Ʒare Biri 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Israe ŋic gurune gurune jaŋe Mose â Aroŋ jahe micne bajarehapire Aigita mâreŋkonec waha rahuc teuŋ‐jeŋic sâc ju fofo rambiŋ irec ʒâŋe biri ʒira fua rakac.

²Mose e Wofuŋte micte teuŋ fisimbiŋ sâc irec ʒâŋe biri i qâreŋke‐fârewec. Erâ hata fuŋkerâ rahuc teuŋ sâc fisi rambiŋ irec ʒâŋe biri ʒine hâcne.

³Israe ŋic jaŋe mosa namba wâŋ irec ʒoaŋ gie bapa 15 ira Ramasesi mâreŋ beherâ rambiŋ. Ine aakic hombaŋ tarame Aigita ŋic jaŋere ʒâŋe faio rambiŋ hâcne.

⁴Aigita ŋic jaŋe mârâc motecfâc‐jeŋic Wofuŋzi qâhâmoc‐jopawec jaŋe ducjopahuc domahapie iŋuc embiŋ. Wofuŋ e iŋuc ejarehuc nemufâc‐jeŋic jaŋere fuŋne bataniŋkewec wâc.

⁵Israe ŋic jaŋe Ramasesi beherâ raku Sukoti ira fisirâ teuŋ âterâ ŋec foc embiŋ.

⁶Sukoti beherâ raku ine Etam mâreŋ burocnere qaŋeŋnao fisirâ teuŋ âterâ ŋec foc embiŋ.

⁷Etam mâreŋ beherâ risie raku Baali‐Ʒefoŋ ʒoaŋ wewefunaopec Pi‐Hahiroti hae ŋewec ira fisimbiŋ, ehuc Migidoli ficsanaŋ maickerâ teuŋ âterâ ŋec foc embiŋ.

⁸Pi‐Hahiroti beherâ Hâwec Bâbâroŋ fotâcnerâ raku Etam mâreŋ burocnao rahuc juhapie ʒoaŋ jahec â moc tarame Mara opâ ʒâkâŋko fisirâ teuŋ âterâ ŋec foc embiŋ.

⁹Mara beherâ raku Elim hae ira fisirâ teuŋ âterâ ŋec foc embiŋ. Elim ira ine opâ ʒâŋe 12 forawec erâ hâmu jâcne 70 doma rawec.

¹⁰Elim beherâ raku Hâwec Bâbâroŋ qaŋeŋnao teuŋ âterâ ŋec foc embiŋ.

¹¹Hâwec Bâbâroŋ beherâ raku Siŋ mâreŋ burocnao fisirâ teuŋ âterâ ŋec foc embiŋ.

¹²Siŋ mâreŋ burocne beherâ Dofaka hae ira fisirâ teuŋ âterâ ŋec foc embiŋ.

¹³Dofaka beherâ raku Alusi hae ira fisirâ teuŋ âterâ ŋec foc embiŋ.

¹⁴Alusi beherâ raku Refidim hae ira fisirâ opâ basambiŋ.

¹⁵Refidim beherâ raku Sinai mâreŋ burocnao fisirâ teuŋ âterâ ŋec foc embiŋ.

¹⁶Sinai mâreŋ burocne beherâ raku Kibero‐Hatawa hae ira fisirâ teuŋ âterâ ŋec foc embiŋ.

¹⁷Kibero‐Hatawa beherâ raku Hazeroti hae ira fisirâ teuŋ âterâ ŋec foc embiŋ.

¹⁸Hazeroti beherâ raku Ritama hae ira fisirâ teuŋ âterâ ŋec foc embiŋ.

¹⁹Ritama beherâ raku Rimoŋ‐Pereze hae ira fisirâ teuŋ âterâ ŋec foc embiŋ.

²⁰Rimoŋ‐Pereze beherâ raku Libina hae ira fisirâ teuŋ âterâ ŋec foc embiŋ.

²¹Libina beherâ raku Risa hae ira fisirâ teuŋ âterâ ŋec foc embiŋ.

²²Risa beherâ raku Kahelata hae ira fisirâ teuŋ âterâ ŋec foc embiŋ.

²³Kahelata beherâ raku Sefeli tiki fuŋnao teuŋ âterâ ŋec foc embiŋ.

²⁴Sefeli tiki beherâ raku Harada hae ira fisirâ teuŋ âterâ ŋec foc embiŋ.

²⁵Harada beherâ raku Make‐Heloti hae ira fisirâ teuŋ âterâ ŋec foc embiŋ.

²⁶Make‐Heloti beherâ raku Tahati hae ira fisirâ teuŋ âterâ ŋec foc embiŋ.

²⁷Tahati beherâ raku Tera hae ira fisirâ teuŋ âterâ ŋec foc embiŋ.

²⁸Tera beherâ raku Mitika hae ira fisirâ teuŋ âterâ ŋec foc embiŋ.

²⁹Mitika beherâ raku Hasimona hae ira fisirâ teuŋ âterâ ŋec foc embiŋ.

³⁰Hasimona beherâ raku Moseroti hae ira fisirâ teuŋ âterâ ŋec foc embiŋ.

³¹Moseroti beherâ raku Bene‐Jakaŋ opâ nombâŋ ira fisirâ teuŋ âterâ ŋec foc embiŋ.

