Nambas 33

6

13

14

20

21

22

23

24

25

27

33

35

⁵⁰Tane Israel apanawa Moab bolawa apuapuwa osowe waimoie esa Ioadan tampe ita bola debama Ieriko waiwa dauwo winedie. Ita sape Iawe God Moses diene wanase,

⁵¹“E Israel apanawa ema epe diamoa, ‘E esa Ioadan nawane Kanaan bolawa bedewe odane,

⁵²sape apana waimoia tanamona ita kokoitau seu mampe ita irama mampe dewalala ita do wadaposiu bolawa kadimonatuwapi.

⁵³Ne bola sa e enaledina wadane manlawosane ita bedewe waina.

⁵⁴E bola wadawadawa baiwa, nitu kopikopiua mampe owaitane ewane rua empuempusane danla wanamona. Dan dainea debamawa, eiasane wanamona tane dan kerauda kerausane wanamona. E nosinosila dambu asiasi odaitana.

⁵⁵Naita e apana bola sa bedewe waimoia mai tanamono antopua, mo ando karami emalawo aleidie poka enaledia ita do gedara endia rua surakaulempa. E sape wanlempo mo ando poka debamaia enalempa.

⁵⁶Naita e apana bola sa bedewe waimoia mai tanamono antopua, ne insedina Kanaan apanawa matangelamopono poka etapona tane e Israelwa poka osolawosapo etana.’”