Kʋkɑlʋɣʋ 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ḿpʋ́ɣʋ́ Tɑcɑɑ tɔmɑ Moisi sɩ:

²Tɛlǝsɩ Alɔŋ sɩ wɑɑtʋ wei n sɩɩkɩ fǝtǝlɑ sɔsɔ kɔkɔsɩ nɑɑtosompɔɣɔlɑɣɑ ɩnɩ tɔ, pɑɑsǝnɑ nɑ pǝ́ nɑɑkɩ fǝtǝlɑ sɔsɔ ɩnɩ ɩ lɔlɔ.

³Ɩlɛnɑ Alɔŋ lɑ́ ɩsɩɩ Tɑcɑɑ kɛɛsʋɣʋ Moisi tɔ.

⁴Wʋlɑ tike kɛ Moisi lɑpɑ nɑ pɑ́ lu fǝtǝlɑnɑɑ tǝsɩɩlɛ tǝnɑ. Pǝ kpɑɣɑʋ tǝ tɑpʋɣʋ, hɑlǝnɑ tǝ tomle nte tǝ nǝɣǝsǝnɑ ɩsɩɩ tʋɣʋ hɛtʋ tɔ. Ɩsɩɩ Tɑcɑɑ kɑ hʋlɑ-ɩ tɔ.

⁵Ḿpʋ́ɣʋ́ Tɑcɑɑ tɔmɑ Moisi sɩ:

⁶Fɑɣɑ Lefii nyǝ́mɑ nɑ pɑ mpɑɑ. Lɑ-wɛɣɛ nyɔɔŋ tɔɔ ɑsilimɑ kɛɛlʋɣʋ kɔtɑɣɑ.

⁷Nmɩɩsɩ pɑ tɔɔ kɛ́ kɔtɑɣɑ lʋm, nɑ pɑ́ hʋ pɑ tɔɔ hʋntʋ tǝnɑ. Nɑ pɑ́ cɔtɔ pɑ wontu, ɩlɛnɑ pǝ́ kɛɛlɩ pɑ nyɔɔŋ tɔɔ ɑsilimɑ.

⁸Ɩlɛnɑ pɑ́ kpɑɣɑ lɑtǝcɛ nɑ kɔtɑɣɑ mʋlʋm mpi pɑ nuɣutinɑ nim tɔ. Nɑ Moisi nɑ́ɑ́ kpɑɣɑ ɩsɑɣɑtʋ hɩɩsʋɣʋ lɑtǝcɛ nɑɑlɛ nyǝŋ.

⁹Nɑ ɩ́ koti Ɩsɛɣɛlɩ nyǝ́mɑ tǝnɑ nɑ Lefii nyǝ́mɑ kpǝtǝnɑ Ɩsɔ cokǝle nɔnɔɣɔ. Nɑ Ɩsɛɣɛlɩ nyǝ́mɑ tǝnɩ pɑ tɔɔ kɛ́ niŋ.

¹¹Ɩlɛnɑ Alɔŋ hʋlɩ Lefii nyǝ́mɑ kɛ Ɩsɔ nɑ hɔɣɔlǝŋ tǝnɑ, ɩsɩɩ Ɩsɛɣɛlɩ nyǝ́mɑ lɑkʋɣʋ Ɩsɔ nyǝm tɔ. Ɩlɛnɑ pɛlɛ pɑ lɑkɩ Ɩsɔ kɛ tǝmlɛ.

¹²Pǝ wɑɑlɩ ɩlɛnɑ Lefii nyǝ́mɑ tǝnɩ pɑ niŋ kɛ lɑtǝcɛnɑɑ nɑɑlɛ tɔɔ nɑ Alɔŋ lɑ-m lɛlʋ kɛ ɩsɑɣɑtʋ hɩɩsʋɣʋ kɔtɑɣɑ, nɑ lɛlʋ kɛ kɔtɑɣɑ ŋkɑ kɔkɔ lusɑ kɑ tǝnɑ tɔ. Ɩlɛ Lefii nyǝ́mɑ ɩsɑɣɑtʋ hɩɩsɑɑ kɛlɛ.

¹³Ɩlɛnɑ ń sɩɩ Lefii nyǝ́mɑ kɛ Alɔŋ nɑ ɩ pǝyɑlɑɑ pɑ ɩsɛntɑɑ. Nɑ ń hʋlɩ-wɛ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔ.

¹⁴Nɑ Lefii nyǝ́mɑ pǝsɩ Ɩsɔ nyǝ́mɑ nɑ pǝ́ fɑɣɑ pɑ nɑ pɑ tɛɛtʋnɑɑ.

¹⁵Pǝlɛ pǝ wɑɑlɩ kɛ́ pɑɑ cɑɑlɩ pɑ tǝmlɛ kɛ cokǝle tɑɑ. Ɩsǝnɑ ɩ́ kɑ́ lɑ Lefii nyǝ́mɑ kɛ nyɔɔŋ tɔɔ ɑsilimɑ kɛɛlʋɣʋ kɔtɑɣɑ, nɑ ɩ́ hʋlɩ-wɛ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔɣɔlɛ.

