Kʋkɑlʋɣʋ 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Wɑɑtʋ wei yʋlʋkʋsǝkʋ ŋkʋ kʋ tɛɛwɑ, ɩlɛnɑ Tɑcɑɑ tɔ Alɔŋ pǝyɑlʋ kɔtʋlʋ Ɩlɑsɑɑ sɩ:

²Kɑlɑ Ɩsɛɣɛlɩ yǝlɑɑ nɑ pǝ́ kɛɛsǝnɑ pɑ lʋlʋŋ, kɛ pǝ kpɑɣɑʋ ɑpɑlɑɑ mpɑ pɑ tɑlɑ pɩɩsɩ hiu nɑ pɑ́ mʋnɑ yoou pote tɔ.

³Ḿpʋ́ɣʋ́ Moisi nɑ Ɩlɑsɑɑ pɑ heelɑ Ɩsɛɣɛlɩ nyǝ́mɑ kɛ Mowɑpʋ tɛtɛkɑ tɑɑ kɛ́ Yɑɑtɑnɩ nɔɣɔ kɛ Yeliko ɩsɛntɑɑ

⁴sɩ: Tɑcɑɑ tʋwɑ Moisi sɩ ɩ́ kɑlɑ yǝlɑɑ mpɑ pɑ tǝnɑ pɑ wɛnɑ pɩɩsɩ hiu nɑ wɑɑlɩ tɔ. Ɩsɛɣɛlɩ kpekɑ nnɑ ɑ lɩɩwɑ Icipiti tɑɑ tɔ ɑ hǝlɑ ntɔ:

⁵Yɑkɔpʋ pǝyɑlʋ kɑncɑɑlɑɣɑ nyǝŋ Lupɛŋ kpekǝle, nɑ ɩ́lɛ́ ɩ lʋlʋɣʋ nyǝ́mɑ ntɛ́ Hɑnɔkɩ nyǝ́mɑ nɑ Pulɑ nyǝ́mɑ.

⁶Nɑ Hɛsǝlɔŋ nyǝ́mɑ nɑ Kɑɑmi nyǝ́mɑ.

⁷Lupɛŋ kpekǝle nyǝ́mɑ ntɛ́, nɑ pɑ tɑɑ kɛ́ ɑpɑlɑɑ iyisi nɩɩlɛ nɑ tooso nɑ nɑsǝtoso nɑ nɩɩnʋwɑ nɑ hiu nɑ nɑɑnʋwɑ (43.730).

⁸Pɑlu pǝyɑlʋ Ɩliyɑpɩ,

⁹pǝyɑlɑɑ ntɛ́ Nemuwɛlɩ nɑ Tɑtɑŋ nɑ Apilɑm. Nɑ Tɑtɑŋ nɑ Apilɑm pɑɑ kɛnɑ nyʋɣʋ nyǝ́mɑ, kɛ sɑmɑɑ wei ɩ kʋlɑ Moisi nɑ Alɔŋ pɑ tɔɔ tɔ. Kolee wɑɑlɩ nyǝ́mɑ ntɛ́ mpɛ ɩnɩ. Wɑɑtʋ ɩnǝɣɩ pɛlɛ pɑ kʋlɑ Tɑcɑɑ tɔɔ.

¹⁰Ḿpʋ́ɣʋ́ tɛtʋ hɑɑ nɔɣɔ nɑ tǝ́ li-wɛ nɑ tǝ́ kpɛnnɑ Kolee. Kɔkɔ nyɑɣɑ lɛlɑɑ nɑ pɑ ɩsɛ kɛ ŋmʋnʋɣʋ nɑ nɩɩlɛ nɑ nɑɑnʋwɑ (250). Mpʋ ɩnɩ pǝ hʋlɑ lɛlɑɑ mpɑ pǝ kɑɑsɑɑ tɔɣɔ lɔŋ kɛ́.

¹¹Pɑɑ nɑ mpʋ Kolee pǝyɑlɑɑ tɑ sɩ.

¹²Simiyɔŋ kpekǝle nyǝ́mɑ lʋlʋŋ hǝlɑ ntɔ: Nemuwɛlɩ nyǝ́mɑ, nɑ Yɑmɛŋ nyǝ́mɑ, nɑ Yɑkɛŋ nyǝ́mɑ,

¹³nɑ Selɑ nyǝ́mɑ, nɑ Sɑwuli nyǝ́mɑ.

