Números 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Bab-Jehová Moisésʼga sunmakded, ega sogded:

²“Israel-dulemarga be sogo, ‘Canaán-yalase bemar dogsamalale, we-yala-bemarga-uklegoedi, wese-wese bemarga abingunai guoye:

³” ’Dad-nakwed-argan-nuedsik-yar-abinguoedi, nega-dulesulidgan-Zinʼye-nugadbo, degi, Edom-yalabo abingunai guoed. ” ’Dad-nakwed-argan-nuedsik-yar-abinguoed-onodagoedi, dad-nakwedsik Demar-Gagbid-bergunaid-dukugi onodagoed.

⁴Geb we-Demar-Gagbidye-nugad-duku-akar-onodagoedi, dad-nakwed-argan-nuedsik aidedagoed, Acrabimʼye-neg-nugad-nakwemaidsik naoed. Nega-dulesulidgan-Zinʼye-nugadba nasoed. Geb agine, Cades-Barneaʼse warmakoed. Geb Cades-Barneaʼgi nakwidogua, Hasar-Adarʼgi nasoed, geb Asmónʼse warmakdapoed.

⁵Geb Asmónʼgi dukingudabalogu, Egipto-dian-maidse warmakdapoed, geb Demar-Dummad-naidse itirdapoed.

⁶” ’Dad-argwanedsik-yar-abinguoedi, Demar-Dummad-naidbo abingunai guoed.

⁷” ’Dad-nakwed-argan-sapiledsik-yar-abinguoedi, weyob abinguoed: Demar-Dummad-naid-akar baksa be gaoed, Hor-yalase.

⁸Hor-yala-akar baksa be imakbaloed, Hamat dogedse. A-abingunaid nadeguoed, Zedadʼse.

⁹Geb degine, Zifrónʼgi nasoed, Hazar-Enánʼse bergudapoed. Wese dad-nakwed-argan-sapiledsik-yar-abinguoedi naiguoed.

¹⁰” ’Dad-nakwedsik-yar-abinguoedi, Hazar-Enán-akar-baksa onodmogoed Sefamʼse warmakoed.

¹¹Geb Sefamʼgi aidedmogoed Aín-dad-nakwedsik-Riblaʼye-neg-nugad-naidse warmakdapoed. Geb agine, yar-abingunaidi aidedbaloed, Cineret-demar-gaka-dad-nakwedse. Ase warmakoed.

¹²Geb agine, Jordán-diwarba aidedbaloed, Demar-Gagbid-bergunaid-dukuse. Ase yar-abingunaid bergudapoed. ” ’We, bemar-yalaga guoed. Degine, weyobi, bemarga yar abingunanai guoed.’ ”

¹³Moisés weyob Israel-dulemarga igar-uksad: “We-yala na bemar wilubdakar mimimaloye. Bab-Jehová weyob soged, dadgan-dummagan-e-bakebakadga (9) uklegoye, degi, dad-dummad-Manasés-e-wagan-negabaladga uklemogoye.

¹⁴Ar ade, bato dad-dummad-Rubén-waganga, na e-gwenad-e-gwenadganba yar uklesad. Degi, dad-dummad-Gad-waganga, degine, dad-dummad-Manasés-wagan-negabaladga bato na e-gwenad-e-gwenadganba ega yar uklesmogad.

¹⁵A-sogleged, dad-dummagan-warbogwad-wagan, degine, dad-dummad-baid-e-wagan-negabalad Jericó-neggwebur-asabin Jordán-diwar-dad-nakwiardaedsik yar-gasmarye.”

¹⁶Bab-Jehová Moisésʼga sunmakded, ega sogded:

¹⁷“Wemala bemarga yar mimimaloed: Dule-irwa-Bab-Dummadse-goled-Eleazar, degi, Nun-machi-Josué.

¹⁸Deginbali, dadgan-warambe-gakabogwad-iliba (12) e-dummaganga-gudimalad war-wargwen be subaloed. Amala bemarga yar mimimarmogoed.

¹⁹We-dulemala, wemalad: Dad-Judá-wagan-e-dummad, Jefone-machi-Caleb.

²⁰Dad-Simeón-wagan-e-dummad, Amiud-machi-Semuel.

²¹Dad-Benjamín-wagan-e-dummad, Quislón-machi-Elidad.

²²Dad-Dan-wagan-e-dummad, Jogli-machi-Buqui.

²³Dad-José-machi-Manasés-wagan-e-dummad, Efod-machi-Haniel.

²⁴Dad-José-machi-Efraín-wagan-e-dummad, Siftán-machi-Kemuel.

²⁵Dad-Zabulón-wagan-e-dummad, Parnac-machi-Elizafán.

²⁶Dad-Isacar-wagan-e-dummad, Azán-machi-Paltiel.

²⁷Dad-Aser-wagan-e-dummad, Selomi-machi-Ahiud.

²⁸Dad-Neftalí-wagan-e-dummad, Amiud-machi-Pedael.”

²⁹We-dulemargala Bab-Jehová igar uksad, adi, we-dulemala Israel-dulemarga Canaán-yar-mimiegar.