Kɔnti tife 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ɲɛrɛ nan ya Isirayilakae naxan naba e xundɛ ki ma Munsa nun Haruna xa yaamari bun ma e to keli Misira bɔxi ma.

²Munsa na birin sɛbɛxi nɛ alɔ Alatala a yamari a bɛ ki naxɛ.

³E naxa keli Ramesesi taa Misira bɔxi kike singe xi fu nun suuli. Sayamalekɛ Dangi Sali lɔxɔɛ, na kuye iba Isirayilakae naxa mini Misira xɔrɛya kui Misiraka birin ya xɔri.

⁴A a lixi na tɛmui, Misirakae nu na e xa di singee ragatafe, Alatala naxee faxa e ya ma a xa xɔnɛ kui e xa kuyee xa fe ra.

⁵Isirayilakae naxa keli Ramesesi, e sa yonkin Sukɔti.

⁶E to keli mɛnni, e naxa siga Etama gbengberenyi dɛ ra.

⁷E to keli Etama, e naxa gbilen Pi Haxirɔti mabiri, Baali Sefon ya tagi, e sa yonkin Migidoli ya ra.

⁸E to keli mɛnni, e naxa baa igiri, e siga gbengberenyi ma. E naxa xi saxan ɲɛrɛ raba Etama gbengberenyi ma, e sa yonkin Mara.

⁹E to keli mɛnni, e naxa siga Elimi, e dulonyi fu nun firin nun tugi tongo solofere li dɛnnaxɛ.

¹⁰E to keli mɛnni, e naxa siga Xulunyumi Baa sɛɛti ma.

¹¹E to keli mɛnni, e naxa siga Sini gbengberenyi ma.

¹²E to keli mɛnni, e naxa sa yonkin Dofika.

¹³E to keli mɛnni, e naxa siga Alusu.

¹⁴E to keli mɛnni, e naxa siga Refidimi, kɔnɔ e mu ye to naa.

¹⁵E to keli mɛnni, e naxa siga Turusinina gbengberenyi ma.

¹⁶E to keli mɛnni, e naxa siga Kibiroti Hataawa.

¹⁷E to keli mɛnni, e naxa siga Xaseroti.

¹⁸E to keli mɛnni, e naxa siga Ritima.

¹⁹E to keli mɛnni, e naxa siga Rimɔn Peresi.

²⁰E to keli mɛnni, e naxa siga Libina.

²¹E to keli mɛnni, e naxa siga Risa.

²²E to keli mɛnni, e naxa siga Kehelata.

²³E to keli mɛnni, e naxa siga Seeferi geya ma.

²⁴E to keli mɛnni, e naxa siga Xarada.

²⁵E to keli mɛnni, e naxa siga Makeloti.

²⁶E to keli mɛnni, e naxa siga Taxati.

²⁷E to keli mɛnni, e naxa siga Tera.

²⁸E to keli mɛnni, e naxa siga Mitika.

²⁹E to keli mɛnni, e naxa siga Xasamona.

³⁰E to keli mɛnni, e naxa siga Mosera.

³¹E to keli mɛnni, e naxa siga Beneyaakan.

³²E to keli mɛnni, e naxa siga Horo Gidigada.

³³E to keli mɛnni, e naxa siga Yotobata.

³⁴E to keli mɛnni, e naxa siga Abarona.

³⁵E to keli mɛnni, e naxa siga Esiyon Geberi.

³⁶E to keli mɛnni, e naxa siga Kadesi Sini gbengberenyi ma.

³⁷E keli mɛnni nɛ, e naxa siga Horo geya ma, Edon bɔxi naaninyi fɛ ma.

³⁸Isirayilakae xa mini Misira ɲɛ tongo naani kike suuli nde xi singe, Alatala naxa Haruna yamari a xa te Horo geya fari, a xa laaxira mɛnni.

³⁹Haruna nu bara ɲɛ kɛmɛ mɔxɔɲɛn nun saxan sɔtɔ, a faxa tɛmui Horo geya fari.

⁴⁰Aradi mangɛ, naxan sabatixi Negewi gbengberenyi Kanaan bɔxi ma, a naxa a kolon Isirayilakae bara fa.

⁴¹Isirayilakae to keli Horo geya yire, e naxa sa yonkin Salamona.

⁴²E to keli mɛnni, e naxa siga Punon.

⁴³E to keli mɛnni, e naxa siga Oboti.

⁴⁴E to keli mɛnni, e naxa siga Iye Abarimi, Mowaba bɔxi naaninyi ra.

⁴⁵E to keli mɛnni, e naxa siga Dibon Gadi.

⁴⁶E to keli mɛnni, e naxa siga Alamɔn Dibilatayima.

⁴⁷E to keli mɛnni, e naxa siga Abarimi geyae yire, Nebo geya yatagi.

⁴⁸E to keli mɛnni, e naxa siga Mowaba fiili ma, Yurudɛn xure dɛ ra, Yeriko taa yatagi.

⁴⁹E naxa yonkin Yurudɛn xure dɛ ra, Beti Yesimoti nun Abeli Sitimi longori Mowaba fiili ma.

⁵⁰Alatala naxa a masen Munsa bɛ Mowaba fiili ma, Yurudɛn xure dɛ ra, Yeriko taa yatagi,

⁵¹«A fala Isirayilakae bɛ, ‹Wo na Yurudɛn xure giri tɛmui naxɛ sofe ra Kanaan bɔxi ma,

⁵²wo mɛnnikae birin faxa. Wo xa e xa kuye birin kana, naxee masolixi gɛmɛ ra, naxee yailanxi wure raxunuxi ra. Wo xa e xa batudee fan kana.

⁵³Wo xa na bɔxi suxu, wo fa sabati naa. N bara na bɔxi fi wo ma.

⁵⁴Na bɔxi itaxunma wo ma Alatala xa maragiri kɛɲa nan ma a xabilɛ ki ma. Naxee bɔnsɔɛ xa mixie na wuya, e xa bɔxi belebele sɔtɔ. Naxee bɔnsɔɛ xa mixie mu wuya, e xa bɔxi xa xurun. Alatala a ragirima kankan naxan sɔtɔma a bɔnsɔɛ ki ma.

⁵⁵Kɔnɔ xa wo mu mɛnnikae faxa, e fama maniyade ɲooge nan na naxan mixi ya tɔɔrɔma, xa na mu a ra tunbee naxee mixi fari masɔxɔma. E findima nɛ wo yaxuie ra wo xɔnyi.

⁵⁶Na tɛmui, n e xa yunubi sare dɔxɔma wo tan nan ma.›»