1Mao kini ang gihunongan nga mga dapit sa katawhan sa Israel paghuman nilag biya sa Ehipto uban ang ilang matag armadong grupo nga gipangulohan ni Moises ug Aaron.
2Gisulat ni Moises ang matag lugar nga ilang gibiyaan ug gihunongan, sumala sa sugo ni Yahweh. Mao kini ang matag lugar nga ilang gihunongan, ug matag lugar nga ilang gibiyaan.
3Nagpanaw sila sa Rameses sa unang bulan, ug mibiya sa ika napulo ug lima nga adlaw sa unang bulan. Pagkabuntag human sa Pagsaylo, dayag nga mibiya ang katawhan sa Israel, ug nakita sila sa mga Ehiptohanon.
4Nahitabo kini samtang gipanglubong sa mga Ehiptohanon ang ilang mga kamagulangang anak, kadtong gipangpatay ni Yahweh taliwala kanila, tungod kay gisilotan usab niya ang ilang mga dios.
5Nanukad ang katawhan sa Israel gikan sa Rameses ug nagkampo sa Sucot.
6Mibiya sila gikan sa Sucot ug nagkampo sa Etam, sa utlanan sa kamingawan.
7Mibiya sila sa Etam ug mibalik sa Pi Hahirot, nga atbang sa Baal Zefon, ug nagkampo sila atbang sa Migdol.
8Unya mibiya sila gikan sa atbang sa Pi Hahirot ug miagi sa tunga sa dagat padulong sa kamingawan. Mipanaw sila ug tulo ka adlaw sa kamingawan sa Etam ug nagkampo sa Mara.
9Mibiya sila sa Mara ug miabot sa Elim. Sa Elim adunay napulo ug duha ka tubod ug 70 ka kahoy sa palmera. Didto sila nagkampo.
10Mibiya sila gikan sa Elim ug nagkampo daplin sa Pulang Dagat.
11Mibiya sila sa Pulang Dagat ug nagkampo sa kamingawan sa Zin.
12Mibiya sila gikan sa kamingawan sa Zin ug nagkampo sa Dophka.
13Mibiya sila sa Dophkah ug nagkampo sa Alush.
14Mibiya sila sa Alush ug nagkampo sa Rephidim, diin wala silay nakaplagan nga tubig aron mainom sa katawhan.
15Mibiya sila sa Rifidim ug nagkampo sa kamingawan sa Sinai.
16Mibiya sila gikan sa kamingawan sa Sinai ug nagkampo sa Kibrot Hataava.
17Mibiya sila gikan sa Kibrot Hataava ug nagkampo sa Hazerot.
18Mibiya sila sa Hazerot ug nagkampo sa Ritma.
19Mibiya sila sa Ritma ug nagkampo sa Rimon Perez.
20Mibiya sila sa Rimon Perez ug nagkampo sa Libna.
21Mibiya sila sa Libna ug nagkampo sa Risa.
22Mibiya sila sa Risa ug nagkampo sa Kehelata.
23Mibiya sila sa Kehelatha unya nagkampo sa Bukid sa Shepher.
24Mibiya sila gikan sa Bukid sa Shepher ug nagkampo sa Harada.
25Mibiya sila sa Haradah ug nagkampo sa Makhelot.
26Mibiya sila gikan sa Makhelot ug nagkampo sa Tahat.
27Mibiya sila sa Tahat ug nagkampo sa Tera.
28Mibiya sila gikan sa Tera ug nagkampo sa Mitka.
29Mibiya sila gikan sa Mitka ug nagkampo sa Hashmona.
30Mibiya sila sa Hashmona ug nagkampo sa Maserot.
31Mibiya sila sa Moserot unya nagkampo sa Bene Jaakan.
32Mibiya sila gikan sa Bene Jaakan ug nagkampo sa Hor Haggidgad.
33Mibiya sila sa Hor Haggidgad ug nagkampo sa Jotbatha.
34Mibiya sila gikan sa Jotbatha ug nagkampo sa Abrona.
35Mibiya sila sa Abrona unya nagkampo sa Ezion Geber.
36Mibiya sila gikan sa Ezion Geber ug nagkampo sa kamingawan sa Zin nga nahimutang sa Kadesh.
37Mibiya sila gikan sa Kadesh ug nagkampo sa Bukid sa Hor, sa utlanan sa yuta sa Edom.
38Mitungas si Moises sa Bukid sa Hor sumala sa sugo ni Yahweh ug namatay siya didto sa ika-40 ka tuig human nakadawat sa ilang kagawasan ang mga Israelita gikan sa yuta sa Ehipto, sa ika lima nga bulan, sa unang adlaw sa bulan.
39Namatay si Aaron sa Bukid sa Hor sa dihang 123 na ang iyang pangidaron.
40Ang Canaanhon nga Hari sa Arad, nga nagpuyo sa habagatang bahin sa kamingawan sa yuta sa Canaan, nakadungog sa pag-abot sa katawhan sa Israel.
41Mibiya sila sa Bukid sa Hor ug nagkampo sa Zalmona.
42Mibiya sila gikan sa Zalmona ug nagkampo sa Punon.
43Mibiya sila gikan sa Punon ug nagkampo sa Obot.
44Mibiya sila sa Obot ug nagkampo sa Iye Abarim, nga nahimutang sa utlanan sa Moab.
45Mibiya sila gikan sa Iye Abarim ug nagkampo sa Dibon Gad.
46Mibiya sila sa Dibon Gad ug nagkampo sa Almon Diblathaim.
47Mibiya sila sa Almon Diblataim ug nagkampo sa kabukiran sa Abarim, atbang sa Nebo.
48Mibiya sila sa kabukiran sa Abarim ug nagkampo sa kapatagan sa Moab daplin sa Jordan sa Jerico.
49Nagkampo sila daplin sa Jordan, gikan sa Bet Jeshimot padulong sa Abel Shittim nga sakop sa kapatagan sa Moab.
50Nakigsulti si Yahweh kang Moises sa kapatagan sa Moab daplin sa Jordan sa Jerico ug miingon,
51“Pakigsulti sa katawhan sa Israel ug sultihi sila, 'Sa dihang motabok kamo sa Jordan padulong sa yuta sa Canaan,
52kinahanglang papahawaon ninyo ang nagpuyo nianang dapita. Kinahanglan nga gubaon ninyo ang tanan nilang kinulit nga mga larawan. Gub-a ninyo ang ilang mga tinunaw ug gihulma nga mga larawan ug lumpaga ang tanan nilang hataas nga mga dapit.
53Kinahanglan nga panag-iyahon ninyo ang yuta ug puy-an kini, tungod kay gihatag ko kanang yutaa kaninyo aron panag-iyahon.
54Kinahanglan nga panag-iyahon ninyo ang yuta pinaagi sa ripa, sumala sa matag banay. Ang banay nga daghan ug sakop kinahanglan nga dako usab ang ilang madawat nga bahin sa yuta, ug ang banay nga gamay lamang ang ginsakpan gamay ra usab ang ilang madawat nga bahin sa yuta. Bisan asa maadto ang yuta sumala sa ripa, kanang yutaa mapanag-iya nianang maong banay. Mapanag-iya ninyo ang yuta sumala sa tribo sa inyong katigulangan.
55Apan kung dili ninyo papahawaon ang mga tawo nianang dapita, mamahimo silang sama sa puling sa inyong mga mata ug tunok sa inyong kilid. Lisodlisoron nila ang inyong kinabuhi sa yuta nga inyong pagapuy-an.
56Ug kung unsa ang akong giplano nga buhaton sa maong katawhan, buhaton ko usab kaninyo.'”
