Chöl-bayawandiki seper 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Töwendikiler öz qoshunliri boyiche, Musa bilen Harunning yétekchiliki astida Misir zéminidin chiqqan Israillarning mangghan yolliridur;

²Musa Perwerdigarning emri boyiche, özlirining seper qilghan yollirini pütüp qoydi, ularning seper qilghan yolliri mundaq: —

³Birinchi ayning on beshinchi küni Israillar Ramses shehiridin seperge chiqti; ötüp kétish héytining etisi ular barliq Misirliqlarning köz aldida merdanilik bilen yolgha chiqti.  

⁴Bu chaghda Misirliqlar ularning arisidiki Perwerdigar teripidin öltürülgenlerni, yeni barliq tunji oghullirini depne qiliwatqanidi; Perwerdigar Misirliqlarning mebudlirining üstidin höküm chüshürdi.

⁵Israillar Ramsestin yolgha chiqip Sukkotqa bérip chédir tikti.

⁶Ular Sukkottin yolgha chiqip chöl-bayawanning ayighidiki Étamgha bérip chédir tikti.

⁷Étamdin yolgha chiqip, aylinip Baal-Zéfonning udulidiki Pi-Xaxirotqa bérip Migdolning aldida chédir tikti.

⁸Pi-xaxirottin yolgha chiqip, déngizning otturisidin ötüp, Étam chölide üch kün yol yürüp Marahda chédir tikti.

⁹Marahdin yolgha chiqip Élimge keldi; Élimde on ikki bulaq bilen yetmish xorma derixi bar idi; ular shu yerde chédir tikti.

¹⁰Élimdin yolgha chiqip Qizil Déngiz boyida chédir tikti.

¹¹Qizil Déngizdin yolgha chiqip Sin chölide chédir tikti.

¹²Sin chölidin yolgha chiqip Dofqahqa kélip chédir tikti.

¹³Dofqahdin yolgha chiqip Alushqa bérip chédir tikti.

¹⁴Andin kéyin Alushtin yolgha chiqip Rifidimgha kélip chédir tikti, u yerde xelqqe ichidighan su tépilmay qaldi.

¹⁵Rifidimdin yolgha chiqip, Sinay chölige bérip chédir tikti.

¹⁶Sinay chölidin yolgha chiqip Qibrot-Hattawahqa kélip chédir tikti.

¹⁷Qibrot-hattawahdin yolgha chiqip Hazirotta chédir tikti.

¹⁸Hazirottin yolgha chiqip Ritmahda chédir tikti.

¹⁹Ritmahdin yolgha chiqip Rimmon-Perezde chédir tikti.

²⁰Rimmon-Perezdin yolgha chiqip Libnahda chédir tikti.

²¹Libnahdin yolgha chiqip Rissahda chédir tikti.

²²Rissahdin yolgha chiqip Kehelatahda chédir tikti.

²³Kehelatahdin yolgha chiqip Shafir téghida chédir tikti.

²⁴Shafir téghidin yolgha chiqip Haradahta chédir tikti.

²⁵Haradahdin yolgha chiqip Makhilotta chédir tikti.

²⁶Makhilottin yolgha chiqip Tahatta chédir tikti.

²⁷Tahattin yolgha chiqip Terahda chédir tikti.

²⁸Terahdin yolgha chiqip Mitqahda chédir tikti.

²⁹Mitqahdin yolgha chiqip Hashmonahta chédir tikti.

³⁰Hashmonahtin yolgha chiqip Mosherotta chédir tikti.

³¹Mosherottin yolgha chiqip Bene-Yaakanda chédir tikti.

³²Bene-Yaakandin yolgha chiqip Xor-Hagidgadqa bérip chédir tikti.

³³Xor-Hagidgadtin yolgha chiqip Yotbatahqa kélip chédir tikti.

³⁴Yotbatahtin yolgha chiqip Abronahqa kélip chédir tikti.

³⁵Abronahtin yolgha chiqip Ezion-Geberge kélip chédir tikti.

³⁶Ezion-Geberdin yolgha chiqip Zin chölide, yeni Qadeshte chédir tikti.

³⁷Qadeshtin yolgha chiqip Édom zéminining chégrisidiki Hor téghida chédir tikti.

³⁸Israillar Misir zéminidin chiqqandin kéyinki qiriqinchi yili beshinchi ayning birinchi küni, kahin Harun Perwerdigarning emri boyiche Hor téghigha chiqip shu yerde öldi.

³⁹Harun Hor téghida ölgen chéghida bir yüz yigirme üch yashta idi.

⁴⁰U chaghda, Qanaan zéminining jenubida turushluq Qanaaniylarning padishahi Arad Israillar kéliwétiptu dep anglighanidi.

⁴¹Israillar Hor téghidin yolgha chiqip Zalmonahda chédir tikti.

⁴²Zalmonahdin yolgha chiqip Punon'gha kélip chédir tikti.

⁴³Punondin yolgha chiqip Obotqa kélip chédir tikti.

⁴⁴Obottin yolgha chiqip Moabning chégrisidiki Iye-Abarimgha kélip chédir tikti.

⁴⁵Iyimdin yolgha chiqip Dibon-Gadqa kélip chédir tikti.

⁴⁶Dibon-Gadtin yolgha chiqip Almon-Diblatayimgha kélip chédir tikti.

⁴⁷Almon-Diblatayimdin yolgha chiqip Néboning aldidiki Abarim taghliqigha kélip chédir tikti.

⁴⁸Abarim taghliqidin yolgha chiqip Yérixoning udulida Iordan deryasining boyidiki Moab tüzlenglikliride chédir tikti.

⁴⁹Moab tüzlenglikliride Iordan deryasini boylap tikken chédirliri Beyt-Yeshimottin tartip Abel-Shittimghiche bardi.  

⁵⁰Perwerdigar Moab tüzlenglikliridiki Iordan deryasi boyida Yérixoning udulida Musagha söz qilip mundaq dédi: —

⁵¹Sen Israillargha söz qilip mundaq buyrughin: — «Siler Iordan deryasidin ötüp Qanaan zéminigha kelgen chéghinglarda,

⁵²zémindiki barliq turuwatqanlarni aldinglardin heydiwétinglar, ularning barliq oyma, quyma butlirini chéqip tashlanglar hem barliq «yuqiri jay»lirini weyran qilip tashlanglar.  

⁵³Siler shu zéminni igilep makanlishinglar, chünki Men u zéminni silerge miras qilip bergenmen.

⁵⁴Siler jemet boyiche chek tashlap, zéminni özünglerge miras qilip élinglar; adimi köpreklerge köprek miras bölüp béringlar; adimi azraqlargha azraq miras bölüp béringlar; chek tashlan'ghanda kimlerge qeyer chiqqan bolsa, shu yer uning mirasi bolsun; siler mirasqa ata qebile-jemet boyiche warisliq qilinglar.

⁵⁵Halbuki, eger u zéminda turuwatqanlarni aldinglardin heydiwetmisenglar, ulardin qélip qalghanlar choqum közünglerge tiken, biqininglargha yantaq bolup sanjilidu, turghan zémininglarda silerni parakende qilidu;

⁵⁶we shundaq boliduki, Men eslide ulargha qandaq muamile qilmaqchi bolghan bolsam, silerge shundaq muamilde bolimen».