Luuka 17:1-17

¹Iisaa wii taalibaaɓe mum ɓee: —Ko fergitata yimɓe faa luutta waasataa heɓeede, kaa bone woodanii laatiiɗo sabaabu majjum.

²Haayre teddunde haɓɓee e daande joomum tippee ley geeci ɓuri moƴƴande ɗum, diina luuttinde gootel e koy ɗoo cukaloy.

³Kaybee ko'e mon: so sakiike maa luuttii, ɲiŋaa ɗum. So tuubii, njaafo-ɗaa ɗum.

⁴So o tooɲii ma cili jeɗɗi e ley ɲalooma gooto, o warti e maa cili jeɗɗi omo tuubane, njaafo-ɗaa mo.

⁵Nelaaɓe ɓee mbii Moobbo oo: —Ɓeydan min goonɗinal.

⁶Iisaa jaabii, wii: —So goonɗinal mon famɗiriino no ngeeƴu buyaage nii, so on mbiino kii ɗoo lekki ruggitoo, daroyoo ley geeci, ki ɗowtanto on.

⁷Homo e mon maccuɗo mum demoowo naa duroowo mum wartata ladde so wiya ɗum ɲaamdu mum annii oon wakkati fuu?

⁸Walaa! A wiyan mo moƴƴinane ɲaamdu, o lanndinoo yalla omo gollane faa ɲaamaa njaraa. Caggal mum, o ɲaama kanko duu. Wanaa non worri naa?

⁹Yalla a yettan maccuɗo oo saabe waɗii ko njamir-ɗaa ɗum koo?

¹⁰Onon duu hono non. So on ngaɗii huunde fuu ko njamire-ɗon, mbiyee: «Min maccoy tan, ko min kaani waɗude nii min ngaɗi.»

¹¹Nde Iisaa yahannoo Urusaliima ndee, ƴaɓɓorii hakkunde leyɗe Samariya e Galili.

¹²O wari faa o naata ngeenndi ngootiri, non seppaaɓe sappo worɓe peewti mo, ndarii to toowti,

¹³eewnii, mbii: —Moobbo Iisaa, yurma min!

¹⁴Nde o yiinoo ɓe ndee, o wii ɓe: —Njehee, kolloyee ko'e mon yottinooɓe sadaka ɓee. E ley yaadu maɓɓe nduu, ɓe cellinaa.

¹⁵Gooto maɓɓe, nde yiinoo sellii ndee, wirfitii ana yetta Laamɗo e daande toownde.

¹⁶O diccii yeeso Iisaa, o yetti ɗum. Oon yo Samariyanke.

¹⁷Iisaa jaɓɓitii, wii: —Tama wanaa sappo ɓee fuu cellinaama? Hoto njeenayon ɓee nee ngoni?