لُكِ 17:1-17

¹عِسَ نَشَ عَ قَلَ عَ قْشِرَبِرّيٍ بّ، «مَرَتَنتَنيِ قَقٍ مُ كَنَمَ، كْنْ حَشَنكَتّ نَ مِشِ بّ نَشَن قِندِ مَ نَ سَابُي رَ.

²عَ قِسَ نَ كَنيِ بّ فّمّ بِنيٍ شَ شِرِ عَ كْنيِ رَ، عَ رَ سِن بَا مَ، بٍيمَنُن عَ شَ يِ مِشِ شُرِ كٍرٍن نَتَنتَن.

³وٌ مّينِ وٌ يّتّ مَ دٍ!» «شَ عِ نفَشَكٍرٍنيِ بَرَ هَاكّ سْتْ عِ رَ، وْيّن عَ بّ. شَ عَ تُوبِ، عِ شَ دِحّ عَ مَ.

⁴شَ عَ هَاكّ سْتْ عِ مَبِرِ سَنمَيَ سٌلٌقٍرٍ لْشْي كٍرٍن بُن، عَ تُوبِشِ مَن فبِلٍن عِ مَدِحّدٍ سَنمَيَ سٌلٌقٍرٍ، قٌ عِ شَ دِحّ عَ مَ.»

⁵شّيرَيٍ نَشَ عَ قَلَ مَرِفِ بّ، «مُشُ شَ دَنشَنِيَ شُن مَسَ!»

⁶مَرِفِ نَشَ عٍ يَابِ، «شَ دَنشَنِيَ نَ وٌ بّ نُ، هَلِ عَ شُرُن عَلْ يّنتّن شْرِ، وٌ نْمَ نّ عَ قَلَدٍ يِ كٌندٍ بِلِ بّ، ‹تَلَ بٍ، عِ سَ سِن بَا مَ،› عَ وٌ شُي رَبَتُمَ نّ.»

⁷«شَ عَ سَ لِ كٌنيِ نَ مِشِ ندٍ يِ وٌ تَفِ، نَ كٌنيِ نَ كٍلِ يِرٍ بُشَدٍ شَ نَ مُ شُرُ سٍيٍ دّ مَدٌندٍ، عَ كَنيِ نْمَ عَ قَلَدٍ عَ بّ كٍرٍن نَ، ‹قَ، عِ قَ عِ مَفٌرٌ، عِ عِ دّفٍ›؟

⁸عَدٍ، وٌ عَ قَلَمَ عَ بّ، ‹ﭑ مَ دٌنسٍ رَقَلَ. عِ شَ عِ شَ دٌنمَ مَسَرَ عَلَكٌ عِ شَ قَ دٌنسٍ نُن يٍ رَ ﭑ بّ. عِ نَ فّ نَ رَ، عِ قَن نْمَ عِ دّفٍدٍ.›

⁹مِشِ مُ عَ شَ كٌنيِ تَنتُمَ يَامَرِ رَبَتُقٍ مَ.

¹⁰وٌ تَن قَن، وٌ نَ فّ قٍ بِرِن نَبَدٍ وٌ يَمَرِشِ نَشَن نَ، وٌ شَ عَ قَلَ نّ، ‹كٌنيِ نَن تُن نَ مُشُ رَ. مُشُ مُشُ شَ وَلِ فبَنسَن نَن نَبَشِ.›»

¹¹عِسَ تٌ نُ دَرِ سَلَمُ كِرَ شْن، عَ نَشَ دَنفِ سَمَرِ نُن فَلِلٍ بْشِ تَفِ.

¹²عَ تٌ سٌ تَا ندٍ كُي، كُنّ كَنيِ قُ نَشَ قَ عَ شْن. عٍ نَشَ سَ تِ عٍ ندٍدِ مَكُيَشِ عَ رَ،

¹³عٍ عٍ شُي عِتٍ عَ بّ، «كَرَ مْشْ عِسَ، كِنِكِنِ مُشُ مَ!»

¹⁴عَ تٌ عٍ تٌ، عَ نَشَ عَ قَلَ عٍ بّ، «وٌ سِفَ، وٌ سَ وٌ يّتّ مَسٍن سّرّشّدُبّيٍ بّ.» نَ كُي، عٍ نُ سِفَقٍ تّمُي نَشّ، عٍ نَشَ يَلَن.

¹⁵نَ تّمُي، مِشِ كٍرٍن عٍ يَ مَ، عَ تٌ عَ تٌ عَ يَلَنشِ، عَ نَشَ فبِلٍن عَلَ مَتْشْ رَ عَ شُي عِتٍشِ رَ.

¹⁶عَ نَشَ سُيِدِ عِسَ بّ، عَ عَ تَنتُ. سَمَرِكَ نَن نُ عَ رَ.

¹⁷عِسَ نَشَ عَ قَلَ عَ بّ، «مِشِ قُ شَ مُ رَيَلَن؟ نَ سٌلٌمَنَانِيٍ تَن فٌ؟