Kʋkɑlʋɣʋ 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ḿpʋ́ɣʋ́ Yosɛɛfʋ pǝyɑlʋ Mɑnɑsee, nɑ Mɑnɑsee pǝyɑlʋ Mɑkii, nɑ Mɑkii pǝyɑlʋ Kɑlɑɑtɩ lʋlʋɣʋ nyɔɔŋ nyǝ́mɑ polɑ Moisi nɑ Ɩsɛɣɛlɩ kpekɑ nyɔɔŋ nyǝ́mɑ kiŋ

²nɑ pɑ́ tɔ sɩ: Wɑɑtʋ wei Tɑcɑɑ tʋwɑ Moisi sɩ ɩ́ tɔ tɛtɛ nɑ ɩ́ tɑlɑ Ɩsɛɣɛlɩ nyǝ́mɑ kɛ tɛtʋ tɔ, ɩ sɩɩwɑ tɔtɔ sɩ, ɩ́ cɛlɑ tɑ́ tɛɛtʋ Selofɑtɩ tɛtʋ kɛ ɩ pɛɛlɑɑ.

³Amɑ ye pɑ sɑɑwɑ kpekǝle lɛntɛ tɑɑ, pɑ tɛtʋ pɑsǝɣɩ tɑ́ kpekǝle nyǝntʋ tɔɔ kɛ́ nɑ pǝ́ sɔɔsɩ lɛntɩ tɔɔ.

⁴Nɑ pǝ́ kɔmɑ nɑ pǝ́ tɑlɑ cɛpʋ pǝnɑɣɑ, pɑ nyǝntʋ lɩɩ tǝkpɑtɑɑ kɛ́ tɑ́ kpekǝle tɔɔ nɑ pǝ́ sɔɔsɩ pɑ nyǝntɛ kʋfɑtɛ tɔɔ.

⁵Mpʋɣʋlɛ Tɑcɑɑ heelɑ Moisi sɩ: Tɛlǝsɩ Ɩsɛɣɛlɩ nyǝ́mɑ sɩ Yosɛɛfʋ lʋlʋɣʋ nyǝ́mɑ wɛnɑ tɑmpɑnɑ.

⁶Ye pɑ sɔɔlɑ wei pɑ sɑɑ-ɩ. Amɑ pɩɩ wɛɛ pɑ kpekǝle tɑɑ tʋ́ kɛ́.

⁷Ɩlɛ pɑɑ kpekǝle nte tǝ tɛtʋ kɑ́ cɑɣɑ tǝ tǝcɑɣɑlɛ, tǝ kɑɑ sɔɔsɩ lɛntɛ nyǝntʋ tɔɔ. Mpʋ tɔtɔɣɔ ye kpekǝle nɑtǝlɩ tǝ ɑlʋ nɔɣɔlʋ ɩ wɛnɑ tɛtʋ pǝ wɛɛ sɩ ɩ́ sɑɑ ɩ cɑɑ kpekǝle lʋlʋɣʋ tʋ kɛ́.

¹⁰Ḿpʋ́ɣʋ́ Selofɑtɩ pɛɛlɑɑ Mɑlɑ nɑ Tiisɑ nɑ Hokǝlɑ nɑ Milikɑ nɑ Nowɑ pɑ sɑɑwɑ pɑ cɑɑ tɑɑlʋnɑɑ pǝyɑlɑɑ kɛ pɑ kpekǝle tɑɑ, ɩsɩɩ Tɑcɑɑ kɑ kɛɛsʋɣʋ Moisi tɔ.

¹²Yosɛɛfʋ pǝyɑlʋ Mɑnɑsee lʋlʋɣʋ nyǝ́mɑ ntɛ́. Ɩlɛnɑ pɑ tɛtʋnɑɑ nti pɑ hikɑɑ tɔ tǝ́ sɑɑlɩ pɑ cɑɑ kpekǝle tɑɑ.

¹³Kiiŋ nɑ kʋsǝsɩɩtʋ nti Tɑcɑɑ tɛlǝsɑ Ɩsɛɣɛlɩ nyǝ́mɑ, nɑ Moisi nɔɣɔ kɛ Mowɑpʋ tɛtɛkǝlɛ tɑɑ, kɛ́ Yɑɑtɑnɩ nɔɣɔ kɛ Yeliko ɩsɛntɑɑ tɔɣɔlɛ.