Minbu 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Pakaiyin Mose heng’a thuaseiyin.

²Israel chate henga thupeh neijinlang aheng uva hiti hin seijin, nangho Canaan gam sung nalut diu, Canaan gam sung pumpi nang hochan ding ahi tai.

³Lhanglam na gamgi diu kipatnahi Zin gammang akon hung kipanahin, hichun Edom gamgi ahin juipeh ahin, lhanglam a na gamgi diuchu twikhanglen ki-ngahna apathung kite pan ding ahi.

⁴Chule na gamgi u-hin Akrabbimchesuh nalam ajui peh ding Zinaga phah a gamgi achaina lam chu Kadeshbarnea chan gei hi ding ahi. Chule Hazaraddar mun chan ajuipeh ding Azmon changei a jui dingahi.

⁵Hiche gamgi hi Azmon apat Egypt vadung channa a jui pehding, a chaina hi tuikhanglenmunna kilhung lut ding ahi.

⁶Chule lhumlam na gamgi u-hituikhanglen lenpen hi a jui jingding, twikhanglen pang hi a jui pehding, hiche hi lhumlam gamgi’ananei jing diu ahi tai.

⁷Sahlam gamkaija gamgi vang chuhitia hi umding ahi, Twikhanglenapat gamgi ahin juipeh ding hichu Hor molsang channa natetoh diuahi.

⁸Hor molsanga pat gamgi banneicha nahin juipeh diu Hamath channana juilut peh diu, Zedad mun geiyagamgi nate lhung diu ahi.

⁹Ajeh chu Ziphron geiya gamgikikeh len ahin, Hazarenan munnakichai ding, hichan geichu sahlammunna nangho gamgi’a um jingding ahiye.

¹⁰Solamgamgivangchu Hazarenan apat Shepham munchanna nate lhung diu ahi.

¹¹Chule hiche gamgi chu Shephamapat na Ain solam gamkaiya um Riblah changei ja kilhung lutding, chu teng agamgi chu solam Chinnereth Twikhanglenpanggeiya gamgi ki lhung ding ahi.

¹²Chuban leh gamgi chu Jordanvadung apat ki lhungsuh peh ding Twikhanglen changeiya kilhunglha ding ahi. Gamgi tampi kilhunga avel kimsoh ding, hiche gamsunga chu nnagho nachen diu ahi, tinaheng uvah seipeh tauvin, ati.

¹³Chuin Mose’n Israel chate hengahiti hin aseijin, Pakaiyin phungkoleh phung kehkhat jaona mi apehding ahi tia kitepna a neisa chuhiche hi nangho jouse goulo ding’akipe na hi tauve.

¹⁴Ajeh chu apa chilhah akonna Reuben chate ahin chule apa jang-lhah dungjuiya Gad chate ahiuvin, hichu Manasseh phunga konnaakeh khat jeng in jong a kimu sohkeija ahitai.

¹⁵Hijeh chun phungni leh phungakehkhat jao nan niso lam akon Jordan gal lam hichu Jericho khopiachu a chan diu gou aga kimu dohtauvin ahi.

¹⁶Pakaiyin Mose henga hiti hinaseiyin ahi.

¹⁷Nachan diu gam homtoh le’apang ding ho chu amin u hicheng hiahiye: Eleazer thempu, Nun chapa Joshua jaona hi ding ahi.

¹⁸Na phung sung cheh uva konnalamkai khat cheh gam homtoh apang ding’a na lhen dohsoh kei diu ahi.

¹⁹Na lhendoh diu chengse ho minchu hi cheng hi ahi: Juda phunggolding in Jephunneh chapa Caleb hiding ahi.

²⁰Simeon chate lah akonna Ammihud chapa Shemuel pangding ahi.

²¹Benjamin phung sunga ding’a Chislon chapa Elidad hi ding ahi.

²²Danphungsungakonna lamkaiya ana pang Jogli chapa Bukki hi ding ahi.

²³Joseph chate Manasseh chate lamkai ja pang ding chu Ephod chapa Hanniel hi ding ahi.

²⁴Ephraim chate lah a lamkaija pang ding chu Shiphtan chapa Kemuel hi ding ahi.

²⁵Zebulun chate lah a lamkaiya pang ding chu Parnach chapa Elizaphan hi ding ahi.

²⁶Issachar chate phung sunga konna lamkaiya pang ding chu Azzan chapa Paltiel hi ding ahi.

²⁷Asher chate lah a lamkaiya pang ding chu Shelomi chapa Ahihud hi ding ahi.

²⁸Naphtali chate lah alamkaiya pang ding chu Ammihud chapa Pedahel hi ding ahi.

²⁹Hi tabang ahi Israel chate’n Canaan gam sung a lodiu chu Pakaiyingamhomtohding’a angense chu ama ho chengse hi ahiye.