Qoodaabaa 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹GODAI Muusa hagaadan yaagiis;

²“Neeni Israa7eelata hagaadan yaagada azaza; ‘Laatadan inttena gakkiya Kanaane biittaa zawai hagaa.

³Tohossa baggaara intte zawai Xiina Bazzuwaanne Eedooma zawaa gidana. Intte tohossa zawai Maxine Abbaa tohossaappe doommees;

⁴doommidi Akirabiima pudettaara tohossa baggaara simmidi, Xiina Bazzuwaa kanttidi, Qaadeesa-Barnne tohossi gakkees; hegaappe Hadaari-Adaara kanttidi, Aximoona gakkees.

⁵Aximoonappe Gibxxe SHaafaakko simmidi, Meediteraane Abbaa gakkees.

⁶“‘Arggo baggaara intte zawai Meediteraane Abbaa gaxaa gidana.

⁷“‘Huuphessa baggaara intte zawai Meediteraane Abbaappe Hoora Deriyaa sitti ootti malaatidi,

⁸Hoora Deriyaappe Hamaata Pinuwaa gakkanaassa; hegaappe Xadaadan zawatees.

⁹Qassi Zifiroona biidi, Haxaari-Enaana gakkees. Huuphessa baggaara intte zawai hagaa gidana.

¹⁰“‘Arshsho baggaara intte zawai Haxaari-Enaanappe SHafaama gakkanaassi sitti ootti malaatidi,

¹¹SHafaamappe biidi, Ainappe arshsho baggaara de7iya Ribila wodhdhidi, Galiila Abbaappe arshsho baggaara de7iya keraa gakkees.

¹²Hegaappe duge Yorddaanoosa SHaafaa wodhdhi zawatidi, Maxine Abbaa gakkees. Intte biittaa zawai ubba baggaarakka hagaa’ yaaga” yaagiis.

¹³Yaagin Muusee Israa7eelata hagaadan yaagidi azaziis; “Saamaa yeggidi, intte laattana mala, uddufun zaretuyyoonne bagga zaretuyyo he biittai imettanaadan GODAI azaziis.

¹⁴Aissi giikko, Roobeela zareti Gaada zaretinne, Minaase zaretuppe baggai bantta laataa Yarkko hefinttan Yorddaanoosa SHaafaappe arshsho baggaara ekkidosona” yaagiis.

¹⁶GODAI Muusa hagaadan yaagiis;

¹⁷“He biittaa intteyyo laata oottidi, shaakki immana asatu sunttai hagaa; qeesiyaa El77aazaranne Nawe na7aa Yaasa.

¹⁸Qassi biittaa shaakkanau maaddana mala, zare ubbaappe issi issi halaqaa sunttite.

¹⁹Eta sunttai hagaappe kaallidi de7iyaagaa. Zariyaa Halaqaa Yihudaa Yifune na7aa Kaaleeba

²⁰Simoona Amihuuda na7aa SHalumi7eela

²¹Biniyaama Kisiloona na7aa Elddaada

²²Daana Yoogila na7aa Buuqa

²³Yooseefa na7aa Minaase Efooda na7aa Hani7eela

²⁴Yooseefa na7aa Efireema SHifxxaana na7aa Qamu7eela

²⁵Zaabiloona Parnnaaka na7aa Elxxaafaana

²⁶Yisaakoora Azzaana na7aa Palxxi7eela

²⁷Aseera SHalooma na7aa Ahihuuda

²⁸Nifttaaleema Amihuuda na7aa Padaahi7eela

²⁹Kanaane biittan Israa7eelatuyyo laataa shaakki immana mala, GODAI azazido asati hageeta” yaagiis.