaj čholas kan lende, thaj phučlas len.
47A savora save ašunenas les divisajle lešće gođaće thaj lešće odgovorenđe.
48Kana dikhlinele začudisajle, a lešći dej phendas lešće: “Čhaveja! Sostar ćerdan amenđe gadava? Ake me thaj ćiro dad e darasa rodam tut.”
49A o Isus phendas lenđe: “Sostar rodineman zar či džangline kaj me trubul te avav ando ćher mungre Dadesko?”
50Ali von či haćardine so o Isus kamlas te phenel lenđe.
51Askal boldapes lenca ando Nazaret thaj čholas kan lende. A e dej lešći lelas sama pe sa akala događajurja ande piro ilo.
52A o Isus napreduilas ando mudrost thaj barjolas, ande milost anglo Del thaj anglo them.
