1Prvo đes ando kurko, detharinako rano, e romnja aviline po limori e mio mirisenca save von korkoro pripremisardine.
2A kana aresline dži ko limori arakhline o bar crdino katar o limori.
3Dine andre, ali či arakhline o telo e Gospode Isusesko.
4Thaj dok ačhenas gajda zbunime, angle lende pojavisajle duj manuša ande blistavo parne haljine.
5E manušnja darajle thaj poklonisajle e mujesa dži ke phuv, a e duj manuša phendine lenđe: “Sostar roden e džude maškar e mule?
6Naj akate, nego uskrsnisardas! Dentumen gođi sar phendas tumenđe dok sas još ande Galileja:
7'Me o Čhavo e Manušesko moraš te avava dino ande vas e bezehalenđe, thaj razapnina man, ali me o trito đes uskrsniva.”
8Askal e manušnja dinepe gođi kaj o Isus phendas godova.
9Thaj boldinepe katar o limori thaj sa godova javisardine e dešuduje apostolenđe thaj savorenđe averenđe.
10A godova sas e Marija andar e Magdala, e Jovana, Marija dej e Jakovešći, thaj još vasesošće manušnja. Von sa godova so sas phendine e apostolenđe.
11A e apostolenđe sa gadava činisajlo sago izmislime, thaj či paćaine e manušnjenđe.
12A o Petar ipak, uštilo thaj prastaja karingal o limori. Kana areslo, provirisardas andre thaj dikhla samo e povojurja katar e lanosko pohtan. Pale godova boldapes ćhere ando čudo pale godova so dogodisajlo.
13Godova đes e Isusešće duj sledbenikurja putuinas ando gav savo akhardolas Emaus, savo sas majdur katar o Jerusalim dešujek kilometrja.
14Dromesa ćerenas svato maškar pende pale sa so sas.
15Thaj dok gajda ćerenas svato thaj raspravinas, pristupisardas lenđe o korkoro Isus thaj džalas lenca.
16Ali lenđe jakhenđe sas uskratime te pindžarenles.
17O Isus phučlalen: “So godova raspravin dromesa?” Von ačhiline phađe katar e tuga.
18Jek lendar, savo akhardolas Kleopa, phendas lešće: “Zar san tu jedino stranco ando Jerusalim savo či džangla džanas so sas ando Jerusalim akala đesa?” SECOND version of verse 18 Thaj jek lendar, alavesa Keopa, phendas lešće: “Zar san tu jedino stranco ando Jerusalim thaj či džanas so sas ande leste kala đesa?”
19A o Isus phendas: “So sas godova?” A von phendine lešće: “Pa okova e Isuseja andar o Nazaret. Vo sas proroko, silno pe delurja thaj ande alava anglo Del thaj angle sa o them:
20Ali amare šorvale rašaja thaj e vladarja predaisardinele te avel osudime po smrto thaj razapnisardine les.
21A amen nadisajlam kaj si vo okova savo otkupila o Izrael osim godova, akava si već trito đes sar gadava dogodisajlo.
22A još vi varesave manušnja, save sledinas les zajedno amenca, zbunisardine men: čim svanosardas đele po limori,
23ali okote či arakhline lesko telo pa aviline thaj phendine amenđe kaj sikadile lenđe e anđelurja thaj phendine lenđe kaj si o Isus džudo.
24Varesave amarendar prastaine po limori thaj arakhlam sa sar e manušnja phendine, ali les či dikhline.”
25A o Isus pe godova phendas lenđe: “O sar sen nerazumne, nisar te paćan ande kova so phendine e porokurja!
26Zar či von prorokuisardine kaj o Hristo sa godova moraš te pretrpila majsigo nego so dela ande piri slava?”
27Askal o Isus započnisardas te rastumačil lenđe sa so ramomalpe ando sveto lil pale leste, katar o Mojsije džike e prorokurja.
28Pe godova avile paše dži ko gav ande savo džanas, a o Isus ćerdapes sago kaj džal majdur.
29Ali von nagovorinas les: “Ač amenca! Kaj već peli e rjat, a o ćes naćhel!” Vo ačhilo thaj dijas lenca ande ando ćher.
30Dok sas lenca pale sinija, o Isus lijas o mangro, blagoslovisarda les, phaglale thaj dijalen.
31Pe godova putajle lenđe jakha thaj pindžardineles, ali vo nestanisardas angle lenđe jakha.
32Askal von phendine jek avrešće: “Zar či phabolas amaro ilo ande amende dromesa dok ćerelas amenđe svato, thaj dok tumačilas amenđe o Sveto lil?”
33Odma spremisajle thaj boldinepes ando Jerusalim. Okote arakhliine e dešujek apostolja thaj vi aver e Isusešće sledbenikon.
34Von phendine lenđe: “O Gospod čačes uskrsnisardas thaj sikadilo e Simunešće!”
35Askal von phendine sar maladine e Gospode po drom palo Emaus thaj sar pindžardine les kana phaglas o mangro.
36Dok von ćerenas svato pale godova, o Isus katar jekhvar ačhilo maškar lende thaj phendas lenđe: “Miro tumenđe!”
37Von, zbunime thaj darane, gndisardine kaj dićhen e duho.
38A o Isus phendas lenđe: “Sostar darajle? Sostar kasavi sumnja bijandili ande tumare ile?
39Dićhen mungre vas thaj mungre pungre! Me sem gadava! pipnin man thaj dićhena! E duho naj kokala ni mas sago kaj dićhen kaj man si!”
40Phendas lenđe godova, thaj sikadas lenđe pire vas thaj pire pungre.
41Katar o čuđenje thaj katar e bah naštik paćaine. A vo phendas lenđe: “Situmen vareso hamasko?”
42Von dineles kotor pesko mačho.
43Vo lija les thaj halas anglalende.
44Askal phendas: “Pale akava phenavas tumenđe dok još semas tumenca: Trubul te pherelpes sa so si ande Mojsijesko zakono, ande proročke knjige thaj ande psalmurja pale mande ramome.”
45Askal putardas lenđi gođi te haćaren o Sveto lil.
46Thaj phendas lenđe: “Ramome si ande svete knjige: O Hristo trpila thaj o trito đes uštela andar e mule.
47Ande lesko alav propovedilapes sa e manušenđe kaj trubun te pokainpe gajda te o Del jartol lenđe bezeha. A počnila andar o Jerusalim.”
48Tumen sen svedokurja pale godova.
49A me bičhalava tumenđe e Sveto Duho, baš sago kaj mungro Dad obećisardas. Zato ačhen ando gav dok či len pe tumende e sila opral.”
50Pale godova o Isus inđardalen paše dži ke Vitanija. Okote vazdas pire vas thaj blagoslovisardalen.
51Gajda sar blagoslovisardalen, sas vi lino ando nebo.
52Von peline pe koča angle leste thaj askal bare bahtasa boldinepes ando Jerusalim
53Okote ando Hramo neprestalno slavinas e Devles.
