Qɵl-bayawandiki sǝpǝr 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Tɵwǝndikilǝr ɵz ⱪoxunliri boyiqǝ, Musa bilǝn Ⱨarunning yetǝkqiliki astida Misir zeminidin qiⱪⱪan Israillarning mangƣan yolliridur;

²Musa Pǝrwǝrdigarning ǝmri boyiqǝ, ɵzlirining sǝpǝr ⱪilƣan yollirini pütüp ⱪoydi, ularning sǝpǝr ⱪilƣan yolliri mundaⱪ: —

³Birinqi ayning on bǝxinqi küni Israillar Ramsǝs xǝⱨiridin sǝpǝrgǝ qiⱪti; ɵtüp ketix ⱨeytining ǝtisi ular barliⱪ Misirliⱪlarning kɵz aldida mǝrdanilik bilǝn yolƣa qiⱪti.  

⁴Bu qaƣda Misirliⱪlar ularning arisidiki Pǝrwǝrdigar tǝripidin ɵltürülgǝnlǝrni, yǝni barliⱪ tunji oƣullirini dǝpnǝ ⱪiliwatⱪanidi; Pǝrwǝrdigar Misirliⱪlarning mǝbudlirining üstidin ⱨɵküm qüxürdi.

⁵Israillar Ramsǝstin yolƣa qiⱪip Sukkotⱪa berip qedir tikti.

⁶Ular Sukkottin yolƣa qiⱪip qɵl-bayawanning ayiƣidiki Etamƣa berip qedir tikti.

⁷Etamdin yolƣa qiⱪip, aylinip Baal-Zefonning udulidiki Pi-Hahirotⱪa berip Migdolning aldida qedir tikti.

⁸Pi-hahirottin yolƣa qiⱪip, dengizning otturisidin ɵtüp, Etam qɵlidǝ üq kün yol yürüp Maraⱨda qedir tikti.

⁹Maraⱨdin yolƣa qiⱪip Elimgǝ kǝldi; Elimdǝ on ikki bulaⱪ bilǝn yǝtmix horma dǝrihi bar idi; ular xu yǝrdǝ qedir tikti.

¹⁰Elimdin yolƣa qiⱪip Ⱪizil Dengiz boyida qedir tikti.

¹¹Ⱪizil Dengizdin yolƣa qiⱪip Sin qɵlidǝ qedir tikti.

¹²Sin qɵlidin yolƣa qiⱪip Dofⱪaⱨⱪa kelip qedir tikti.

¹³Dofⱪaⱨdin yolƣa qiⱪip Aluxⱪa berip qedir tikti.

¹⁴Andin keyin Aluxtin yolƣa qiⱪip Rifidimƣa kelip qedir tikti, u yǝrdǝ hǝlⱪⱪǝ iqidiƣan su tepilmay ⱪaldi.

¹⁵Rifidimdin yolƣa qiⱪip, Sinay qɵligǝ berip qedir tikti.

¹⁶Sinay qɵlidin yolƣa qiⱪip Ⱪibrot-Ⱨattawaⱨⱪa kelip qedir tikti.

¹⁷Ⱪibrot-ⱨattawaⱨdin yolƣa qiⱪip Ⱨazirotta qedir tikti.

¹⁸Ⱨazirottin yolƣa qiⱪip Ritmaⱨda qedir tikti.

¹⁹Ritmaⱨdin yolƣa qiⱪip Rimmon-Pǝrǝzdǝ qedir tikti.

²⁰Rimmon-Pǝrǝzdin yolƣa qiⱪip Libnaⱨda qedir tikti.

²¹Libnaⱨdin yolƣa qiⱪip Rissaⱨda qedir tikti.

²²Rissaⱨdin yolƣa qiⱪip Kǝⱨǝlataⱨda qedir tikti.

²³Kǝⱨǝlataⱨdin yolƣa qiⱪip Xafir teƣida qedir tikti.

²⁴Xafir teƣidin yolƣa qiⱪip Ⱨaradaⱨta qedir tikti.

²⁵Ⱨaradaⱨdin yolƣa qiⱪip Makⱨilotta qedir tikti.

²⁶Makⱨilottin yolƣa qiⱪip Taⱨatta qedir tikti.

²⁷Taⱨattin yolƣa qiⱪip Tǝraⱨda qedir tikti.

²⁸Tǝraⱨdin yolƣa qiⱪip Mitⱪaⱨda qedir tikti.

²⁹Mitⱪaⱨdin yolƣa qiⱪip Ⱨaxmonaⱨta qedir tikti.

³⁰Ⱨaxmonaⱨtin yolƣa qiⱪip Moxǝrotta qedir tikti.

³¹Moxǝrottin yolƣa qiⱪip Bǝnǝ-Yaakanda qedir tikti.

³²Bǝnǝ-Yaakandin yolƣa qiⱪip Hor-Ⱨagidgadⱪa berip qedir tikti.

