Чөл-баявандики сәпәр 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Төвәндикиләр өз қошунлири бойичә, Муса билән Һарунниң йетәкчилиги астида Мисир зиминидин чиққан Исраилларниң маңған йоллиридур;

²Муса Пәрвәрдигарниң әмри бойичә, өзлириниң сәпәр қилған йоллирини пүтүп қойди, уларниң сәпәр қилған йоллири мундақ: —

³Биринчи айниң он бәшинчи күни Исраиллар Рамсәс шәһиридин сәпәргә чиқти; өтүп кетиш һейтиниң әтиси улар барлиқ Мисирлиқларниң көз алдида мәртанилик билән йолға чиқти.  

⁴Бу чағда Мисирлиқлар уларниң арисидики Пәрвәрдигар тәрипидин өлтүрүлгәнләрни, йәни барлиқ тунҗа оғуллирини дәпнә қиливатқан еди; Пәрвәрдигар Мисирлиқларниң мәбудлириниң үстидин һөкүм чүшүрди.

⁵Исраиллар Рамсәстин йолға чиқип Суккотқа берип чедир тикти.

⁶Улар Суккоттин йолға чиқип чөл-баяванниң айиғидики Етамға берип чедир тикти.

⁷Етамдин йолға чиқип, айлинип Баал-Зефонниң удулидики Пи-Хахиротқа берип Мигдолниң алдида чедир тикти.

⁸Пи-хахироттин йолға чиқип, деңизниң оттурисидин өтүп, Етам чөлидә үч күн йол жүрүп Мараһда чедир тикти.

⁹Мараһдин йолға чиқип Елимгә кәлди; Елимдә он икки булақ билән йәтмиш хорма дәриғи бар еди; улар шу йәрдә чедир тикти.

¹⁰Елимдин йолға чиқип Қизил Деңиз бойида чедир тикти.

¹¹Қизил Деңиздин йолға чиқип Син чөлидә чедир тикти.

¹²Син чөлидин йолға чиқип Дофқаһқа келип чедир тикти.

¹³Дофқаһдин йолға чиқип Алушқа берип чедир тикти.

¹⁴Андин кейин Алуштин йолға чиқип Рифидимға келип чедир тикти, у йәрдә хәлиққә ичидиған су тепилмай қалди.

¹⁵Рифидимдин йолға чиқип, Синай чөлигә берип чедир тикти.

¹⁶Синай чөлидин йолға чиқип Қиброт-Һаттаваһқа келип чедир тикти.

¹⁷Қиброт-һаттаваһдин йолға чиқип Һазиротта чедир тикти.

¹⁸Һазироттин йолға чиқип Ритмаһда чедир тикти.

¹⁹Ритмаһдин йолға чиқип Риммон-Пәрәздә чедир тикти.

²⁰Риммон-Пәрәздин йолға чиқип Либнаһда чедир тикти.

²¹Либнаһдин йолға чиқип Риссаһда чедир тикти.

²²Риссаһдин йолға чиқип Кәһәлатаһда чедир тикти.

²³Кәһәлатаһдин йолға чиқип Шафир теғида чедир тикти.

²⁴Шафир теғидин йолға чиқип Һарадаһта чедир тикти.

²⁵Һарадаһдин йолға чиқип Макһилотта чедир тикти.

²⁶Макһилоттин йолға чиқип Таһатта чедир тикти.

²⁷Таһаттин йолға чиқип Тәраһда чедир тикти.

²⁸Тәраһдин йолға чиқип Митқаһда чедир тикти.

²⁹Митқаһдин йолға чиқип Һашмонаһта чедир тикти.

³⁰Һашмонаһтин йолға чиқип Мошәротта чедир тикти.

³¹Мошәроттин йолға чиқип Бәнә-Яаканда чедир тикти.

³²Бәнә-Яакандин йолға чиқип Хор-Һагидгадқа берип чедир тикти.