¹⁴Pɑ tɑɑ ɑpɑlɑɑ wɛ yǝlɑɑ iyisi hiu nɑ nɑɑlɛ nɑ ŋmʋnʋɣʋ (22.200).

¹⁵Kɑtɩ kpekǝle nyǝ́mɑ lʋlʋŋ hǝlɑ ntɔ: Sefoŋ nyǝ́mɑ nɑ Hɑki nyǝ́mɑ nɑ Suni nyǝ́mɑ,

¹⁶nɑ Osini nyǝ́mɑ nɑ Ɩli nyǝ́mɑ

¹⁷nɑ Aloti nyǝ́mɑ nɑ Aleli nyǝ́mɑ.

¹⁸Pɑ tɑɑ ɑpɑlɑɑ wɛ yǝlɑɑ iyisi nɩɩlɛ nɑ nɑsǝlɛ nɑ nɩɩnʋwɑ (40.500).

¹⁹Yutɑ kpekǝle nyǝ́mɑ lʋlʋŋ ntɔ: Selɑ nyǝ́mɑ nɑ Pɛlɛsɩ nyǝ́mɑ nɑ Selɑɩ nyǝ́mɑ. Pɛlɛsɩ nyǝ́mɑ ntɛ́ nɑ Hɛsǝlɔŋ nyǝ́mɑ nɑ Hɑmuli nyǝ́mɑ. Yutɑ pǝyɑlɑɑ nɑɑlɛ Ɩlɩ nɑ Onɑŋ pɑɑ sǝpɑ Kɑnɑɑŋ tɛtʋ tɑɑ.

²²Pɑ tɑɑ ɑpɑlɑɑ wɛ iyisi nɩɩtoso nɑ nɑɑnʋwɑ nɑ nɑɑtoso nɑ nɑsǝlɛ nɑ nɩɩnʋwɑ (76500).

²³Ɩsɑkɑɑ kpekǝle nyǝ́mɑ lʋlʋŋ ntɔ: Tolɑ nyǝ́mɑ nɑ Pufɑ nyǝ́mɑ

²⁴nɑ Yepusi nyǝ́mɑ nɑ Similoŋ nyǝ́mɑ.

²⁵Nɑ pɑ tɑɑ ɑpɑlɑɑ kɛ iyisi nɩɩtoso nɑ liɣiti nɑ ŋmʋnʋɣʋ nɑ nɩɩnʋwɑ (64300).

²⁶Sɑpulɔŋ kpekǝle lʋlʋŋ nyǝ́mɑ ntɔ: Selɛtɩ nyǝ́mɑ nɑ Ɩloŋ nyǝ́mɑ nɑ Yɑleyɛlɩ nyǝ́mɑ.

²⁷Nɑ pɛlɛ pɑ tɑɑ ɑpɑlɑɑ kɛ iyisi nɩɩtoso nɑ nɑsǝlɛ nɑ nɩɩnʋwɑ (60500).

²⁸Mɑnɑsee nɑ Ɩfǝlɑyim pɑ kpekɑ nyǝ́mɑ ntɛ́ Yosɛɛfʋ lʋlʋŋ nyǝ́mɑ tǝnɑ.

²⁹Mɑnɑsee kpekǝle nyǝ́mɑ lʋlʋŋ ntɔ: Mɑkii nyǝ́mɑ nɑ ɩ́lɛ́ ɩ pǝyɑlʋ Kɑlɑɑtɩ nyǝ́mɑ.

³⁰Kɑlɑɑtɩ lʋlʋŋ nyǝ́mɑ ntɛ́ nɑ Yesɛɛ nyǝ́mɑ nɑ Helɛkɩ nyǝ́mɑ

³¹nɑ Asǝliyɛlɩ nyǝ́mɑ nɑ Sekem nyǝ́mɑ,

³²nɑ Semitɑ nyǝ́mɑ, nɑ Hefɛɛ nyǝ́mɑ.

³³Hefɛɛ pǝyɑlʋ Selofɑtɩ nɑ́ lʋlɑ ɑlʋpiyɑ tike kɛ́. Mpɛɣɛlɛ Mɑlɑ nɑ Nowɑ nɑ Hokǝlɑ nɑ Milikɑ nɑ Tiisɑ.

