San Lucas 17:1-17

¹YA ilegña ni y disipuluña sija: Ti siña ti ufato y escandalo; lao ay, ay ayo y munafato!

²Maulegña na umagode gui agagaña un alutong, ya umayute gui tase, antes qui uninaquepodong uno güine gui mandiquique sija.

³Adaje jamyo: Yanguin umisao y chelumo contra jago, reprende: y yanguin mañotsot, asie.

⁴Yanguin siete biaje gui un jaane umisao contra jago, ya siete biaje mafato guiya jago, ya ilelegña: Mañotsotyo, un asie.

⁵Ya y apostoles, ilegñija nu y Señot: Aumenta, y jinengguenmame.

⁶Ya y Señot ilegña: Yanguin mangaejinenggue jamyo taegüije y granon mostasa, ya mojon ilegmiyo nu este na sicómoro trongcon jayo: Chapag jao güenao, ya unplanta jao gui tase; ya mojon infaninesgueja.

⁷Lao jaye guiya jamyo y guaja tentagoña, na manalalado, pat mamamasto quinilo, y yanguin mato guinin y fangualuan, ualog nu güiya; maela enseguidas y fatachong, ya unchocho?

⁸Ya ti ualog nu güiya finena: Nalisto y senajo para juchocho, ya undudog jao, ya unsetbeyo asta qui munjayanyo chumocho, yan gumimen: ya despues nae unchocho, ya unguimen?

⁹Numae grasias ayo na tentago, sa jafatinas y matagoña? Jinasoco na aje.

¹⁰Taegüineja locue jamyo, yanguin esta inchegüe todo ayo sija y jutago jamyo, ualog: Maninutil jam na tentago; sa ayoja y para y chechomame inchegüe.

¹¹Ya susede anae jumanao para Jerusalem, ya malofan gui inanaco Samaria, yan Galilea.

¹²Ya anae jumalom gui un songsong, manasoda güije yan dies na taotao na manategtog; ya manojgue desde y chago.

¹³Ya jajatsa y inagangñija, ya ilegñija: Jesus, Maestro, gaease nu jame.

¹⁴Ya anae jalie, ilegña nu sija: Janao ya infanue y mamale nu jamyo. Ya susede anae manjajanao, manjuyong mangasgas.

¹⁵Ya y uno guiya sija, anae jalie na jomlo güe, jabira güe tate, ya janaagagang mannae si Yuus minalag.

¹⁶Ya jatomba güe papa gui fion adeng si Jesus, ya janae grasias: este na taotao, Samaritano.

¹⁷Ya manope si Jesus, ilegña: Ada ti dies y mangasgas? ya manmangue y nuebe?