Numperis 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Iwe, ewe Samol mi Lapalap a kapas ngeni Moses,

²“Kopwe allük ngeni ekewe aramasen Israel o üreniir: Lupwen oupwe tolong lon ewe fanü Kanaan, ewe fanü üpwe ngenikemi pwe oupwe fanüeni, epwe iei unusen kiännin:

³Kiännin fanüemi me peliör epwe seni ewe fanüapön Sin feila won kiännin Etom. Epwe popuetä me lesopun ewe Setin Mäla me ötiu.

⁴Iwe, epwe kul me örün ewe chukuchukutä Akrapim o pwerelong ngeni Sin tori örün Kates-parnea. Mürin epwe pwere ngeni lotouefeng tori Hasaratar o pwerelong Asmon.

⁵Iwe, ewe kiä epwe kul seni Asmon o feila ngeni ewe öüwön Isip, nge epwe müchütiu me arun ewe matau watte.

⁶Iwe, kiännin fanüemi me pelilotou epwe arosetin ewe matau watte.

⁷Nge iei kiännin fanüemi me peliefeng: Epwe seni ewe matau watte tori ewe chuk Hor.

⁸Iwe, seni ewe chuk Hor epwe tori wenewenen Hamat, mürin kiännin epwe feitä tori Setat

⁹o feila ngeni Sifron, nge epwe müchütiu me Hasarenan. Iei kiännin fanüemi me peliefeng.

¹⁰Iwe, kiännin fanüemi me peliötiu epwe seni Hasarenan tori Sefam.

¹¹Iwe, seni Sefam ewe kiä epwe feila tori Ripla peliötiuen Ain o chöüla tori ewe chukuchukutä ötiuen ewe nomun Kenesaret.

¹²Mürin epwe feila ör o ouwäreer me ewe chanpupu Jortan, nge epwe müchütiu me arun ewe Setin Mäla. Iei fanüemi me pwelin kiännin.”

¹³Iwe, Moses a allük ngeni ekewe aramasen Israel o üreniir, “Iei ewe fanü oupwe fanüeni ren üttüt. Ei fanü epwe ainet ngeni ekewe tiu esop ainang, usun ewe Samol mi Lapalap a allük.

¹⁴Pun chon ekewe ainangen Rupen me Kat me esopun ewe ainangen Manasa ra fen angei fanüer iteiter lon en me an famili.

¹⁵Ekei ruu esop ainang ra fen angei fanüer ötiuen ewe chanpupu Jortan sasape ngeni Jeriko.”

¹⁶Iwe, ewe Samol mi Lapalap a üreni Moses,

¹⁷“Ikkei iten ekewe mwän repwe ineti ngenikemi ewe fanü oupwe fanüeni: Ewe souasor Eleasar me Josua nöün Nun we mwän.

¹⁸Oupwe pwal angei eman souemwen seni eu me eu ainang, pwe repwe alisikemi le ineti ewe fanü oupwe fanüeni.

¹⁹Ikkei iten ekewe souemwen: Kalep nöün Jefune we mwän seni ewe ainangen Juta,

²⁰Semuel nöün Amihut mwän seni ewe ainangen Simeon,

²¹Elitat nöün Chislon mwän seni ewe ainangen Peniamin,

²²pwal ewe souemwen Pukki nöün Joki mwän seni ewe ainangen Tan.

²³Haniel nöün Efot mwän seni ewe ainangen Manasa,

²⁴Kemuel nöün Siftan mwän seni ewe ainangen Efraim,

²⁵Elisafan nöün Parnak mwän seni ewe ainangen Sepulon,

²⁶Paltiel nöün Asan mwän seni ewe ainangen Isakar,

²⁷Ahihut nöün Selomi mwän seni ewe ainangen Aser,

²⁸pwal Petahel nöün Amihut mwän seni ewe ainangen Naftali.

²⁹Ikkei ir ekewe mwän ewe Samol mi Lapalap a allük ngeniir pwe repwe ineti ewe fanü Kanaan ngeni ekewe aramasen Israel.”