Luka 17:1-17

¹A o Isus e sikadenđe vačarda: “O iskušenje mora te avol, al pharo okole manušese prekal kaste avol o iskušenje.

²Pošukar ka avol lese te umlavol pe e baresa tari vodenica, thaj te čhudol pe ano more, nego te navodil ko greh jekhe tare kala cikne.

³Aračhen tumen!” Te čerda bilačhipe ćo phral, vačar lese kaj gova naj šukar, pa ako pokajil pe, oprosti lese.

⁴Thaj ako efta droma ko đive grešil premal tute, thaj efta droma avol tute thaj vačarol: “Kajima”, oprosti lese.

⁵Thaj vačarde e apostolura e Rajose: “Pher amen pačaimasa.”

⁶A o Rajo vačarda: “Kana bi avola tumen pačaipe gači cikno sar e gorušicako seme, thaj bi vačarena kale dudinkaće: 'Ikal tut taro koreno thaj sadi tut ano more!' Ka šunola tumen.

⁷Savo tumendar ka phenol pe slugase, savo honol i phuv il aračhol e bakren, kana iril pe andaro polje: 'Ava kari beš te ha mangro?'

⁸Ni li ka vačarol lese umesto gova: 'Ćer manđe te hav! Čhuv tuče i kecelja thaj kande ma dok hav thaj pijav! A pale gova šaj i tu te ha thaj te pije.'

⁹E slugasi ni ni zahvalil pe o barutno, golese so si gova lesi bući.

¹⁰Gija i tumen kana šunen e Devle vačaren: 'Naj sam vredna hvalaće. Samo sam sluga save čera amari bući.'”

¹¹Thaj kana đele ano Jerusalim, o Isus nakhlo maškari granica ki phuv Samarija thaj i phuv Galileja.

¹²Thaj kana dija ane jekh foro, arakhlje le deš phumbale (gubavci), save ačhena dur.

¹³Thaj vazdije po glaso vačarindoj: “Isuse, Rajo! Smilujitu pe amende!”

¹⁴Kana o Isus dikhlja len vačarda: “Đan thaj sikaven tumen e sveštenikurenđe.” I gija phirindoj sastile.

¹⁵A jekh lendar dikhlja kaj sastilo, irisajlo thaj hvalisada e Devle andaro sa o glaso.

¹⁶Thaj pelo angle Isusese pingre, thaj zahvalisajlo. Thaj gova sasa Samarićano.

¹⁷A o Isus pučlja le: “Na li sastiljen deš đene? Kaj si kola enja?