Ayuba 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹«Yakɔsi Ayuba, i i tuli mati n ma masenyi ra, i xa n ma wɔyɛnyi ramɛ.

²N bara n dɛ rabi, n nɛnyi bara keli.

³N ma masenyi kelixi n bɔɲɛ fiixɛ nan kui, nɔndi nan minima n dɛ i.

⁴Ala Xaxili bara n daa, Ala Sɛnbɛ kanyi ɲɛngi bara n findi mixi ɲiɲɛ ra.

⁵Xa i nɔma n yaabide, i xa na raba.

⁶Won firin birin lan Ala ya i. N fan yailanxi bɛndɛ nan na.

⁷Na kui i naxa gaaxu n ya ra.

⁸Kɔnɔ i bara wɔyɛnyi nde fala, n naxan mɛxi n tuli ra.

⁹I bara a fala, ‹N sɛniyɛn, n mu yunubi rabaxi,

¹⁰kɔnɔ Ala man na fe nde tofe n na, n findixi a yaxui ra naxan ma.

¹¹A bara n sanyi mabalan yɔlɔnxɔnyi kui, a nu fa n fɔxi birin igbɛ.›

¹²Kɔnɔ n xa a fala i bɛ, nɔndi mu i bɛ na fe kui, barima Ala gbo mixi bɛ.

¹³I wama Ala rakiitife munfe ra? A mu yaabi fima a xa fe rabaxi birin ma.

¹⁴Ala fe masenma won bɛ ki nde ra, kɔnɔ won mu won ɲɔxɔ sama na xɔn ma.

¹⁵A nɔma wɔyɛnde xiye ra kɔɛ ra, mixi xima tɛmui naxɛ e xa sade ma.

¹⁶A nɔma adamadie tuli rabide na tɛmui, a e rakolon fee ra naxee kelixi a tan ma,

¹⁷alako e xa kira ɲaaxi bɛɲin, a man xa e ratanga e yɛtɛ kan igbofe ma.

¹⁸Na kui, a e ratangama nɛ gaburi gbaloe ma, a e ratanga santidɛgɛma ma.

¹⁹Ala man nɔma masenyi tide adamadi bɛ a xa tɔɔrɛ nde ra, naxan xɔnɛ soma han a xɔrie kui a xa fure dagi tagi.

²⁰Donse yati fa raɲaaxu a ma, a mu nɔ a dɛgede.

²¹A fate ba a ma, a xɔrie birin sa kɛnɛ ma.

²²A makɔrɛ aligiyama ra, Sayamalekɛ fa a fɔxɔ ra.»

²³«Kɔnɔ xa xɛɛra xunmafalama nde sa lu a bɛ malekɛ galie ya ma, naxan fama tinxin ki masende na kanyi bɛ,

²⁴Na kui, xɛɛra xunmafalama findima saabui fanyi ra a bɛ, Ala hinnɛ a ra, a a masen Ala bɛ, ‹A rakisi faxɛ ma, n bara a xunsare ba.›

²⁵Na kui, a fate man gbilenma dimɛdiɲa, a man fonike sɛnbɛ sɔtɔ.

²⁶Adamadi na Ala hinnɛnte maxandi, a Ala yatagi toma nɛ sɛɛwɛ kui, Ala fa tinxinyi fi a ma.

²⁷Na kanyi bɛɛti bama nɛ mixie ya i, a a fala, ‹N yunubi rabaxi nɛ, n tinxinyi madalin, kɔnɔ na sare mu ragbilenxi n ma a ki ma.

²⁸Ala bara n xɔrɛya, n tan naxan xun nu tixi aligiyama ra. A man bara gbilen naiyalanyi masen na n bɛ.›

²⁹Ala nan na rabama adama bɛ, keren, firin, han saxan,

³⁰alako a xa a ba faxɛ yi, a xa a lu naiyalanyi kui.»

³¹«Ayuba, i tuli mati n na, i xa i sabari, i xa n ma masenyi ramɛ.

³²Xa yaabi nde na i bɛ, i xa na fala, barima n wama nɔndi fife i ma.

³³Kɔnɔ xa na mu a ra, i tuli mati n na, i xa i sabari alako i xa xaxili sɔtɔ n na.»