1Askal aviline varesave manuša thaj phendine e Isusešće kaj o Pilato savo sas rimsko upravniko dijas naredba te mudarenpes varesave manuša andar e Galileja. Thaj sas mudarde ando jerusalimsko Hramo dok anenas e žrtve.
2O Isus phendas lenđe: “Dali si godova dokaz kaj godola Galilejcurja save nastradisardine sas majbut bezehale katar aver Galilejcurja.
3Nisar! Phenav tumenđe: vi tumen gajda avena duhovno hasarde ako či obratintumen ko Del!
4Ili gndin kaj okola dešuohto, pe save haradili e Siloamsko kula thaj mudardalen sas majbut bezehale katar sa e manuša save trainas ando Jerusalim?
5Nisar! Phenav tumenđe: vi tumen gajda avena duhovno hasarde ako či obratin tumen ko Del.”
6Askal o Isus phendas lenđe akaja prispodoba: “Varesošće manuše sas zasadime smokva ande lesko vinograd. Avilo o manuš te dićhel dali bijandas plodo, ali či arakhlales pe smokva plodo
7Zato phendas e vinogradarešće: “Ake već trin brš avav thaj rodav plodo pe akaja smokva thaj či arakhav. Čhin lat. Sostar te crpil e phuv?”
8A o vinogradari phendas lešće: “Gospodarina, mukla još akava brš, a me hanavava oko late thaj čhava oko late o štalsko gunoj.
9Možda ipak pe okova brš bijanel. A ako či bijanel askal čhinejalat.”
10Jek savato dok o Isus sikavelas ande jek sinagoga.
11Okote sas varesavi manušnji savi dešuohto brš sas grbavo thaj naštik uspravilas pes. Ande late sas o bilačho duho savo ćerelas te avel nasvali
12Kana o Isus dikhlala, akhardala peste thaj phendas: “Manušnjije, oslobodime san katar ćiro nasvalipe!”
13Thaj čhuta pire vas pe late, a voj odma ispravisajli thaj počnisarda te slavil e Devle.
14A okova savo sas vođa ande sinagoga holjajlo kaj o Isus sastardas ando savato, thaj phendas e themešće: “Šov si đes ando kurko kana trubul te ćerelpes bući! Ande godola đesa aven thaj saston, a na ande savatosko đes!”
15O Gospod askal phendas lešće: “Licemerne! Vi tumen ćeren bući savatone. Zar či svako tumendar savatone odrešil pire guruve ili magarco katar e jasle, thaj inđareles po paj te napoiles?
16Naj li vi voj čhej andar e Avraamesko plemeno, savja o Sotona phangla već dešuohto brš, či li trubujasas vi lat o Del te odrešil katar godova nasvalipe savo si laće okurja ande savatosko đes?”
17Pe godova sa lešće protivnikurja ladžajle, a sa aver raduisajle e šukar delenđe save o Isus ćerdas.
18Pale godova o Isus phendas: “Sova si slično o carstvo e Devlesko? Sova te usporedisarav les?
19Slično si e gorušicaće zrnosa savo si zurale cikno, kana o manuš lel les thaj čhudeles ande piri bar. Barjol thaj ćerdol ando kaš thaj e čiriklja ćiden pes thaj ćeren gnjezdurja ande lešće ranja.”
20Thaj palem phučlalen: “Sova te usporedisarav o Carstvo e Devlesko?
21Vo si sago kana e manušnji lel o kvasco thaj šukljareles ande bari količina aro dok sa či šukljol.”
22Gajda o Isus naćhelas kroz e gava thaj e varošice, sikavelas thaj putuilas ando Jerusalim.
23Askal vareko phendas lešće: “Gospode, dali si cara okola kaj spasinpe?” A o Isus phendas lenđe:
24“O vudar e nebosko si usko. Trudintumen te den andre kroz leste, kaj phenav tumenđe, but rodena te den kroz leste, ali naštik dena.”
25Kana o gospodari e ćheresko zaključil o vudar avela prekasno. Askal ačhena avri marena po vudar thaj phenena: 'Gospode, putar amenđe!' Vo phenela tumenđe: 'Či džanav tumen ko sen.'
26Askal počnina te phenen: 'Pa amen tusa halam thaj pilam, a tu sikavejas pe amere sokača!'
27A vo phenela tumenđe: 'Phenav tumenđe: či džanav ko sen. Džantar mandar savora save nepravda ćeren!'
28Okote rovena thaj škripina e dandenca kaj avena gajda holjarike kana dićhena e Avraame, e Isako, e Jakove thaj sa e prorokonen ando carstvo e Devlesko, a tumen avena čhudine avri.
29Askal avela o but o them katar o istok thaj katar o zapad, katar o severo thaj katar o jugo thaj bešena pale sinija ando carstvo e Devlesko.
30Thaj dik, okola save si akana prve askal avena pe poslednjo than, a okolen save akate smatrin kaj si poslednje avena majbare.”
31Ande godova časo aviline varesave fariseja thaj phendine e Isusešće: “Inklji thaj džatar akatar, kaj o caro Irod kamel te mudarel tut.”
32A o Isus phendas lenđe: “Džan thaj phenen godole lisicaće: 'Ake, tradav e demonen thaj sastarav ađes thaj thejara, thaj trito đes avava gata.
33Ali ađes, thejara thaj overthara moraš te nastaviv o drom kaj valda e prorokurja naštik aven mudarde avrjalo Jerusalim.”
34Manušalen andar o Jerusalim, tumen save mudaren e prorokonen thaj barenca čhuden tumen ande okola saven o Del bičhaldas! Kozom drom lijem te štitiv e čhavren tumaren sago kaj e khanji pire pujoren tale pire phaka a tumen či kamline!
35Ake akana, tumaro ćher avelo pusto! Thaj phenav tumenđe, či dićhena man dok či avel o časo kana phenena: 'Blagoslovime o kova savo avel ando alav e Gospodesko!'”
