NUMERA 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Israel taudia edia laolao daladia bini. Mose bona Aaron ese orea ta ta ai Aigupto amo e hakaudia lasi negana ai,

²Iehova ese Mose e haḡania, bena Mose ese edia taruha sivaraidia bona edia tore-isi sivaraidiae tore. Edia tore-isi bona edia taruha herevadia bini:

³hua gini-gunana ena dina ihagwauta-imana ai, idia na Ramese amo e raka lasi; lagau-hanai murina dinana ai Israel taudia na Iehova ena siahu ai e raka lasi, Aigupto taudia iboudiai vairadiai,

⁴Aigupto taudia ese natudia roboadia e guridia dinana ai. Badina be Iehova ese natudia roboadia vada e aladia mase, bona edia dirava danu vada e hahemaoro henidia.

⁵Taunabunai Israel taudia na Ramese amo ela, bona Sukoto ai e taruha.

⁶Sukoto amo e tore isi, ela, Etam ai e taruha, tano ḡagaena isena ai.

⁷Etam amo e tore isi, e lou ela, Pi-hahiroto ai e kau: una na Baal-sefon mairiveina kahana ai. Bena Migdol ai e taruha.

⁸Ma e laolao, Hahiroto badina amo ela, davara e rakaia hanai, tano ḡaḡaena ai e kau; bena dina toi idia na Etam tano-ḡaḡaena ai e laolao, Mara ai e taruha.

⁹Mara amoe tore isi, ela, Elim ai e kau. Una gabu ai ranu guridia na gwauta-rua, bona pamu audia na hitu-ahui. Bena unuseni ai e taruha.

¹⁰Elim amoe tore isi, ela, Davara Kakakakana isena ai e taruha;

¹¹unu amo ma ela, Sin tano-ḡaḡaena ai e taruha.

¹²Sin tano-ḡaḡaena amo e tore isi, ela, Dofka ai e taruha.

¹³Dofka amo e tore isi, ela, Alusu ai e taruha.

¹⁴Alusu amo e tore isi, ela, Refidim ai e taruha; unuseni ai inuinu ranuna ai e dabu.

¹⁵Refidim amo e tore isi, ela, Sinai tano-ḡaḡaena ai e taruha.

¹⁶Sinai tano-ḡaḡaena amo e tore isi, Kibroto-hatava ai e taruha.

¹⁷Kibroto-hatava amo e tore isi, ela, Haseroto ai e taruha.

¹⁸Haseroto amo e tore isi, ela, Ritma ai e taruha.

¹⁹Ritma amo e tore isi, ela, Rimon-perese ai e taruha.

²⁰Rimon-perese amo e tore isi, ela, Libna ai e taruha.

²¹Libna amo etore isi, ela, Risa ai e taruha.

²²Risa amo e tore isi, ela, Kehelata ai e taruha.

²³Kehelata amo e tore isi, ela, Sefere ororona ai e taruha.

²⁴Sefere ororona amo e tore isi, ela, Harada ai e taruha.

²⁵Harada amo e tore isi, ela, Makeloto ai e taruha.

²⁶Makeloto amo e tore isi, ela, Tahata ai e taruha.

²⁷Tahata amo e tore isi, ela, Tera ai e taruha.

²⁸Tera amo e tore isi, ela, Mitka ai e taruha.

²⁹Mitka amo e tore isi, ela, Hasamona ai e taruha.

³⁰Hasamona amo e tore isi, ela, Moseroto ai e taruha.

³¹Moseroto amo e tore isi, ela, Bene-iakan ai e taruha.

³²Beneiakan amo e tore isi, ela, Horo-hagidigad ai e taruha.

³³Horo-hagidigad amo e tore isi, ela, Iotobata ai e taruha.

³⁴Iotobata amo e tore isi, ela, Abrona ai e taruha.

³⁵Abrona amo e tore isi, ela, Esiono-gebere ai e taruha.

³⁶Esiono-gebere amo e tore isi, ela, Sin tano-ḡaḡaena ai e taruha (ladanata be Kade).

³⁷Kade amo e tore isi, ela, Horo ororona ai e taruha, Edom tano hetoana ai.

³⁸Bena hahelaḡa tauna Aaron na ororo ai e dara dae, Iehova ena haheḡani dainai. Unuseni ai e mase, laḡani hari-ahui vada ela Israel taudia Aigupto tanona amo e raka Iasi murinai. Hua be hua iha-imana; dina be dina ginigunana.

³⁹Aaron ena vara laḡanidia na sinahu-ta ruahui toi, Horo ororonaai e mase negana ai.

⁴⁰Israel taudia vada ema harina na Kanaan lohiana ta, Arada pavapavana, ese e kamonai. Ia be diho kahana ai e nohova, Kanaan ai.

⁴¹Horo ororona amo e tore isi, ela, Salmona ai e taruha.

⁴²Salmona amo e tore isi, ela, Punon ai e taruha.

⁴³Punon amo e tore isi, ela, Oboto ai e taruha.

⁴⁴Oboto amo e tore isi, ela, Ie-abarim ai e taruha, Moab tanona ai.

⁴⁵Ie amo e tore isi, ela, Dibon-gad ai e taruha.

⁴⁶Dibon-gad amo e tore isi, ela, Almon-diblataim ai e taruha.

⁴⁷Almon diblataim amo e tore isi, ela, Abarim ororodia ai e taruha, Nebo vairanai.

⁴⁸Abarim ororodia amo e tore isi, ela, Ieriko ai e taruha, Ioridane sinavaina isena ai, Moab taorana ai.

⁴⁹Edia taruha na Ioridane sinavaina isena ai, Bet-iesimoto amo ela bona Abele-sitim, Moab taorana ai.

⁵⁰Bena Ieriko ai, Ioridane sinavaina isena ai, Moab taorana ai, Iehova ese Mose e hereva henia, eto,

⁵¹Israel taudia ba hamaorodia, baoto: Ioridane sinavaina ba hanaia, Kanaan tanona ai ba kau, negana ai,

⁵²una tano taudia iboudiai na vairamui ai ba luludia lasi; edia nadi helaḡadia iboudiai ba ḡiḡidia rohoroho, edia kaivakuku iboudiai ba doudia, edia atai gabudia helaḡadia iboudiai ba habuadia tari.

⁵³Tano bavabia emui, ba noholaia: badina be tano na vada na henimui, emui tano korikori.

⁵⁴Tano na mari amo ba haria, iduhu ta ta ahuna ahuna bae abi: iduhu badana be tano badana ba henia, iduhu maraḡina be tano maraḡina ba henia. Tau ta ese mari ai tano ta baine abia, una na iena tano.

⁵⁵A tano taudia iboudiai basioma luludia lasi vairamui ai, bae noho taudia na ḡahu vairamui ai eiava ginigini kopimui ai na heheto bae hahekwarahimui, ba noholaia tanona ai.

⁵⁶Bena idia baina kara henidia nato karadia na umui baina kara henimui.