1Jek savato avilo o Isus ando ćher ke jek vođa e farisejengo te hal lesa. Okola save sas okote lačhe lenas sama pe leste so ćerela.
2Kaj pojavisajlo anglo Isus varesavo manuš savo sas nasvalo gajda kaj sas les paj thaj šuljolas lestar.
3Pe godova o Isus phučla e sikavne e Mojsiješće zakonestar thaj e farizejen: “Dali si muklino prema e Mojsijesko zakono te savatone sastarelpes o manuš ili naj?”
4A von khanči či phendine. Askal o Isus čhuta pire vas po nasvalo manuš, sastardale thaj phendas lešće kaj šaj džaltar.
5A o Isus phendas: “Ko tumendar savatone či ćerel bući? Ako varekašće tumendar o čhavro ili o biko perel ande haing, zar či odma inkalena les?”
6Pe godova naslen so te phenen.
7Kana o Isus dikhlas sar okola kaj si akharde pe gozba len pešće prve thana te bešen, phendas lenđe e prispodoba:
8Kana vareko akharel tut pe svaturja, na beš po prvo than kaj so ako si akhardo vareko ko si majvažno tutar?
9Te či o domaćino savo akhardas tut thaj vi les phenela tuće: “Ušti thaj de o than okole manušesće.” Askal ladžavoja, ušteja thaj bešeja po paluno than.
10Nego kana vareko akhareltut dža thaj beš pe paluno than, thaj kana avela okova kaj akhardatut, te phenel tuće, drugarina pripremisardem tuće majlačho than!” Askal aveja počastime angle sa save si akharde.
11Kaj svako ko korkoro pes uzvisisarel, avela ponizime, a ko korkoro pes ponizil, avela uzvisime.”
12A askal o Isus boldapes ko domaćino thaj phendas lešće: “Kana ćeres habe ili večera, na akhar ćire drugaren, ni ćire phralen, ni ćire familija, ni ćire barvale komšijen, te či vi von možda tut akhardinesas thaj pe akava način boldasas tuće.
13Nego kana ćeres gozba akhar e čoren, sakaten, banđen, thaj koren.
14Kaj len naj sova te bolden tuće. Gajda aveja blagoslovime kaj o Del pale godova nagradila tut kana vo uskrsnila e pravedne manušen andar e mule.”
15Kana godova ašunda jek katar e manuša pale sinija, phendas e Isusešće: “Blago okolešće savo hala ando carstvo e Devlesko!”
16A o Isus phendas lešće: “Varesosko manuš ćerda bari večera thaj akhardas e but e themes.
17Kana e večera sas gata, bičhalda e sluga te phenel e gostonenđe: 'Sa si gata. Aven!'
18A von jek pale avreste te phendine kaj naštik te aven. Prvo phendas lešće: 'Ćindem njiva thaj trubul te džav te dikhavla. Molivtu, jartosar man ke godova manuš.'
19Aver phendas: 'Ćindem deš guruva, thaj trubul te džav te isprobiv len dali si lačhe. Molivtu, jartosar man ke godova muš.'
20O trito phendas: 'Upravo ženisajlem thaj zato naštik te avav.'
21O sluga boldape thaj javisarda godole domaćinešće. Askal o domaćino holjajlo, thaj phendas e slugašće: 'Inklji brzo pe sokača e gavešće thaj an akaring e čoren, sakaten, koren thaj e banđen.'
22Kana o sluga gajda ćerdas, javisardas e Gospodarešće: “Gospodarina, ćerdo si so phendan thaj još si than.”
23O gospodari phendas e slugašće: 'Inklji pe droma avrajl o gav thaj trade len te aven te pherdol mungro ćhere themesa.
24Kaj phenav tumenđe: Ni jek katar okola manuša save sas majsigo akharde či hana ni zalogajo katar e gozba savi ćerdem.'”
25E Isuseja putuilas o silno them. O Isus boldape thaj phendas lenđe:
26“Ako vareko kamel te avel mungro učeniko, moraš te volil man majbut nego pire dade, deja, romnja, čhavren, phejen, phralen, pa majbut vi katar piro trajo. Inače naštik avel mungro učeniko!
27Ko či lel piro trušul thaj či džal pale mande, naštik avel mungro učeniko!”
28Kaj khonik tumendar, kana kamel te sagradil e kula, či prvo bešel thaj proračunil e troškurja te dićhel dali sile sova te završil.
29Inače šaj dogodisajlo sas lešće te uspil samo te čhol o temelji thaj naj les dosta love te završil, a askal savora save godova dikhlinesas mardinesa muj lestar
30thaj phenen: 'Akava manuš počnisarda te gradisarel a naštik završil!'
31Ili savo caro teljardasas ando rato aver caronenca a te majsigo či bešel thaj gndil dali šaj pire deš milje vojnikonenca te svladil okoles savo avel pe leste pire biš milje vojnikonenca?
32Ako procenil kaj naštik svadina len, bičhalela pire manušen te roden miro dok si lenđe protivnikurja još dur po drom.
33Zato khonikal naštik postanil mungro učeniko savo či mućel sa so siles zbog mande.”
34“Askal o Isus još phendas lenđe: “O lon si lačho. Ali ako o lon naj londo, sova askal lonđarelape?
35O bilondo lon naj lačho ni pale phuv, ni palo gnoište, nego samo te čhudelpes. Putren tumare kan te šaj ašunen!”