¹⁶Ḿpʋ́ɣʋ́ Tɑcɑɑ tɑsɑɑ sɩ: Mǝ kɛnɑ mɑ nyǝm. Mpi tɔ, mɑ lɛɛtɑ-mɛɣɛ Ɩsɛɣɛlɩ nyǝ́mɑ kɑncɑɑlɑɣɑ ɑpɑlʋpiyɑ lonɑ kɛ́.

¹⁷Kʋyɑkʋ ŋku mɑ kʋwɑ Icipiti tɑɑ yǝlɑɑ kɑncɑɑlɑɣɑ ɑpɑlʋpiyɑ tɔ, pǝ kpɑɣɑʋ wɑɑtʋ ɩnɩ tɔ kɑncɑɑlɑɣɑ ɑpɑlʋpiyɑ tǝnɑ pǝsɑ mɑ nyǝm kɛ́. Pɑɑ yǝlɑɑ nyǝnsɩ, pɑɑ tɔlɑ nyǝnsɩ.

¹⁸Lefii nyǝ́mɑ kɛ mɑ lɛɛtɑ Ɩsɛɣɛlɩ kɑncɑɑlɑɣɑ ɑpɑlʋnyǝnsɩ lonte.

¹⁹Nɑ sɑmɑɑ tilinɑ-wɛɣɛ Alɔŋ nɑ ɩ pǝyɑlɑɑ pɑ kiŋ nɑ pɑ́ lɑkɩ tǝmɑ nɑ pɑ nɔɣɔ kɛ cokǝle tɑɑ, nɑ Tɑcɑɑ hɩɩsɩ sɑmɑɑ ɩsɑɣɑtʋ. Pǝ́ tɑɑ kɔɔ nɑ pɑ́ kpǝtǝnɑ Ɩsɔ cokǝle nɑ ɩ́ wɑkǝlɩ-wɛ.

²⁰Ḿpʋ́ɣʋ́ Moisi nɑ Alɔŋ nɑ Ɩsɛɣɛlɩ nyǝ́mɑ tǝnɑ, pɑ lɑpɑ teitei ɩsɩɩ Tɑcɑɑ kɑ kɛɛsʋɣʋ-wɛɣɛ Lefii nyǝ́mɑ tɔm tɔ.

²¹Pɑ cɔtɑ pɑ wontu nɑ pɑ́ sɔ lʋm. Nɑ Alɔŋ hʋlɩ-wɛɣɛ Ɩsɔ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔ. Nɑ ɩ́ lɑ-wɛɣɛ ɩsɑɣɑtʋ hɩɩsʋɣʋ kɔtɑɣɑ, nɑ ɑsilimɑ kɛɛlʋɣʋ nyǝŋkɑ.

²²Pǝ wɑɑlɩ kɛ́ Lefii nyǝ́mɑ cɑɑlɑ pɑ tǝmlɛ kɛ Ɩsɔ cokǝle tɑɑ. Nɑ Alɔŋ nɑ ɩ pǝyɑlɑɑ pɑ́ feŋiɣi-wɛ. Ɩsǝnɑ pɑ lɑpɑ nti Tɑcɑɑ kɑ heelɑ Moisi tɔɣɔlɛ.

²³Ḿpʋ́ɣʋ́ Tɑcɑɑ tɑsɑ Moisi kɛ heeluɣu sɩ:

²⁴Mpi pǝ kɛ́ Lefii nyǝ́mɑ nyǝntʋ tɔɣɔlɔ. Pɑɑ Lefii tʋ wei, ye ɩ wɛnɑ pɩɩsɩ hiu nɑ kɑkpɑsɩ nɑ wɑɑlɩ kɛ mpʋ, wɑɑtʋ ɩnǝɣɩ ɩ kɑ cɑɑlɩ Ɩsɔ cokǝle tɑɑ tǝmlɛ.

²⁵Ɩlɛnɑ pɑ́ cɛpɩ-ɩ ɩ pɩɩsɩ nɩɩlɛ nɑ nɑɑnʋwɑ nyǝŋkɑ tɑɑ.

²⁶Ye pɑ cɛpɑ wei, ɩ pǝsǝɣɩ nɑ ɩ́ sǝnɑ ɩ tɛɛtʋnɑɑ kɛ Ɩsɔ cokǝle tǝmlɛ yɑɑ. Amɑ pɑ kɑɑ tʋ-ɩ ɩ mɑɣɑmɑɣɑ ɩ nyǝntɛ kɛ́. Ɩsǝnɑ Moisi kɑ́ lɑkɩ Lefii nyǝ́mɑ tǝmlɛ tɔm tɑɑ tɔɣɔlɛ.