³⁴Nɑ pɑ tɑɑ ɑpɑlɑɑ kɛ iyisi nɩɩlɛ nɑ nɑɑnʋwɑ nɑ nɑɑlɛ nɑ nɑsǝtoso nɑ nɩɩnʋwɑ (52700).

³⁵Ɩfǝlɑyim kpekǝle lʋlʋŋ nyǝ́mɑ ntɔ: Sutelɑ nyǝ́mɑ nɑ Pekɛɛ nyǝ́mɑ nɑ Tɑhɑŋ nyǝ́mɑ.

³⁶Sutelɑ pǝyɑlʋ Ɩlɑŋ lʋlʋɣʋ nyǝ́mɑ ntɛ ɩlɑŋ nyǝ́mɑ.

³⁷Pɑ tɑɑ ɑpɑlɑɑ wɛ iyisi hiu nɑ nɑɑnʋwɑ nɑ nɑɑlɛ nɑ nɑsǝlɛ nɑ nɩɩnʋwɑ (32500). Yosɛɛfʋ lʋlʋɣʋ nyǝ́mɑ ntɛ́ kpekɑ ɑnɩ ɑ nɑɑlɛ.

³⁸Pɛncɑmɛɛ kpekǝle lʋlʋŋ nyǝ́mɑ ntɔ: Pelɑ nyǝ́mɑ, nɑ Asepɛlɩ nyǝ́mɑ nɑ Ahilɑm nyǝ́mɑ

³⁹nɑ Sufɑm nyǝ́mɑ nɑ Hufɑm nyǝ́mɑ.

⁴⁰Pelɑ lʋlʋɣʋ nyǝ́mɑ ntɛ́ nɑ Aɑtɩ nyǝ́mɑ nɑ Nɑɑmɑŋ nyǝ́mɑ.

⁴¹Pɑ tɑɑ ɑpɑlɑɑ wɛ iyisi nɩɩlɛ nɑ kɑkpɑsɩ nɑ nɑsǝtoso (45600).

⁴²Tɑŋ kpekǝle lʋlʋɣʋ nyǝ́mɑ ntɛ́ Suhɑm nyǝ́mɑ.

⁴³Pɛlɛ pɑ tɑɑ ɑpɑlɑɑ wɛ iyisi nɩɩtoso nɑ liɣiti nɑ nɑsǝlɛ (64400).

⁴⁴Asɛɛ kpekǝle lʋlʋɣʋ nyǝ́mɑ ntɛ́: Ɩmǝnɑ nyǝ́mɑ nɑ Ɩsefi nyǝ́mɑ nɑ Peliyɑ nyǝ́mɑ.

⁴⁵Peliyɑ lʋlʋɣʋ nyǝ́mɑ ntɛ́ nɑ Hepɛɛ nyǝ́mɑ nɑ Mɑlǝkǝyɛlɩ nyǝ́mɑ.

⁴⁶Asɛɛ kɑ wɛnɑ pɛɛlɔ nɑ pɑ́ yɑɑkɩ-ɩ sɩ Selɑ.

⁴⁷Pɛlɛ pɑ tɑɑ ɑpɑlɑɑ wɛ iyisi nɩɩlɛ nɑ nɑɑnʋwɑ nɑ tooso nɑ nɑsǝlɛ (53400).

⁴⁸Nɛfǝtɑli kpekǝle lʋlʋɣʋ nyǝ́mɑ ntɛ́: Yɑsiyɛlɩ nyǝ́mɑ nɑ Kuni nyǝ́mɑ

⁴⁹nɑ Yesɛɛ nyǝ́mɑ nɑ Sikɛm nyǝ́mɑ.

⁵⁰Pɑ tɑɑ ɑpɑlɑɑ kɑ wɛ iyisi nɩɩlɛ nɑ kɑkpɑsɩ nɑ nɑsǝlɛ (45400).

⁵¹Ɩsɛɣɛlɩ ɑpɑlɑɑ tǝnɑ mpɑ pɑ kɑlɑɑ tɔ, pɑ kpɛntɑ iyisi nɑsǝtoso nɑ kʋlʋmɑɣɑ nɑ nɑsǝtoso nɑ nɩɩnʋwɑ nɑ hiu nɑ nɑɑnʋwɑ (601730).