³³Хор-Һагидгадтин йолға чиқип Йотбатаһқа келип чедир тикти.

³⁴Йотбатаһтин йолға чиқип Абронаһқа келип чедир тикти.

³⁵Абронаһтин йолға чиқип Әзион-Гәбәргә келип чедир тикти.

³⁶Әзион-Гәбәрдин йолға чиқип Зин чөлидә, йәни Қадәштә чедир тикти.

³⁷Қадәштин йолға чиқип Едом зимининиң чегарисидики Һор теғида чедир тикти.

³⁸Исраиллар Мисир зиминидин чиққандин кейинки қириқинчи жили бәшинчи айниң биринчи күни, каһин Һарун Пәрвәрдигарниң әмри бойичә Һор теғиға чиқип шу йәрдә өлди.

³⁹Һарун Һор теғида өлгән чеғида бир йүз жигирмә үч яшта еди.

⁴⁰У чағда, Қанаан зимининиң җәнубида турушлуқ Ⱪананийларниң падишаһи Арад Исраиллар келиветипту дәп аңлиған еди.

⁴¹Исраиллар Һор теғидин йолға чиқип Залмонаһда чедир тикти.

⁴²Залмонаһдин йолға чиқип Пунонға келип чедир тикти.

⁴³Пунондин йолға чиқип Оботқа келип чедир тикти.

⁴⁴Оботтин йолға чиқип Моабниң чегарисидики Ийә-Абаримға келип чедир тикти.

⁴⁵Ийимдин йолға чиқип Дибон-Гадқа келип чедир тикти.

⁴⁶Дибон-Гадтин йолға чиқип Алмон-Диблатайимға келип чедир тикти.

⁴⁷Алмон-Диблатайимдин йолға чиқип Небониң алдидики Абарим тағлиғиға келип чедир тикти.

⁴⁸Абарим тағлиғидин йолға чиқип Йерихониң удулида Иордан дәриясиниң бойидики Моаб түзләңликлиридә чедир тикти.

⁴⁹Моаб түзләңликлиридә Иордан дәриясини бойлап тиккән чедирлири Бәйт-Йәшимоттин тартип Абәл-Шиттимғичә барди.  

⁵⁰Пәрвәрдигар Моаб түзләңликлиридики Иордан дәрияси бойида Йерихониң удулида Мусаға сөз қилип мундақ деди: —

⁵¹Сән Исраилларға сөз қилип мундақ буйруғин: — «Силәр Иордан дәриясидин өтүп Қанаан зиминиға кәлгән чеғиңларда,

⁵²зиминдики барлиқ туруватқанларни алдиңлардин һайдиветиңлар, уларниң барлиқ ойма, қуйма бутлирини чеқип ташлаңлар һәм барлиқ «жуқури җай»лирини вәйран қилип ташлаңлар.  

⁵³Силәр шу зиминни егиләп маканлишиңлар, чүнки Мән у зиминни силәргә мирас қилип бәргәнмән.

⁵⁴Силәр җәмәт бойичә чәк ташлап, зиминни өзүңләргә мирас қилип елиңлар; адими көпрәкләргә көпрәк мирас бөлүп бериңлар; адими азрақларға азрақ мирас бөлүп бериңлар; чәк ташланғанда кимләргә қәйәр чиққан болса, шу йәр униң мираси болсун; силәр мирасқа ата қәбилә-җәмәт бойичә варислиқ қилиңлар.

⁵⁵Һалбуки, әгәр у зиминда туруватқанларни алдиңлардин һайдивәтмисәңлар, улардин қелип қалғанлар чоқум көзүңләргә тикән, биқиниңларға янтақ болуп санҗилиду, турған зиминиңларда силәрни паракәндә қилиду;

⁵⁶вә шундақ болидуки, Мән әслидә уларға қандақ муамилә қилмақчи болған болсам, силәргә шундақ муамилдә болимән».