Luka 17:1-17

¹Te phoeiah a hnukbang rhoek te, “Thangkui te a thoeng pawt ham om tloel coeng. Tedae anunae anih lamloh aka thoeng sak aih.

²He camoe rhoek khuikah pakhat a khah ham lakah tah a rhawn ah lungto phaklung a oi tih tuili la voei koinih anih ham hoeikhang lah.

³Namamih te ngaithuen uh, na manuca loh a tholh atah amah te toel, a yut atah anih te hlah laeh.

⁴Hnin at neh nang soah voei rhih tholh coeng dae namah taengla voei rhih ha bal tih, “Ka yut,” a ti coeng atah anih te hlah laeh,” a ti nah.

⁵Caeltueih rhoek loh Boeipa taengah, “Kaimih ham tangnah han thap lah,” a ti uh.

⁶Tedae Boeipa loh, “Tangnah he mukang mu tet na khueh uh koinih, hekah thaihae kung he, 'Phong uh lamtah tuili ah phung,' na ti uh mai cakhaw nangmih kah te a ngai ni.

⁷Nangmih khuiah sal aka khueh te tah lai a thol pah tih boiva a dawn pah. Lohma lamkah a paipaek vaengah anih te u long ha kun lamtah cawt ngol dae,' a ti na eh?

⁸Anih te, “Mebang khaw tawn lamtah ka ca eh, te phoeiah cihnin vaep lamtah ka caak ka ok vaengah kai taengah thotat, te phoeiah ni na caak na ok eh, 'ti na mahpawt nim?

⁹A uen te a saii dongah sal soah lungvatnah khueh mapawt nim?

¹⁰Nangmih khaw, nangmih ng'uen te boeih na saii uh tangloeng dae, 'kaimih tah sal hlangkhue hlangvaih rhoek ni, saii ham a kuek te ni n'saii,' ti uh mai,” a ti nah.

¹¹Jerusalem la a caeh a om vaengah Jesuh tah Samaria neh Galilee laklo longah cet.

¹²Te vaengah vangca pakhat la a kun hatah hmaibae hlang parha loh Jesuh te a doe uh tih amamih tah soei pai uh.

¹³Te phoeiah a ol a huel uh tih Boeipa Jesuh kaimih n'rhen lah,” a ti uh.

¹⁴Amih te a hmuh vaengah, “Cet uh lamtah namamih te khosoih rhoek taengah tueng uh,” a ti nah. Tedae a caeh uh li vaengah mah amih te boeih cim uh.

¹⁵Tedae amih khuikah pakhat long tah a hoeih te a hmuh vaengah bal tih ol ue la Pathen te a thangpom.

¹⁶Te phoeiah anih tah Samaria dae ni a kho kung ah maelhmai a buluk thil tih Jesuh te a uem.

¹⁷Te dongah Jesuh loh a doo tih, “Parha la a cim uh moenih a? Pako rhoek ta melae?”,