11 A bi fin ri atsi tie ni Wurishelima, abu kusa nei gbu Samariya ni Galili.
12 Wa ari ni gbu ri, ndji wlon bi lilon gben ba izun ni wu. Ba klir gbugbanmu niwu.
13 Ba bwu ba ni fu ba, nda tre, Yesu nikon wo iyi mbu.
14 Wa ato ba, ahla ni bawu, hi ndi tsro tumbi ni Firistoci. Wa ba tsi bi, ba kpa sikpa.
15 Iri nimi ba wa a to wawu samu sikpa, a kmaye, nda ngyiri ni Ijri ni la ndindima.
16 A joku ni kbu Yesu, nda ngyiri niwu gbugbome wawu a ndji igbu Samariya.
17 Yesu la bana ndji wlo na wa samu sikpa na, itiya ba bahe ni ntsen?
18 Ba bari wa ba kmaye nda ngyiri ni Irji, tse ndji tsri yi?
19 A hla niwu, lunde ndi he ni suron ndindime anu sikpa ma.
20 Farisawa ba mye Irji ni ye ni ntan, Yesu hlani bawu ndi Irji ana ye iri iya ndi na.
21 Ko ba la yah, ahe iyi koh ahe wamu. Bi ka yah iye Irji ahe aniwu.
22 A hla ni imri koh ma, i vin tse ye wa bi son toh ivi wa ivren ndji niye, bi na tona.
23 Ba hla niwu, yah, ni wamu, yah niwa hi na rju na, na bu ba na.
24 Ya nda izren ni whri nda kma tsutsa wa ni whri gbagbla shu yi ni gbagblamu, ani he nikiyi ivren ndji ni vin ma.
25 A ni sha yah gbugbu kri gbugblu bakaba wu.
