Kaarantura 33

10

11

12

13

14

16

17

20

21

22

23

24

25

26

27

31

32

33

34

¹Mosika Eronika Isipi ke Isareri ntita vare qumina aahara vataini katu vare aniha voqi voqi naavu maaqa kaqateha vaura.

²Mintuvaro Noravano Kotiva tuvaro Mosiva Isareri naavu maaqa kaqate vaura, vira autu vohaiqa vohaiqa vukuqi qara ntuvatora. Vi vatukanavura autu maantimama vairo:

³Haaru avuhainaa tora 15 entaqaa Isareri Isipiqihai katu vare Ramesesi mini ke anura. Noravano Kotiva Isareri vehakuma nimito entara vira qararaa Isipi vatanaaka nái qorainti vainti kara hunka qutu vuka qunte vaumanta Isareri kia Isipi naatu qetaraiti, vika nivuqaa qoqaa katu vare vi vaura. Noravano Kotiva mintiakero nai kempuka numiqeharo Isipi vika una variqa vara muntuviqama komanta

⁵Isareri Ramesesi ke, vika katu vare Sukotini oru naavu maaqa kaqate vaura. (Katu Varora 12:37)

⁶Qaiqaa vika Sukoti ke, katu vare aahara vata auvahini Etamini oru naavu maaqa kaqate vaura. (Katu Varora 13:20)

⁷Qaiqaa vika Etami ke, vihai anirante Pi-Hahiroti vataini kuari avu uruntonaini Baali-Sefoni vata vira tataaqa Mikadoli vatuka aumanto oru naavu maaqa kaqate vaura. (Katu Varora 14:2)

⁸Qaiqaa vika Pi-Hahiroti ke, vihai Naare Namari taqa vare aahara vata Surini vura. Vika taaramo entara aahara vatavaura nuvaqi vi, Maraini oru naavu maaqa kaqate vaura. (Katu Varora 14:22; 15:22-23)

⁹Qaiqaa vika Mara ke, katu vare oru Elimi vataini naavu maaqa kaqate vaura. Elimini ruvu namari 12navu vauvaro deti katari 70navuvata mini vaura. (Katu Varora 15:27) (Deti katari vaireva, vira mare vakaavara mare voqaara vaivaro deti tava vira kara naarama vairo.)

¹⁰Qaiqaa vika Elimi ke, vihai Naare Namari vaunaini orunte naavu maaqa kaqate vaura.

¹¹Qaiqaa vika Naare Namari ke, aahara vata Sinive tunaini orunte naavu maaqa kaqate vaura. (Katu Varora 16:1)

¹²Qaiqaa vika aahara vata Sini ke, vihai katu vare oru Dopikaini naavu maaqa kaqate vaura.

¹³Qaiqaa vika Dopika ke, oru Alusini naavu maaqa kaqate vaura.

¹⁴Qaiqaa vika Alusi ke, oru Repintimini naavu maaqa kaqate vaura. Mini namari nevavata kia vaura. (Katu Varora 17:1)

¹⁵Qaiqaa vika Repintimi ke, aahara vata Sainaini naavu maaqa kaqate vaura. (Katu Varora 19:1-2)

¹⁶Qaiqaa vika Sainai ke, oru Kibaroti-Hataavaini naavu maaqa kaqate vaura. (11:34)

¹⁷Qaiqaa vika Kibaroti-Hataava ke, oru Haserotini naavu maaqa kaqate vaura. (11:35)

¹⁸Qaiqaa vika Haseroti ke, oru Ritimaini naavu maaqa kaqate vaura.

¹⁹Qaiqaa vika Ritima ke, oru Rimoni-Peresini naavu maaqa kaqate vaura.

²⁰Qaiqaa vika Rimoni-Peresi ke, orunte Lipinaini naavu maaqa kaqate vaura.

²¹Qaiqaa vika Lipina ke, orunte Risaini naavu maaqa kaqate vaura.

²²Qaiqaa vika Risa ke, orunte Kehelataini naavu maaqa kaqate vaura.

²³Qaiqaa vika Kehelata ke, Seferi Aiqina auvoqi orunte naavu maaqa kaqate vaura.

²⁴Qaiqaa vika Seferi ke, Haradaini orunte naavu maaqa kaqate vaura.

²⁵Qaiqaa vika Harada ke, Makihelotini orunte naavu maaqa kaqate vaura.

²⁶Qaiqaa vika Makiheloti ke, Tahaatini orunte naavu maaqa kaqate vaura.

²⁷Qaiqaa vika Tahaati ke, Teraini orunte naavu maaqa kaqate vaura.

²⁸Qaiqaa vika Tera ke, Mitikaini orunte naavu maaqa kaqate vaura.

²⁹Qaiqaa vika Mitika ke, Hasamonaini orunte naavu maaqa kaqate vaura.