³³Hor-Ⱨagidgadtin yolƣa qiⱪip Yotbataⱨⱪa kelip qedir tikti.

³⁴Yotbataⱨtin yolƣa qiⱪip Abronaⱨⱪa kelip qedir tikti.

³⁵Abronaⱨtin yolƣa qiⱪip Əzion-Gǝbǝrgǝ kelip qedir tikti.

³⁶Əzion-Gǝbǝrdin yolƣa qiⱪip Zin qɵlidǝ, yǝni Ⱪadǝxtǝ qedir tikti.

³⁷Ⱪadǝxtin yolƣa qiⱪip Edom zeminining qegrisidiki Ⱨor teƣida qedir tikti.

³⁸Israillar Misir zeminidin qiⱪⱪandin keyinki ⱪiriⱪinqi yili bǝxinqi ayning birinqi küni, kaⱨin Ⱨarun Pǝrwǝrdigarning ǝmri boyiqǝ Ⱨor teƣiƣa qiⱪip xu yǝrdǝ ɵldi.

³⁹Ⱨarun Ⱨor teƣida ɵlgǝn qeƣida bir yüz yigirmǝ üq yaxta idi.

⁴⁰U qaƣda, Ⱪanaan zeminining jǝnubida turuxluⱪ Ⱪanaaniylarning padixaⱨi Arad Israillar keliwetiptu dǝp angliƣanidi.

⁴¹Israillar Ⱨor teƣidin yolƣa qiⱪip Zalmonaⱨda qedir tikti.

⁴²Zalmonaⱨdin yolƣa qiⱪip Punonƣa kelip qedir tikti.

⁴³Punondin yolƣa qiⱪip Obotⱪa kelip qedir tikti.

⁴⁴Obottin yolƣa qiⱪip Moabning qegrisidiki Iyǝ-Abarimƣa kelip qedir tikti.

⁴⁵Iyimdin yolƣa qiⱪip Dibon-Gadⱪa kelip qedir tikti.

⁴⁶Dibon-Gadtin yolƣa qiⱪip Almon-Diblatayimƣa kelip qedir tikti.

⁴⁷Almon-Diblatayimdin yolƣa qiⱪip Neboning aldidiki Abarim taƣliⱪiƣa kelip qedir tikti.

⁴⁸Abarim taƣliⱪidin yolƣa qiⱪip Yerihoning udulida Iordan dǝryasining boyidiki Moab tüzlǝnglikliridǝ qedir tikti.

⁴⁹Moab tüzlǝnglikliridǝ Iordan dǝryasini boylap tikkǝn qedirliri Bǝyt-Yǝximottin tartip Abǝl-Xittimƣiqǝ bardi.  

⁵⁰Pǝrwǝrdigar Moab tüzlǝnglikliridiki Iordan dǝryasi boyida Yerihoning udulida Musaƣa sɵz ⱪilip mundaⱪ dedi: —

⁵¹Sǝn Israillarƣa sɵz ⱪilip mundaⱪ buyruƣin: — «Silǝr Iordan dǝryasidin ɵtüp Ⱪanaan zeminiƣa kǝlgǝn qeƣinglarda,

⁵²zemindiki barliⱪ turuwatⱪanlarni aldinglardin ⱨǝydiwetinglar, ularning barliⱪ oyma, ⱪuyma butlirini qeⱪip taxlanglar ⱨǝm barliⱪ «yuⱪiri jay»lirini wǝyran ⱪilip taxlanglar.  

⁵³Silǝr xu zeminni igilǝp makanlixinglar, qünki Mǝn u zeminni silǝrgǝ miras ⱪilip bǝrgǝnmǝn.

⁵⁴Silǝr jǝmǝt boyiqǝ qǝk taxlap, zeminni ɵzünglǝrgǝ miras ⱪilip elinglar; adimi kɵprǝklǝrgǝ kɵprǝk miras bɵlüp beringlar; adimi azraⱪlarƣa azraⱪ miras bɵlüp beringlar; qǝk taxlanƣanda kimlǝrgǝ ⱪǝyǝr qiⱪⱪan bolsa, xu yǝr uning mirasi bolsun; silǝr mirasⱪa ata ⱪǝbilǝ-jǝmǝt boyiqǝ warisliⱪ ⱪilinglar.

⁵⁵Ⱨalbuki, ǝgǝr u zeminda turuwatⱪanlarni aldinglardin ⱨǝydiwǝtmisǝnglar, ulardin ⱪelip ⱪalƣanlar qoⱪum kɵzünglǝrgǝ tikǝn, biⱪininglarƣa yantaⱪ bolup sanjilidu, turƣan zemininglarda silǝrni parakǝndǝ ⱪilidu;

⁵⁶wǝ xundaⱪ boliduki, Mǝn ǝslidǝ ularƣa ⱪandaⱪ muamilǝ ⱪilmaⱪqi bolƣan bolsam, silǝrgǝ xundaⱪ muamildǝ bolimǝn».