Kʋkɑlʋɣʋ 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ḿpʋ́ɣʋ́ Tɑcɑɑ tɔmɑ Moisi sɩ:

²Tɛlǝsɩ Ɩsɛɣɛlɩ nyǝ́mɑ sɩ, wɑɑtʋ wei ɩ́ kɑ́ sʋʋ Kɑnɑɑŋ tɛtʋ nti mɑ hɑɑkɩ-mɛ tɔ tǝ tɑɑ tɔ, tǝ toosi ntɛ́

³Siŋ wʋlɑɣɑ tɛtʋ nɑ Ɩtɔm nyǝntʋ nɑ pǝtɛɛ tɔɔ. Nɑ kɑ́ kpɑɣɑ teŋku kʋsǝpʋ,

⁴nɑ kɑ́ mǝlǝnɑ pǝcɛsɩ pulɑsɩ tontoŋle pǝtɛɛ tɔɔ. Ɩlɛnɑ kɑ́ polo Siŋ, nɑ kɑ́ tiinɑ Kɑtɛɛsɩ-Pɑɑneyɑ pǝtɛɛ tɔɔ. Nɑ kɑ́ mǝlɩ Hɑsɑɑ-Atɑɑ nɑ Asǝmɔŋ.

⁵Nɑ kɑ́ kɛɛ nɑ kɑ́ yoosinɑ Icipiti lɔɔʋ, nɑ kɑ́ lɩɩ Metitelɑnee teŋku.

⁶Ilim tǝtʋlɛ tɔɔ toŋɑ ntɛ́ Metitelɑnee teŋku ɩnɩ.

⁷Ilim tǝlɩɩlɛ mpǝtǝŋ tɔɔ nyǝŋkɑ ntɛ́ teŋku kʋlʋm ɩnɩ, nɑ Hoo pʋɣʋ pǝ hɛkʋ tɑɑ.

⁸Ɩlɛnɑ kɑ́ lɩɩ Lepo-Hɑmɑtɩ nɑ Setɑ,

⁹nɑ kɑ́ polo Sifǝloŋ, nɑ kɑ́ lɩɩ Hɑsɑɑ-Ɩnɑŋ.

¹⁰Ilim tǝlɩɩlɛ tɔɔ nyǝŋkɑ ntɛ́ pǝ kpɑɣɑʋ Hɑsɑɑ-Ɩnɑŋ nɑ Sefɑm tɛtʋ hɔɣɔlʋɣʋ tɔɔ.

¹¹Ɩlɛnɑ kɑ́ mǝlǝnɑ Lipǝlɑ kɛ Ayiŋ ilim tǝlɩɩlɛ tɔɔ, nɑ kɑ́ tɛɛ pooluŋ nɑ kɑ́ polo kɑ yoosinɑ Kenɑsɑlɛtɩ kʋteŋ,

¹²nɑ kɑ́ polo kɑ lɩɩ Yɑɑtɑnɩ lɔɔŋ, nɑ teŋku kʋsǝpʋ. Mǝ tɛtʋ tǝnɑsɩ ntɛ́.

¹³Ḿpʋ́ɣʋ́ Moisi tɛlǝsɑ tǝ tǝnɑɣɑ Ɩsɛɣɛlɩ nyǝ́mɑ nɑ ɩ́ tɑsɑ-wɛɣɛ heeluɣu sɩ: Tɛtʋnɑɑ mpɑ Tɑcɑɑ tɔmɑ sɩ ɩ́ tɔ́ tɛtɛ nɑ ɩ́ tɑlɑ Ɩsɛɣɛlɩ kpekɑ pɔɣɔlɑɣɑfɛɩ nɑɑnʋwɑ nɑ hɔɣɔlʋɣʋ tɔɣɔlɛ.

¹⁴Mpi tɔ, Lupɛŋ nɑ Kɑtɩ pɑ lʋlʋɣʋ nyǝ́mɑ nɑ Mɑnɑsee kpekǝle hɔɣɔlʋɣʋ lɛŋkʋ nɑ́ tɛmɑ pɛlɛ pɑ nyǝntʋ hikuɣu kɛ Yeliko ɩsɛntɑɑ kɛ Yɑɑtɑnɩ wɑɑlɩ nɑ ilim tǝlɩɩlɛ tɔɔ.

¹⁶Ḿpʋ́ɣʋ́ Tɑcɑɑ tɔmɑ Moisi sɩ:

¹⁷Kɔtʋlʋ Ɩlɑsɑɑ nɑ Nuŋ pǝyɑlʋ Yosuwee pɑɑ pɑɑsǝnɑ tɛtʋ tɑlʋɣʋ.

¹⁸Pɑ́ kpɑ pɑɑ kpekǝle nte tǝ tɑɑ kɛ́ nyʋɣʋ tʋ wei ɩ kɑ́ pɑɑsǝnɑ-wɛ tɔ.

¹⁹Mpɑ mpɑ pɑɑ kpɑ mpʋ tɔ pɑ hǝlɑ ntɔ: Yutɑ kpekǝle tɑɑ nyǝŋ ntɛ́ Yefune pǝyɑlʋ Kɑlɛpʋ.

²⁰Simiyɔŋ nyǝntɛ tɑɑ nyǝŋ ntɛ́ Amihuti pǝyɑlʋ Semuwɛlɩ.

²¹Pɛncɑmɛɛ nyǝntɛ tɑɑ nyǝŋ ntɛ́ Kisiloŋ pǝyɑlʋ Ɩlitɑtɩ.

²²Tɑŋ nyǝntɛ tɑɑ nyǝŋ ntɛ́ Yokili pǝyɑlʋ Puki.

²³Yosɛɛfʋ pǝyɑlʋ Mɑnɑsee nyǝntɛ tɑɑ nyǝŋ ntɛ́ Ɩfoti pǝyɑlʋ Hɑnǝyɛlɩ.

²⁴Yosɛɛfʋ pǝyɑlʋ nɑɑlɛ nyǝŋ Ɩfǝlɑyim nyǝntɛ tɑɑ nyǝŋ ntɛ́ Sifitɑŋ pǝyɑlʋ Kemuwɛlɩ.

²⁵Sɑpulɔŋ nyǝntɛ tɑɑ nyǝŋ ntɛ́ Pɑɑnɑkɩ pǝyɑlʋ Ɩlisɑfɑŋ.

²⁶Ɩsɑkɑɑ kpekǝle tɑɑ nyǝŋ ntɛ́ Asɑŋ pǝyɑlʋ Pɑlǝtǝyɛlɩ.

²⁷Asɛɛ nyǝntɛ tɑɑ nyǝŋ ntɛ́ Selomitɩ pǝyɑlʋ Ahihuti.

²⁸Nefǝtɑli nyǝntɛ tɑɑ nyǝŋ ntɛ́ Amihuti pǝyɑlʋ Petɑyɛlɩ.

²⁹Mpɑ Tɑcɑɑ lǝsɑɑ sɩ pɑ́ tɑlɑ Kɑnɑɑŋ tɛtʋ kɛ Ɩsɛɣɛlɩ kpekɑ nyǝ́mɑ tɔɣɔlɛ.