Kʋkɑlʋɣʋ 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ḿpʋ́ɣʋ́ Tɑcɑɑ tɔmɑ Moisi nɑ Alɔŋ sɩ:

²Ɩ́ tɛlǝsɩ sɑmɑɑ kɛ kʋsǝsɩɩtʋ tǝnɛ sɩ, ɩ́ cɑɑ nɑʋ kʋsɛɛm wei ɩ tiili tɑ́ cɑɑmɩ, pǝ́cɔ́ pɑ tɑ tʋtɑ-ɩ kpɑ́tʋ́ɣʋ́ kʋhɑlʋɣʋ tɔ.

³Nɑ ɩ́ cɛlɑ kɔtʋlʋ Ɩlɑsɑɑ, nɑ ɩ́lɛ́ ɩ́ lɩɩnɑ-ɩ tǝsikile wɑɑlɩ nɑ pɑ́ lɛntɩ-ɩ mɑ ɩsɛntɑɑ.

⁴Ɩlɛnɑ kɔtʋlʋ lii cɑlǝm tɑɑ kɛ́ mpǝle kɛ tɔm nɑɑtosompɔɣɔlɑɣɑ nɑ ɩ́ ŋmɩɩsǝɣǝnɑ cokǝle nɔnɔɣɔ.

⁵Nɑ pɑ́ wɔ nɑʋ tǝnɑɣɑ kɔtʋlʋ ɩsɛntɑɑ. Pǝ kpɑɣɑʋ kɔŋlɛ, nɑ nɑntʋ, nɑ cɑlǝm, nɑ pǝ tɑɑ lotu tɔ.

⁶Nɑ kɔtʋlʋ kpɑɣɑ tʋɣʋ ŋku pɑ yɑɑ sɩ sɛɛtǝlɩ tɔ kʋ tɑɑsɩ, nɑ tʋɣʋ ŋku pɑ yɑɑ sɩ hisɔpʋ tɔ kʋ piliŋɑ, nɑ heeŋ hʋntʋ nti pɑ lii ɑkpɑɑyɑlɑ tɔ, nɑ ɩ́ pɛtɩ timpi nɑʋ tɔŋɑ nyɑɣɑʋ kɛ mpʋ tɔ.

⁷Pǝ wɑɑlɩ ɩlɛnɑ, ɩ́ cɔtɔ ɩ wontu nɑ ɩ́ sɔ lʋm nɑ pǝ́cɔ́ ɩ́ sʋʋ tǝsikile tɑɑ. Nɑ ɩ́ wɛɛ ɑsilimɑ tɑɑ, hɑlǝnɑ tɑɑnɑɣɑ.

⁸Nɑʋ wɔtʋ kɑ́ cɔtɔ ɩ wontu nɑ ɩ́ sɔ lʋm nɑ ɩ́ cɑɣɑ ɑsilimɑ tɑɑ tɔtɔ, hɑlǝnɑ tɑɑnɑɣɑ.

⁹Ɩlɛnɑ yʋlʋ wei ɩ fɛɩ ɑsilimɑ tɑɑ tɔ, ɩ́ kuu nɑʋ tɔlʋmɑ nɑ ɩ́ ponɑ lonte kʋpɑntɛ tɑɑ kɛ́ tǝsikile wɑɑlɩ. Nɑ ɩ́ sɩɩ-yɛ nɑ pɑ́ lɑ́ ɑsilimɑ kɛɛlʋɣʋ kɔtɑɣɑ lʋm. Kɔtɑɣɑ ŋkɛ kɑ wɛ ɩsɩɩ ɩsɑɣɑtʋ hɩɩsʋɣʋ nyǝŋkɑ kɛ́.

¹⁰Pǝ wɛɛ sɩ tɔlʋmɑ kuulu ɩ́ cɔtɔ ɩ wontu tɔtɔɣɔ. Ɩlɛnɑ ɩ́ wɛɛ ɑsilimɑ tɑɑ, hɑlǝnɑ tɑɑnɑɣɑ. Ɩsɛɣɛlɩ nyǝ́mɑ nɑ cɑɣɑlɑɑ pɑɑ tɔkǝnɑ kɔtɑɣɑ kɑnɛɣɛ tɑm tɔɔ.

¹¹Ye wei ɩ́ tokinɑ sǝtʋ, ɩ kɑ́ cɑɣɑ ɑsilimɑ tɑɑ kɛ́. Hɑlǝnɑ kʋyɑkʋ nɑ kʋ ɩsikile.

¹²Ɩlɛnɑ ɩ́ ŋmɩɩsɩ ɩ tǝɣɩ ɑsilimɑ kɛɛlʋɣʋ kɔtɑɣɑ lʋm mpǝɣɩ kʋyɑkʋ tooso nyǝŋkʋ, nɑ nɑɑtosompɔɣɔlɑɣɑ nyǝŋkʋ. Ɩlɛnɑ ɩ́ wɛɛ tǝnɑŋŋ. Ye ɩ tɑ lɑ mpʋ, ɩ wɛ ɑsilimɑ tɑɑ kɛ́.

