Job 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Job, ka olthui hnatun dae lamtah ka ol boeih he hnakaeng thil laeh.

²Ka ka ong coeng he. Ka ka khuikah ka lai loh a thui.

³Ka ol he ka lungbuei dueng lamkah tih ka hmuilai kah mingnah loh cimphan la a thui.

⁴Pathen Mueihla loh kai n'saii tih Tlungthang kah hiil loh kai n'hing sak.

⁵Kai thuung hamla na coeng mak atah tawn uh lamtah ka mikhmuh ah pai laeh.

⁶Pathen taengah kai he nang ka bangla ka om tih kai khaw dikpo lamkah ni m'pet.

⁷Kai he mueirhih moenih nang nang n'let sak mako. Ka kut long khaw nang n'nan thil mahpawh.

⁸Tedae ka hna ah na thui tih olthui ol khaw ka yaak.

⁹“Ka cil tih boekoek ka khueh moenih. Ka caih tih kai taengah thaesainah om moenih.

¹⁰Te cakhaw kai taengkah noihhainah a hmuh vaengah kai amah kah thunkha bangla a moeh.

¹¹Ka kho he hloong dongah a buen tih ka caehlong boeih a dawn,” na ti.

¹²Tedae na tang moenih he. Pathen he hlanghing lakah a len dongah nang te kan doo.

¹³Balae tih amah te na ho. A ol te boeih n'doo moenih ta.

¹⁴Pathen loh pakhat la a thui dae a hmuhming pawt atah hnavoei la a thui.

¹⁵Ih loh hlang a hnah vaengkah khoyin olphong mueimang ah khaw, thingkong dongkah a ngam vaengah khaw,

¹⁶Hlang hna te a khui sak tih amih kah rhalrhingnah neh a daeng pah.

¹⁷Hlang loh a khoboe lamloh a nong sak tih hlang lamkah koevoeinah a khuk pah.

¹⁸A hinglu te vaam khui lamloh, a hingnah te pumcumnah loh a paan khui lamkah a hoeptlang.

¹⁹A thingkong dongah nganboh neh a tluung tih tuituknah loh a rhuhrhong boeih te phat a thuek pah.

²⁰A hingnah loh buh te khaw a hinglu loh hoehhamnah maeh khaw a lawt pah.

²¹A saa te caphoei cuk bangla mueihmuh ah a khah tih a rhuh a hmuh pawt khaw a ming sak.

²²A hinglu loh vaam khuila, a hingnah te aka duek rhoek taengla pawk.

²³Anih kah duengnah te hlang taengah aka puen la thawngkhat lamkah pakhat ngawn tah amah taengah puencawn oldoe om khaming.

²⁴Te dongah anih te a rhen mai vetih, 'Tlansum ka dang tih hlan kah aka suntla khui lamloh anih he doek laeh,' ti mai koinih.

²⁵A saa te camoe bangla noe vetih a cacawn tue vaengkah bangla saibawn suidae.

²⁶Pathen taengah a thangthui vanbangla anih te a moeithen ta. A maelhmai te tamlung neh a hmuh vaengah tah anih te hlanghing taengah duengnah neh a mael sak.

²⁷Hlang rhoek taengla a mae tih, “Ka tholh tih a thuem te a paihaeh sak dae kai taengah n'yook sak moenih.

²⁸Kamah hinglu, hinglu van tah hlan a paan khui lamloh a lat. Te dongah ka hingnah neh a hingnah loh vangnah te hmu saeh.

²⁹He boeih he Pathen loh hlang taengah voei nit voei thum a saii ne.

³⁰Hlan khui lamkah a hinglu te hingnah khosae neh tue hamla a mael sak.

³¹Job nang hnatung lamtah kai ol he hnatun. Hilphah lamtah kai loh kan thui eh.

³²Kai nan thuung ham ol a om atah thui lah. Nang tang sak ham ka ngaih dongah ni.

³³Kai taengkah he na hnatun pawt atah hilphah lamtah nang te cueihnah kan cang sak bitni,” a ti nah.