Yatɛne 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Isirayila kaane sigadene ni i ra e to mini Misiran yi e gali yɛɛn ma, Musa nun Haruna yamarin bun.

²Musa yi tidene sɛbɛma Alatalaa yamarin nan ma. E sigadene ni i ra, e tide yɛɛn ma.

³E keli Ramisesi yi kike singen xii fu nun suulundeni Halagi Tiin Dangu Lɔxɔn Sanla kuye baani. Isirayila kaane xɔrɔyaxin yi mini Misiran kaane birin yɛtagi,

⁴Misiran kaane yi e dii singene binbine maluxunma waxatin naxan yi Alatala naxanye faxa e yɛ. Amasɔtɔ Alatala e alane yalagi nɛn.

⁵Isirayila kaane yi keli Ramisesi yi, e sa daaxa Sukɔti yi.

⁶E yi keli Sukɔti yi, e sa daaxa Etama yi tonbonna danna ra.

⁷E yi keli Etama yi, e yi xɛtɛ han Pihahiroti yi, Baali-Sefɔn yɛtagi, e yi sa daaxa Migidoli dɛxɔn.

⁸E yi keli Pihahiroti yi, e yi baan gidi tonbonna binni, e yi xii saxan siga ti Etama tonbonni, e yi sa daaxa Mara yi.

⁹E yi keli Mara yi, e siga Elimi yi, tigi fu nun firin e nun tugu bili tonge solofere yi dɛnaxan yi. E yi daaxa mɛnni.

¹⁰E yi keli Elimi yi, e sa daaxa Gbala Baan dɛxɔn.

¹¹E yi keli Gbala Baani, e sa daaxa Sin tonbonni.

¹²E yi keli Sin tonbonni, e sa daaxa Dofika yi.

¹³E yi keli Dofika yi, e sa daaxa Alusi yi.

¹⁴E yi keli Alusi yi, e sa daaxa Refidimi yi, yamaan mi min igen sɔtɔ dɛnaxan yi.

¹⁵E yi keli Refidimi yi, e sa daaxa Sinayi tonbonni.

¹⁶E yi keli Sinayi tonbonni, e sa daaxa Kibiroti-Hatawa yi.

¹⁷E yi keli Kibiroti-Hatawa yi, e sa daaxa Xaserɔti yi.

¹⁸E yi keli Xaserɔti yi, e sa daaxa Ritima yi.

¹⁹E yi keli Ritima yi, e sa daaxa Rimɔn-Peresi yi.

²⁰E yi keli Rimɔn-Peresi yi, e sa daaxa Libina yi.

²¹E yi keli Libina yi, e sa daaxa Risa yi.

²²E yi keli Risa yi, e sa daaxa Kehelata yi.

²³E yi keli Kehelata yi, e sa daaxa Saferi geyaan ma.

²⁴E yi keli Saferi geyaan ma, e sa daaxa Harada yi.

²⁵E yi keli Harada yi, e sa daaxa Makeloti yi.

²⁶E yi keli Makeloti yi, e sa daaxa Taxati yi.

²⁷E yi keli Taxati yi, e sa daaxa Tera yi.

²⁸E yi keli Tera yi, e sa daaxa Mitika yi.

²⁹E yi keli Mitika yi, e sa daaxa Hasimona yi.

³⁰E yi keli Hasimona yi, e sa daaxa Moseroti yi.

³¹E yi keli Moseroti yi, e sa daaxa Bene-Yakani yi.

³²E yi keli Bene-Yakani yi, e sa daaxa Horo-Gidigadi yi.

³³E yi keli Horo-Gidigadi yi, e sa daaxa Yotobata yi.

³⁴E yi keli Yotobata yi, e sa daaxa Abirona yi.

³⁵E yi keli Abirona yi, e sa daaxa Esiyon-Gebere yi.

³⁶E yi keli Esiyon-Gebere yi, e sa daaxa Kadesi yi Sini tonbonni.

³⁷E yi keli Kadesi yi, e sa daaxa Horo geyaan ma, Edɔn yamanan danna.

³⁸Saraxarali Haruna yi te Horo geyaan ma, Alatalaa yamarin ma. A sa faxa mɛnni, Isirayila kaane minin ɲɛɛ tonge naanindeni Misiran yi a kike suulunden xii singeni.

³⁹Haruna bata yi ɲɛɛ kɛmɛ mɔxɔɲɛn nun saxan sɔtɔ siimayaan na a faxa waxatin naxan yi Horo geyaan fari.

⁴⁰Kanan Manga Aradi naxan yi dɔxi Negewi yi Kanan yamanani, na yi Isirayila kaane fa feen mɛ.

⁴¹E yi keli Horo geyaan ma, e sa daaxa Salimona yi.

⁴²E yi keli Salimona yi, e sa daaxa Punon yi.

⁴³E yi keli Punon yi, e sa daaxa Oboti yi.

⁴⁴E yi keli Oboti yi, e sa daaxa Ye-Abarimi yi Moyaba danna ra.

⁴⁵E yi keli Iyimi yi, e sa daaxa Dibon-Gadi yi.

⁴⁶E yi keli Dibon-Gadi yi, e sa daaxa Alamɔn-Dibilatayimi yi.

⁴⁷E yi keli Alamɔn-Dibilatayimi yi, e sa daaxa Abarimi geyane yi Nebo yɛtagi.

⁴⁸E yi keli Abarimi geyane yi, e sa daaxa Moyaba mɛrɛmɛrɛne yi, Yurudɛn baan dɛxɔn, Yeriko yɛtagi.

⁴⁹E yi daaxa Yurudɛn baan dɛxɔn Moyaba mɛrɛmɛrɛne yi, keli Beti-Yɛsimoti yi han Abeli-Sitimi.

⁵⁰Alatala yi a fala Musa xa Moyaba mɛrɛmɛrɛne yi Yurudɛn baan dɛxɔn Yeriko yɛtagi,

⁵¹a Musa xa a fala Isirayila kaane xa, a naxa, “Ɛ na Yurudɛn baan gidi, ɛ so Kanan yamanani,

⁵²ɛ xa yamanan muxune birin kedi. Ɛ e suxure gɛmɛne nun suxure wurene kala, e nun e taane kidene.

⁵³Ɛ e yamanan tongo ɛ yi dɔxɔ na, amasɔtɔ n bata a so ɛ yii ɛ gbeen na.

⁵⁴Ɛ masɛnsɛnna ti, ɛ yamanani taxun bɔnsɔnne ra. Naxanye wuya, ɛ kɛɛ bɔxɔ gbeen so ne yii. Naxanye mi wuya ɛ xa a xurin so ne yii. E na naxan sɔtɔ masɛnsɛnna xɔn, e gbeen nan na ra. Kɛɛ bɔxɔne yitaxunma ɛ fafane bɔnsɔn yɛɛn nan ma.

⁵⁵Koni xa ɛ mi yamanan muxune birin kedi, ɛ na naxanye lu na, ne ɛ tɔrɔma nɛn alo tansinna ɛ yɛɛne xɔn hanma ɲanla naxanye ɛ fatin masɔxɔnma. E ɛ tɔrɔma nɛn yamanani ɛ dɔxɔma dɛnaxan yi.

⁵⁶Nayi, n naxan nagidixi e ma, na ligama ɛ tan nan na.”