Lucas 17:1-17

¹Jesús nzhé lo re xaa mseed lo xaa: —Telisa yo xaa kiil gu le gu jwalt lo Dios, per bid ded doo xaa kiil sa myet nu nle zee ralnii sa myet.

²Mas wen kee xaa tub ke gro doo yenn xaa nu gobi xaa xaa leen nistoo, ke le xaa zee tub re xaa chut ne le jwalt.

³Kwaanzee ¡list gok gu! Chelee tub wech lu le tub jwalt lo lu, bgalno lu xaa nu chelee xaa laa xaa kwaan nawent kwaan mle xaa lu, byenlazh kwaan mle xaa lu.

⁴Nu chelee xaa mle xaa jwalt lo lu gazh welt tub mbizh, nu gazh welt bare xaa lo lu nu né xaa lo lu: “Yenlazh kwaan mle na lo lu”, zee nzhaal yenlazh lu kwaan mle xaa lu.

⁵Lee re xaa mseed lo Jesús nzhé lo xaa: —Ble zee mas wii nu lo Dios.

⁶Zee lee Xaa Nabeyy nzhé lo re xaa: —Chelee gu ngwii gu lo Dios, lalsa paro na tub bizh dik cheen mostas, nzho mod yé gu lo yag ne: “Bachii nee nu bzo axta leen nistoo”, nu leeya gon xtizh gu.

⁷’Chelee tub gu nkano tub mos xaa nkee goon o xaa nkano xma gu naz wen, gorna mbare xaa nya xaa wen, at nambezht gu lo xaa: “Bded zee gaw lu”;

⁸sinka mbezh gu lo xaa: “Bdexkwaa kwaan gaw xchee na nu list bzo koo lu kwaan leen xkyann na gorna lee na kayaw nu kayoo. Nu gorna yilo gaw na zeesi nzho mod gaw lu nu go lu.”

⁹At nixa dixkix nanzaat gu lo xmos gu, xaa mle xchiin gu.

¹⁰Nu leeka snee re gu, gorna yilo le gu re kwaan mnabeyy xaa gu, guzh gu: “Nak re be tub mos xaa nanont, nel nebse kwaan nzhaal le be, mle be”.

¹¹Gorna lee Jesús nzha naz yezh Jerusalén, mded xaa roo wri yizhyo cheen Samaria nu cheen Galilea.

¹²Nu gorna mzhin xaa tub yezh, zee mbii chii xaa nzak yalyizh kwaan nyall cho lo Jesús. Nu zit mzo re xaa lo Jesús.

¹³Nu dublegan nzhé xaa: —¡Maestr! ¡Jesús! ¡Blesla lu ne lu re nu!

¹⁴Gorna ngune Jesús lo re xaa zee nzhé Jesús lo re xaa: —Gwa gu nu blu gu gu lo re ngwleyy, lee gu ngokwenla. Nu gorna nzhaze re xaa naz, lee yalyizh kwaan nzak xaa ngokwen.

¹⁵Zee lee tub xaa mbare, gorna mzeen xaa lee xaa ngokwen, nu dublegan nzholl xaa lo Dios,

¹⁶nu mkichxub xaa nu mkichyek xaa lo Jesús, nu nzhé xaa: —Dixkix lu. Nu xaa ne nak tub xaa Samaria.

¹⁷Zee lee Jesús nzhé: —Ngu chii xaa msekwen na per tubka xaa stub yizhyo mbare mzaa dixkix lo Dios. ¿Per ma stub yee xaa msekwen na?