Lukaj 17:1-17

¹A KOTIN majani on japwilim a tounpadak kan: Nan a jota kak, men kamakar kan en jo pwaida, a juedi on me kokido.

²A mau on, takai en ir plaua eu en paudoki on ni tapin wor a, ap lokidokila nan madau, jan a kamakar amen tikitik pukat.

³Kalaka pein komail! Ma ri om ol wia dipi on uk, en kapun on i, a ma a pan kalukila, maki on i.

⁴A ma a wia dipi on uk pan ijepak ni ran eu o pure don uk pan ijepak indada: I kalula, koe en maki on i!

⁵A wanporon akan potoan on Kaun o: Re kotin kalaudela at pojon!

⁶A Kaun o kotin majani: Ma omail pojon laudi on wan katirin, komail pan kak indai on tuka pik pot et: Kaijan, kajau on nan madau, a pan oke komail.

⁷A ij re omail, me a ladu men, me kin matimat o kamakamana man akan, pan indan i ni a puredo jan matuel o: Madan kodo mondi o mana?

⁸A jota pan indan i: Kaonopada me i pan mana nin jautik o, kaiada om likau, papa ia, lao i manaer o nim, a muri koe pan mana o nim.

⁹De a pan danke ladu pweki a wiada, me a majani on i? I lamelam jo.

¹⁰Pil dueta komail, komail, lao wiadar meakan me kakaliki on komail er, komail ap pan inda: Kit ladu mal, pwe i eta, me je wiadar, me kakalik on kit er.

¹¹Kadekadeo ni a kotilan Ierusalem, a kotin weid nan wein Jamaria o Kaliläa.

¹²O ni a kotin kotilon on nan kijin kanim eu, ol tuketuk ek tu on i, me udi on kaila wei.

¹³Irail nil laudeda indada: Main Iejuj, kupurai kit!

¹⁴A lao kotin majanier, ap majani on irail: Komail koieila kajanjale on pein komail on jamero kan. Kadekadeo ni arail kokola irail kelailada.

¹⁵A amen irail ni a kilaner me a kelailadar, ap puredo nil laudeda, kapikapina Kot.

¹⁶O poridi jan aluwilu a, danke i; ari, i men Jamaria men.

¹⁷Iejuj kotin japen majani: Kaidin me ek, me kelailadar, a ia me duemen oko?