¹³Pǝyele ɩ pilisɑ Tɑcɑɑ tǝyɑɣɑ kɛ́. Nɑ ɩ ɑsilimɑ wɛ tɑm kɛ́ ɩ tɑ ŋmɩɩsɩ ɩ tǝɣɩ kɔtɑɣɑ lʋm tɔ pǝ tɔɔ.

¹⁴Ye yʋlʋ sǝpɑ kutuluɣu tɑɑ, nɑ nɔɣɔlʋ sʋʋ ɩ kiŋ. Yɑɑ pʋntʋ kɑ tɩɩ wɛ tǝnɑ. Ɩ pǝsɑ ɑsilimɑ tʋ kɛ́ hɑlǝnɑ kʋyɑkʋ nɑ kʋ ɩsikile.

¹⁵Pɑɑ fulɑɣɑ, yɑɑ pʋlʋpʋ wɛ tǝnɑ nɑ pǝ́ tɑ́ pɑ́ teu. Pǝ tɑɑ nyǝm pilisɑɑ tɔtɔɣɔ.

¹⁶Ye pɑ kʋ yʋlʋ, yɑɑ ɩ sǝpɑ ɩ sǝm kɛ nyɩɩtʋ tɑɑ. Ɩlɛnɑ nɔɣɔlʋ tokinɑ pɑɑ ɩ mʋwɑ yɑɑ ɩ pǝlɑɑʋ. Pʋntʋ pǝsɑ ɑsilimɑ tʋ kɛ́, hɑlǝnɑ kʋyɑkʋ nɑ kʋ isikile.

¹⁷Ye pɑ cɑɑkɩ ɑsilimɑ tʋ kɛ nyɑɑlʋɣʋ, nɑʋ ɩnɩ ɩ tɔlʋmɑ kɛ pɑ cosiɣi. Nɑ pɑ́ tʋ́ pʋlʋpʋ tɑɑ nɑ pɑ́ pǝlɩ lʋm kʋpɑm.

¹⁸Ɩlɛnɑ wei ɩ fɛɩ ɑsilimɑ tɔ, ɩ cɑɑ tʋɣʋ ŋku pɑ yɑɑ sɩ hisɔpʋ tɔ kʋ piliŋɑ nɑ ɩ́ lii lʋm mpɩ pǝ tɑɑ. Nɑ ɩ́ ŋmɩɩsɩ cokǝle nte tǝ tɑɑ yʋlʋ sǝpɑ mpʋ tɔ. Nɑ pǝ́ kpɛnnɑ tǝ yǝlɑɑ, nɑ pǝ wontu, nɑ wei ɩ tokinɑ sǝtʋ, yɑɑ ɩ mʋwɑ, yɑɑ ɩ pǝlɑɑʋ tɔ.

¹⁹Kʋyɑkʋ tooso nyǝŋkʋ, nɑ nɑɑtosompɔɣɔlɑɣɑ nyǝŋkʋ kɛ pɑɑ lɑpɩ-ɩ mpʋ. Pǝ wɑɑlɩ ɩlɛnɑ, ɩ́ cɔtɔ ɩ wontu nɑ ɩ́ sɔ lʋm. Tɑɑnɑɣɑ ntɛ́ ɩ ɑsilimɑ tɛŋ.

²⁰Ye ɑsilimɑ tʋ tɑ lɑ mpʋ, pɑɑ lǝsɩ-ɩ Ɩsɛɣɛlɩ kpekǝle tɑɑ. Mpi tɔ, ɩ pilisɑ Tɑcɑɑ cokǝle kɛ́. Pǝ́cɔ́ ɩ pǝsɑ ɑsilimɑ tʋ.

²¹Ɩsɛɣɛlɩ nyǝ́mɑ kɑ́ tɔkɩ kɔtɑɣɑ kɑnɛɣɛ tɑm tɔɔ kɛ́. Ye wei ɩ ŋmɩɩsɑ kɔtɑɣɑ lʋm, pǝ wɛɛ sɩ ɩ́ cɔtɔ ɩ wontu kɛ́. Nɑ wei ɩ́lɛ́ ɩ́ tokinɑ-wɩ, ɩ́ wɛɛkɩ ɑsilimɑ tɑɑ kɛ́ hɑlǝnɑ tɑɑnɑɣɑ.

²²Ye ɑsilimɑ tʋ ɩ́ tokinɑ mpi, ɩ pilisɑ-wǝɣɩ. Nɑ wei ɩ́lɛ́ ɩ́ tɩɩ tokinɑ ɑsilimɑ tʋ, pʋntʋ pǝsɑ ɑsilimɑ tʋ kɛ́, hɑlǝnɑ tɑɑnɑɣɑ.