Qoodaabaa 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Israa7eelati Muuseenne Aarooni kaalettin, bantta citan citan Gibxxeppe kiyido wode, yaanidi hemettidosona.

²GODAI azazin, eti baana beettaa doommido sohota Muusee xaafiis; eta beettaa maarai hagaa.

³Koiro aginaayyo tammanne ichchashantta gallassi, Paasikaa bonchchiyo gallassaappe kaalliya gallassi denddidi, Gibxxe asai ubbai xeellishin, yayyennan Raamisappe kiyidosona.

⁴He wode Gibxxe asai GODAI worido bantta baira naata moogoosona. Hagaadan oottidi, GODAI eta xoossatu bolli pirddaa ehiis.

⁵Israa7eelati Raamisappe denddidi, Sukkota giyo sohuwan dunkkaanidosona.

⁶Sukkotappe denddidi, bazzuwaa xeeran de7iya Etaaman dunkkaanidosona.

⁷Etaamappe denddidi, Ba7aali-Xafoonappe arshsho baggaara de7iya Pihaahiroota simmidi, Migidoola matan dunkkaanidosona.

⁸Pihaahirootappe denddidi, Zo7o Abbaa pinnidi, bazzuwaa biidosona. Etaama Bazzuwan heezzu gallassa ogiyaa hemettidi, Maaran dunkkaanidosona.

⁹Maarappe denddidi, tammanne naa77u pulttotinne laappun tammu zambbati de7iyo Eliima biidi, yan dunkkaanidosona.

¹⁰Eliimappe denddidi, Zo7o Abbaa lanqqen dunkkaanidosona.

¹¹Zo7o Abbaa lanqqeppe denddidi, Siinaa Bazzuwan dunkkaanidosona.

¹²Siinaa Bazzuwaappe denddidi, Doofiqan dunkkaanidosona.

¹³Doofiqappe denddidi, Aluushan dunkkaanidosona.

¹⁴Aluushappe denddidi, Rafiidiman dunkkaanidosona. Yan asaayyo uyanau haatti baawa.

¹⁵Rafiidimappe denddidi, Siinaa Bazzuwan dunkkaanidosona.

¹⁶Siinaa Bazzuwaappe denddidi, Amuwaa Duufuwaa giyoosan dunkkaanidosona.

¹⁷Amuwaa Duufuwaa giyoosaappe denddidi, Haxerootan dunkkaanidosona.

¹⁸Haxerootappe denddidi, Riitiman dunkkaanidosona.

¹⁹Riitimappe denddidi, Rimmooni-Pereezan dunkkaanidosona.

²⁰Rimmooni-Pereezappe denddidi, Liibinan dunkkaanidosona.

²¹Liibinappe denddidi, Riissan dunkkaanidosona.

²²Riissappe denddidi, Qahelaatan dunkkaanidosona.

²³Qahelaatappe denddidi, SHefaara Deriyan dunkkaanidosona.

²⁴SHefaara Deriyaappe denddidi, Haraadan dunkkaanidosona.

²⁵Haraadappe denddidi, Maaqihelootan dunkkaanidosona.

²⁶Maaqihelootappe denddidi, Tahaatan dunkkaanidosona.

²⁷Tahaatappe denddidi, Taaran dunkkaanidosona.

²⁸Taarappe denddidi, Miitiqan dunkkaanidosona.

²⁹Miitiqappe denddidi, Hashimoonan dunkkaanidosona.

³⁰Hashimoonappe denddidi, Moserootan dunkkaanidosona.

³¹Moserootappe denddidi, Bene-Yaa7iqaanan dunkkaanidosona.

³²Bene-Yaa7iqaanappe denddidi, Hoori-Hagidigaadan dunkkaanidosona.

³³Hoori-Hagidigaadappe denddidi, Yoxibaatan dunkkaanidosona.

³⁴Yoxibaatappe denddidi, Abroonan dunkkaanidosona.

³⁵Abroonappe denddidi, Eexiyooni-Gaabiran dunkkaanidosona.

³⁶Eexiyooni-Gaabirappe denddidi, Xiina Bazzuwan de7iya Qaadeesan dunkkaanidosona.

³⁷Qaadeesappe denddidi, Eedooma biittaa zawan de7iya Hoora Deriyan dunkkaanidosona.

³⁸Qeesee Aarooni GODAI azazin, Hoora Deriyaa huuphiyaa kiyiis; kiyidi Israa7eelati Gibxxe biittaappe kiyido oitamantta laittan, ichchashantta aginan, aginaayyo koiro gallassan yan haiqqiis.

³⁹Aarooni Hoora Deriyaa huuphiyan haiqqiyo wode, a laittai xeetanne laatammanne heezza.

⁴⁰Neegeeba Bazzuwan, Kanaanen de7iya Araada giyoosaa kawoi Israa7eela asaa yuussaa siyiis.

⁴¹Israa7eelati Hoora Deriyaappe denddidi, Xalmmoonan dunkkaanidosona.

⁴²Xalmmoonappe denddidi, Punoonan dunkkaanidosona.

⁴³Punoonappe denddidi, Obootan dunkkaanidosona.

⁴⁴Obootappe denddidi, Moo7aaba biittaa zawan de7iya Abaariman dunkkaanidosona.

⁴⁵Abaarimappe denddidi, Diboona-Gaadan dunkkaanidosona.

⁴⁶Diboona-Gaadappe denddidi, Almmoona-Dibilaataiman dunkkaanidosona.

⁴⁷Almmoona-Dibilaataimappe denddidi, Nabo Deriyaa matan Abaarima deretun dunkkaanidosona.

⁴⁸Abaarima deretuppe denddidi, Yarkkoppe hefinttaara, Yorddaanoosa SHaafaa matan de7iya Moo7aaba Dembban dunkkaanidosona.

⁴⁹Yorddaanoosa SHaafaa matan de7iya Moo7aaba Dembban, Beeti-Yashimootappenne SHiixima Zanggaaraappe gidduwan dunkkaanidosona.

⁵⁰Yarkko hefinttaara, Yorddaanoosa SHaafaa matan de7iya Moo7aaba Dembban GODAI Muusa hagaadan yaagiis;

⁵¹“Israa7eelata neeni yaaga; ‘Yorddaanoosa SHaafaa pinnidi, Kanaane biitti intte geliyo wode,

⁵²he biittan de7iya asaa ubbaa intte sinttappe yedettite; yedettidi shuchchaappe masettida eta misileta ubbaanne seerissidi medhdhido eeqata ubbaa xaissite. Eti goinniyo xoqqa sohota ubbaakka laalite.

⁵³Taani intteyyo he biittaa laatau immido gishshau, he biittaa laattidi, an de7ite.

⁵⁴Intte zariyan zariyan saamaa kessidi, biittaa shaakkite. Qoodan corattiya zaretuyyo daro laataa immite; qoodan guuxxiya zaretuyyo guutta laataa immite. Saaman eta gakkida augeenne etaagaa gidana. Biittaa intte maizza aawatu zariyan zariyan shaakki ekkite.

⁵⁵“‘SHin he biittan de7iya asaa intte yedettennan aggikko, intte ashshidoogeeti intteyyo intte aifiyaayyo pincco, intte miyyiyaayyo aguntta gidana; intte de7ana biittan eti inttena waayissana.

⁵⁶Intte eta yedettennan aggikko, eta bolli taani oottanau halchchidobaa intte bolli oottana’ yaagada yoota” yaagiis.