³²Bene‐Jakaŋ beherâ raku Horo‐Hagiga hae ira fisirâ teuŋ âterâ ŋec foc embiŋ.

³³Horo‐Hagiga beherâ raku Jotibata hae ira fisirâ teuŋ âterâ ŋec foc embiŋ.

³⁴Jotibata beherâ raku Abirona hae ira fisirâ teuŋ âterâ ŋec foc embiŋ.

³⁵Abirona beherâ raku Ezioŋ‐Gebe hae ira fisirâ teuŋ âterâ ŋec foc embiŋ.

³⁶Ezioŋ‐Gebe beherâ raku Ziŋ mâreŋ burocnao, Kadesi mâreŋko hâcne fisirâ teuŋ âterâ ŋec foc embiŋ.

³⁷Kadesi beherâ raku Hora tikio, Edom mâreŋ qaŋeŋnao ira fisirâ teuŋ âterâ ŋec foc embiŋ.

³⁸Eme taha bapa Aroŋ e Wofuŋte micte Hora tikio ferâ ira hâmowec. Ine Israe ŋic jaŋe Aigita mâreŋkonec waharâ juwefukuhapie jara namba 40 irec mosa 5 â irec ʒoaŋ gie bapa wâŋ eha hâmowec.

³⁹Aroŋ e jara 123 bazurâ Hora tikio hâmowec hâcne.

⁴⁰Kanaaŋ ŋicwofuŋ Arada e Negebe wâneŋ Kanaaŋ mâreŋko juhuc, Israe ŋic jaŋe wareŋgopieŋ biŋe iŋuc manawec.

⁴¹Eme Israe ŋic jaŋe Hora tiki beherâ raku Zalimona hae ira fisirâ teuŋ âterâ ŋec foc embiŋ.

⁴²Zalimona beherâ raku Punoŋ hae ira fisirâ teuŋ âterâ ŋec foc embiŋ.

⁴³Punoŋ beherâ raku Oboti hae ira fisirâ teuŋ âterâ ŋec foc embiŋ.

⁴⁴Oboti beherâ raku Moabi mâreŋ mao Ije‐Abarim hae ira fisirâ teuŋ âterâ ŋec foc embiŋ.

⁴⁵Ijim beherâ raku Diboŋ‐Gade hae ira fisirâ teuŋ âterâ ŋec foc embiŋ.

⁴⁶Diboŋ‐Gade beherâ raku Alimoŋ‐Dibilataim hae ira fisirâ teuŋ âterâ ŋec foc embiŋ.

⁴⁷Alimoŋ‐Dibilataim beherâ raku Nebo tiki ʒoan wewefu‐ticnaopec Abarim tiki mâreŋ ira fisirâ teuŋ âterâ ŋec foc embiŋ.

⁴⁸Abarim tiki beherâ raku Moabi wâneŋ Jordaŋ opâ heririŋ Jeriko hae ŋekac ira fisirâ teuŋ âterâ ŋec foc embiŋ.

⁴⁹Jaŋe Jordaŋ opâ heririŋnao Bete‐Jesimo hae ira fuŋkerâ raku Abe‐Sitim haeo tarakac Moabi wâneŋ ira teuŋ âterâ ŋec foc embiŋ.

⁵⁰Eme Wofuŋ e Moabi wâneŋ Jordaŋ opâ heririŋ Jeriko hae ŋekac ira Mose ʒiŋuc âzâcnewec:

⁵¹“Go Israe ŋic ŋokac ʒiŋuc jazac: Ŋoŋe Jordaŋ opâ fotâcnerâ Kanaaŋ mâreŋko raʒinʒepieŋ.

⁵²Ehuc mâreŋ rune jopa jâpec ejarehuc nemuɋâŋ‐jeŋic qânâ me aeŋ rike dockekicnezi bakicne i henʒaŋ qanʒaŋ‐joparâ furu mâreŋ‐jeŋic ima banʒepieŋ.

⁵³Erâ no mâreŋ i rauckeniŋte tahac‐ŋopapo, irec ro rauc erâ ira ŋec juc enʒepieŋ.

⁵⁴Ŋoŋe ɋâsâi qahuc garikiŋ‐ŋeŋic sâc ro rauc enʒepieŋ. Garikiŋ guru kâcɋene jaŋe mâreŋ kâcɋene jarenʒepieŋ â garikiŋ guru piticne jaŋe mâreŋ piticne jarenʒepieŋ. Ɋâsâi qapie âke fuaocmu sâc rauckenʒepieŋ; mamacfâc‐jeŋic jaŋere ʒâŋe biri forakac irec sâc ro rauc enʒepieŋ hâcne.

⁵⁵Me mâreŋ rune jopa jâpec mi ejareniŋmuo ine jaŋe ʒuhuckerâ juhuc, ʒâŋe‐ŋeŋicko siŋuŋzi heâriŋ‐ŋopaekac â ʒârâzi sahac‐ŋeŋic bâpârâckeekac irec sâc eŋarehuc mâreŋ ŋec juc eniŋmu ira fific bacŋopaniŋmu.

⁵⁶Ehame no wiac ejarezo manasupo i ŋoŋe hâcne eŋarepemu.”