³⁰Qaiqaa vika Hasamonai ke, Moserotini orunte naavu maaqa kaqate vaura.

³¹Qaiqaa vika Moseroti ke, Bene-Jakaanini orunte naavu maaqa kaqate vaura. (Lo 10:6)

³²Qaiqaa vika Bene-Jakaani ke, Horu-Hagitigatini orunte naavu maaqa kaqate vaura.

³³Qaiqaa vika Horu-Hagitigati ke, Jotabataini orunte naavu maaqa kaqate vaura.

³⁴Qaiqaa vika Jotabata ke, Abaronaini orunte naavu maaqa kaqate vaura.

³⁵Qaiqaa vika Abarona ke, Esioni-Gebeni orunte naavu maaqa kaqate vaura. (Lo 2:8)

³⁶Qaiqaa vika Esioni-Gebe ke, aahara vata Senini orunte Kadesini naavu maaqa kaqate vaura. (20:1)

³⁷Qaiqaa vika Kadesi ke, Horu Aiqinaqaa Idomu vata auvahini orunte naavu maaqa kaqate vaura. (20:23)

³⁸Vika Isipiqihai katu vare vuvaro 40 ihi aitarovaro 5 tora avuhainaa entaqaa Eroniva qutu vura. Kotiva tuntema kero, Eroniva Kotira kaiqa vara amite vauva oru Horu Aiqinaqaa qutu vura. Viva 123 ihi varakero qutu vura. (20:25-28)

⁴⁰Isareri vika mini vauvaro Araati avuhainaa vaiintivano Kenaani vata Nekevini vaiharo Isareri ani vau uvara irura. (21:1)

⁴¹Isareri Horu Aiqina ke, Salmonaini orunte naavu maaqa kaqate vaura. (21:4)

⁴²Qaiqaa vika Salmona ke, Punonini orunte naavu maaqa kaqate vaura.

⁴³Qaiqaa vika Punoni ke, Obotini orunte naavu maaqa kaqate vaura. (21:10)

⁴⁴Qaiqaa vika Oboti ke, Moapi vata auvahivano vaunaini, Iye-Abarimini orunte naavu maaqa kaqate vaura. (21:11)

⁴⁵Qaiqaa vika Iye-Abarimi ke, Diboni-Gaatini orunte mini naavu maaqa kaqate vaura. (21:30)

⁴⁶Qaiqaa vika Diboni-Gaati ke, Alamonu-Dipalaataimini orunte naavu maaqa kaqate vaura.

⁴⁷Qaiqaa vika Alamonu-Dipalaataimini ke, Nebo Aiqina tataaqa Abarimi Aiqinaqaa orunte naavu maaqa kaqate vaura.

⁴⁸Qaiqaa vika Abarimi Aiqina ke, Moapi vataini vivi, Iotani Namari hini mantaraini uqita kanta naavu maaqa kaqate vaura. Vika uqita kanta vauvaro Ieriko vatukavano Iotani Namari hini mantara vuruni vaura. (22:1)

⁴⁹Vika Moapi uqitaini Iotani Namari tataaqa naavu maaqa kaqate vauvaro Beti-Jesimoti vatukavano hini mantaraini vauvaro Sitimi vatukavano hini mantaraini vaumanta Isareri vika avutana vaura. (25:1)

⁵⁰Vika mini vauvaro hini mantara vuruni Ieriko vauvaro vi entara Noravano Kotiva Mosiva Isareri tiva nimiarire tiro, maa uvara Mosira tiva amiro tiharo: Ne Iotani Namari taqavare Kenaani vataini orunte,

⁵²ho vi vataraqaa varia vaiinti nahentika ekaama aru ntata kaimanta vuate. Vika una variqa maraqura aini oriqohaive ori tanaraqohaive aututaara vara rukavu raakavuma taiqake, vika una variqanavu quahama nimite varia vatukanavuravata qoraiqama kaate.

⁵³Vi vatava ne i vatava variarire ti, te vira ni nimuro. Ne vi vatara oru vare mini variate.

⁵⁴Ne satu arukeha vi vatara raira keha, ekaa vo anku vo anku nimiate. Airi varia ankuka nora vata rairake nimi, kia airi varia ankuka inaara vata nimiate.

⁵⁵Ne kia vi vataraqaa varia vaiinti nahentika ekaa aru ntata karaiti, hini kiaka qaqi kaivera, vika auqu vai haikava ni avuqivata vaataqivata ranteqe vaintemake, qaiqaa qaiqaavata ni qoraiqama nimitevarave.

⁵⁶Ne kia vika ekaa aru ntata kaivera, te vika qoraiqama nimitarera iritaainara, vira nintama qoraiqama nimitararave, tiro. ˻Noravano Kotiva minti tivakero Mosirara Isareri vi uvara tiva nimiane tura˼...