1O Isus phendas pire učenikonenđe: “Okova so navodil e manušen po bezah sigurno avela, ali jao okolešće prekal kaste o avel o napast!
2Maj lačhe avilosas lešće te čhol pešće o mlinsko bar oko e kor thaj te hutel ando more, nego te crdel po bezah jećhe katar akala cikne.
3Upozoriv tumen! Ako ćiro phral savo si verniko pogrešil, kuš les thaj jartosar lešće ako pokailpas.
4Ako vi efta drom po đes sagrešisarel tuće thaj efta drom po đes avel thaj phenel tuće: “Jartosar manđe. Pogrešisardem!, jartosar lešće.”
5E apostolja phendine e Gospodešće: “Trubulamen majbut paćipe. Phen amenđe sar te dobisles!”
6O Gospod phendas lenđe: “Te aveltumen paćipe gajda cara sago kaj si e gorišicako zrno, phendinesas akale dudošće: “Inkaltu e korenosa thaj presaditut ando more!”, thaj vo presadisajlosas.”
7Ko tumendar phenela pire slugašće savo oril ili lel sama pe stoka, kana boldela pes andar o polje: 'Av brzo thaj beš pale sinija?'
8Či umesto godova phenena lešće gajda: 'Ćer manđe večera! Čhov e kecelja pe tute thaj služisarman dok hav thaj pijav, pale godova tu haja thaj pijeja?'
9Či li trubul te zahvalisares e slugašće kaj ćerdas piri bući? Či, či trubus.
10Gajda vi tumen: kana sen poslušne e Devlešće, phenen: 'Sluge sam save či zaslužisaren pohvala! Ćerdam samo so samas udžile te ćeras!'”
11Gajda dok putuilas majdur prema o Jerusalim, o Isus naćhelas maškar e Samarija thaj e Galileja.
12Kana delas ande varesosko gav, angle leste avile deš gubavcurja. Ačhiline cara maj dur
13thaj počnisardine te čhon muj: “Isuse, Sikavneja, smiluitu amenđe!”
14Kana o Isus dikhlalen, phendas lenđe: “Džantar, thaj sikaventumen e rašajenđe te pregledin tumen thaj phenen dali sen saste!” thaj dok džanas dromesa sastilie katar e guba.
15Jek lendar dikhla kaj sastilo, boldape thaj slavisarda e Devle andar sasto glaso.
16Čhudape pe koča angle Isusešće pungre thaj zahvalisarda lešće. A sas godova varesosko samarijanco.
17Pe godova o Isus phučlas: “Zar či sastile deš džene? Kaj si okola duj?
Luka 17
Luka 17:1-17