⁵²Ḿpʋ́ɣʋ́ Tɑcɑɑ tɔmɑ Moisi sɩ:

⁵³Pǝ wɛɛ sɩ ń tɑlɑ tɛtʋ kɛ Ɩsɛɣɛlɩ kpekɑ nɑ pǝ́ kɛɛsǝnɑ ɑ sɑmɑɑ.

⁵⁴Tɛtɛ kɛ pɑɑ tɔ nɑ pɑ́ tɑlǝnɑ pɑɑ kpekǝle nteɣe tǝ tɛtʋ. Ɩlɛnɑ pɑ́ cɛlɑ kpekɑ sɔsɔɔnɑ kɛ tɛtʋ sɔsɔɔntʋ nɑ sǝkpenɑ kɛ sǝkpetu.

⁵⁷Lefii kpekǝle tɑɑ lʋlʋŋ wei wei pɑ kɑlɑɑ tɔɣɔlɛ Kɛɛsɔŋ nyǝ́mɑ nɑ Kehɑtɩ nyǝ́mɑ nɑ Melɑli nyǝ́mɑ.

⁵⁸Pɑ lʋlʋŋ tɑɑ sǝkpeŋ ntɛ́ Lipini nyǝ́mɑ nɑ Hepǝlɔŋ nyǝ́mɑ nɑ Mɑlii nyǝ́mɑ nɑ Musi nyǝ́mɑ nɑ Kolee nyǝ́mɑ. Amǝlɑm cɑɑ kɛlɛ Kehɑtɩ.

⁵⁹Amǝlɑm kpɑɣɑnɑ Lefii pɛɛlɔ Yɔkǝpɛtɩ wei pɑ lʋlɑ Icipiti tɔ. Nɑ ɩ́lɛ́ ɩ lʋlɩ-ɩ Alɔŋ nɑ Moisi nɑ Mɑlǝyɑm pɑ tooso.

⁶⁰Alɔŋ piyɑ ntɛ́ Nɑtɑpɩ, nɑ Apihu, nɑ Ɩlɑsɑɑ, nɑ Ɩtɑmɑɑ.

⁶¹Amɑ Tɑcɑɑ kʋwɑ Nɑtɑpɩ nɑ Apihu kɛ wɑɑtʋ wei pɑ ponɑ-ɩ kɔtɑɣɑ tǝlɑtɛ tɔɔ kɛ tulɑɑlʋ kpɑɩ nyǝŋ tɔ.

⁶²Pɑ tɑɑ ɑpɑlɑɑ nɑ ɑlʋpiyɑ mpɑ pɑ tɑlɑ ɩsɔtʋnɑɑ nɑɑlɛ tɔ pɑ wɛ iyisi hiu nɑ tooso (23000). Pɑ tɑɑ kɑlǝnɑ-wɛ nɑ Ɩsɛɣɛlɩ nyǝ́mɑ lɛlɑɑ. Mpi tɔ, pǝ fɛɩ sɩ pɑ́ tɑlǝnɑ-wɛɣɛ tɛtʋ.

⁶³Ɩsǝnɑ Moisi nɑ kɔtʋlʋ Ɩlɑsɑɑ pɑ kɑlɑ Ɩsɛɣɛlɩ nyǝ́mɑ kɛ Mowɑpʋ tɛtɛkǝlɛ tɑɑ kɛ́ Yɑɑtɑnɩ nɔɣɔ kɛ Yeliko ɩsɛntɑɑ tɔɣɔlɛ.

⁶⁴Mpɑ Moisi nɑ kɔtʋlʋ Alɔŋ pɑɑ kɑlɑ tɔm kɑncɑɑlɑɣɑ nyǝm kɛ Holɛpʋ wʋlɑɣɑ tɛtʋ tɑɑ tɔ pɑ fɛɩ nɔɔnɔɔ nyǝ́mɑ tɑɑ.

⁶⁵Tɑcɑɑ kɑ tɛmɑ-wɛɣɛ heeluɣu sɩ pɑ tǝnɑ pɑɑ sɩ wʋlɑɣɑ tɛtʋ tɑɑ. Ye pǝ tɑɣɑ Yefune pǝyɑlʋ Kɑlɛpʋ nɑ Nuŋ pǝyɑlʋ Yosuwee pɑ tike kɛ pǝ kɑɑsɑɑ.