Luku 17:1-17

¹Jisasi'a amanage huno amagema nentaza disaipol naga'a zmasami'ne, reheno kezana egahie. Hianagi iza'o reramatga nehimofonkura nasunku huntoe!

²Witi refuzafu nepaza havere nofi anakiza, anankempi rentete'za, hagerimpi atrenageno uramisiana knare zantfa hugahie. Neone nagapinti magomofo azeri trakama huzankura,

³tamagra kva hiho! Neramafuma kumima hanigeta, haviza nehane huta hinkeno, agu'ama rukrehema hanigeta, kumi'a atrentegahaze.

⁴Ana ne'mo'ma mago knamofo agu'afi 7ni' zupa kumi huramanteno, ana kefozama'agu agu'a rukrahe huno 7ni'a zupa eno nasunku hue hanigeta, kumi'a atrentegahaze.

⁵Aposol naga'amo'za, Ramofona anage hu'za asmi'naze, tamentintia eri ra huo hu'za hazageno,

⁶Ramo'a anage huno zmasamine, tamagrima tamementintimo mastet zafa rgagna hu'nenigeta, mulberi zafagura amne tasagi hunka hagerimpi ome regrio hanageno'a, ketamia amage'anteno amne anara hugahie.

⁷Ina'imoka amuno tamifina kazokzo eri'za vahe ka'amo hoza tinka eri'zano, sipisipi kegva nehaniregati enkeno'a, ame hunka emaninka ne'zana no hugahio?

⁸Hu'neanagi kva'amo'a amanahu kea kazokzo eri'za ne'agura osugahio, kukenaka'a eri hutenka nezama nesuazana retro hunenantege'na, tine nezanena netesugenka, henka tine nezane kagra negahane hugahio?

⁹Hanki agra kazokzo eri'za ne'agura musenkea huontegahio? Na'ankure huo hunoma hunte'neazana hu'ne.

¹⁰Ana hu'negu kagranena, maka'zama Anumzamo huo huno hugante'neazama hanunka anage huo, tagra knare osunona kazokzo eriza vahemota, Anumzamo eriho huno hurante'nea eri'za e'nerune huta hugahaze.

¹¹Jisasi'a Jerusale vunaku nevuno, Sameria kuma'ene Galili kumamofo amunompi agatereno vu'ne.

¹²Nevuno mago kumapi ufregeno, 10ni'a fugo namune vahe'moza ogamnu otiza mani'ne'za ome tutagiha hunte'naze.

¹³Amanage hu'za kezati'naze, Jisasiga kva ne'moke, kasuntgi ranto! hu'za nehzageno,

¹⁴Jisasi'a nezmageno amanage huno zamasmi'ne, Tamagra vuta prisi vahete tamavufga ome zamaveri hiho, hige'za nevzageno fugo namuzmimo'a amne higeza agru hu'naze.

¹⁵Hagi mago'zmimo'a keana avufgamo so'e higeno, rukrahe huno ranke huno Anumzamofo agi erisaga nehuno,

¹⁶Jisasi agafi avugosaregati epri huno, susu huno musenke huntene. Ana nera Sameria nere.

¹⁷Anante Jisasi'a anage hu'ne, 10ni'a vahe'mokizmi fugo namumo'a so'e hige'za agru hu'naze. Hianagi 9ni'a vahe zga iga mni'naze?