1O Isus askal phendas pire učenikonenđe: “Sas varesavo barvalo manuš saves sas baro sluga saves e manuša prnas kaj rspil o barvalipe pire gospodaresko.
2O barvalo manuš akharda pire bare sluga thaj phendas lešće: “So godova ašunav pale tute? Sikav manđe o računo kaj ramosardan sar vodijas e briga pale mungro barvalipe zato kaj majbut naštik aves mungro baro sluga!”
3Pe godova o baro sluga phendas ande peste: 'So te ćerav kana mungro gospodari či del više te ćerav bući pale leste? Te džav te hanavav najman snaga. Te prosiv? Ladžavo si manđe.
4Džanav so ćerava. Ćerava lenđe usluga sar te e manuša lačhe priminaman ande pire ćhera kana majbut či avava e gospodaresko baro sluga.”
5Askal akhardas jećhe po jećhe katar o kola save sas udžile lešće gospodarešće. Thaj phučlas e prvo manuše savo sas udžile: 'Kozom san udžile mungre gospodarešće?'
6'Šel bačve e maslinsko zetino', phendas o kova savo sas udžile. A o baro sluga phendas lešće: 'Le ćiro računo beš thaj odma ramosar pandžvardeš.'
7Pale godova phendas averešće: 'A tu, kozom san tu udžile?' 'Šel mere điv.' Phendas vi lešće: 'Le ćiro računo thaj ramosar pe ohtovardeš.'
8Thaj o gospodari pohvalisarda e nepravedno bare sluga kaj sas snalažljivo. Kaj e manuša akale themešće maj snalažljivo postupin prema okola save si lenđe slične nego e manuša katar o svetlost.
9A me phenav tumenđe, steknin tumenđe drugarja gajda kaj ispravno koristin akale themesko barvalipe thaj kana o barvalipe majbut či avela korisno o Del primila tumen ande večne stanurja ando nebo.
10“Ako šaj paćas e manušesće ande cikne buća, askal šaj paćas lešće vi ande bare buća thaj ako naštik paćas e manušesće ande cikne buća askal naštik paćas lešće ni ande bare buća.
11Ako najsenas paćivale ande e themesko barvalipe, sar o Del poverila tumenđe duhovno barvalipe te upravljin lesa?
12Thaj ako ande averesko barvalipe najsenas paćivale, sar o Del delatumen tumaro?”
13Ni jek sluga naštik služil duje gospodaren ande isto vrjama. Kaj jećhe mrzala, a avere volila; ili jećhešće avela paćivalo a avre prezirila. Naštik služin e Devlešće thaj e barvalipešće ande isto vrjama.”
14Sa gadava ašundine okola save sas pohlepne pale love e fariseja, thaj marenas muj katar o Isus.
15A o Isus phendas lenđe: “Tumen ćeren tumen kaj sen pravedne anglo them, ali džanel o Del tumare ile. Kaj so e manuša smatrisaren vredno, e Devlešće grjacolpe.”
16Sikavenas e Mojsijasko zakono thaj e knjige save ramosardine e purane prorokurja, sa dok či avilo o Jovano savo bolelas, a katar askal mothos e lačhi nevimata palo carstvo e Devlesko. Thaj nagovoris savoren te den ando carstvo e Devlesko.
17Ali godova či značil kaj e Mojsijesko zakon majbut či vredil kaj majloće nestanila o nebo thaj e phuv, nego te propadnisarel jek tačkica andar o zakono.”
18Svako kova savo rastanilpe katar piri romnja thaj lel avrja, ćerel preljub; thaj ko oženilpe e romnjasa savi si rastanime, preljub ćerel.
19Sas varesosko barvalo manuš, savo lelas pe peste majšukar pohtan katar o grimiz thaj svila, thaj trailas svako đes raikane thaj veselilaspe.
20A angle lesko vudar pašljolas varesavo čoro manuš savo sas sa ande čirurja. Lesko alav sas Lazar,
21thaj čeznilas samo te čaljol e mrvicenca kaj perenas katar e barvalešći sinija. Dok gajda pašljolas avenas e džućhela thaj čarnas e čirurja pe leste.
22A kana mulo o čoro, e anđelurja inđardinele ande Avraamešće angalja. Pale godova mulo vi o barvalo manuš, thaj prahosardine les.
23A lešći duša đeli po than kaj si e mule, thaj dok sas ande bare muke vazda pire jakha thaj dadural dikhlas e Lazare ande Avraamešće angalja.
24Thaj čhutas muj: “Dade Avraame, smiluitu manđe thaj bičhal e Lazare te umočil piro naj ando paj thaj šudrjal mungri čhib kaj zurales mučiman ande kava plameno.”
25Pe godova phendas o Avraam: “Detut gođi, čhaveja, kaj tu pale ćiro trajo primisardan ćiro lačhipe, a gajda vi o Lazar piro bilačhipe. Akana vo akate tešilpe, a tu mučistu.
26Osim godova, maškar amende thaj tumende si bari provalija, thaj vi okola save kamlinesas naštik naćhen okotar akaring, niti akatar okoring.”
27Pe godova o barvalo manuš phendas: 'Molivtu askal, dade, bičhal e Lazare ando ćher mungre dadesko.
28Siman pandž phral pa neka džal thaj upozorilen te na vi von aven akaring ande kava than e mukengo.'
29A o Avraam phendas lešće: 'Opominlen o Mojsija thaj e prorokurjaande prire zapisurja. Neka čiton len thaj čhon kan lende.'
30A vo phendas: “O na, dade Avraame! Nego te avilo lende vareko andar e mule, obratinape.'
31A vo phendas lešće: 'Ako či ašunen e Mojsija thaj e prorokonen, či paćana sa vi te uštel thaj avel lenđe vareko andar e mule.'
