Kʋkɑlʋɣʋ 25

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ḿpʋ́ɣʋ́ Ɩsɛɣɛlɩ nyǝ́mɑ cɑɣɑ Sitim nɑ pɑ́ nɑ Mowɑpʋ ɑlɑɑ pɑ́ sʋʋ yem yem lɑkɑsɩ tɑɑ.

²Nɑ pɛlɛ pɑ́ sʋsɩ-wɛɣɛ tɩɩŋ lɑɑʋ tɑɑ, nɑ hɑlɩ pɑ́ tɔkɩ pǝ tɔɣɔnɑɣɑ nɑ pɑ luŋiɣi

³tʋɣʋ Pɑɑlɩ kɛ Peyɔɔ pʋɣʋ tɑɑ. Ɩlɛnɑ Tɑcɑɑ pɑ́ɑ́nɑ́ nɑ́ɑ́ huunɑ-wɛ.

⁴Ntɛnɑ Ɩsɔ tɔ Moisi sɩ: Koti Ɩsɛɣɛlɩ nyʋɣʋ nyǝ́mɑ tǝnɑ, nɑ ń pusi tɑsǝkǝlɛ nyǝ́mɑ nɑ tɩɩŋ kɛ mɑ ɩsɛntɑɑ kɛ ilim tɑɑ, nɑ pǝ́cɔ́ mɑ́ kʋ́ mɑ pɑ́ɑ́nɑ́ kɛ pɑ tɔɔ.

⁵Ḿpʋ́ɣʋ́ Moisi tɔmɑ Ɩsɛɣɛlɩ hʋʋlɑɑ sɩ: Pɑɑ wei ɩ́ kʋ́ Peyɔɔ pʋɣʋ tɑɑ tʋɣʋ Pɑɑlɩ luŋlɑɑ mpɛ.

⁶Wɑɑtʋ wei Moisi nɑ lɛlɑɑ pɑ kotɑ Ɩsɔ cokǝle nɔnɔɣɔ nɑ pɑ́ wiiki, ɩlɛ Ɩsɛɣɛlɩ tʋ nɔɣɔlʋ ɩ kɔnɑ Mɑtiyɑŋ ɑlʋ ńtɛ́ pɑ ɩsɛntɑɑ tǝnɑ, nɑ ɩ́ ponɑ ɩ tɛ.

⁷Ḿpʋ́ɣʋ́ Ɩlɑsɑɑ pǝyɑlʋ kɔtʋlʋ Pɛŋhɑsɩ wei ɩ kɛ́ Alɔŋ sɑɑlɩ tɔ, ɩ kʋlɑ sɑmɑɑ tɑɑ tǝnɑ nɑ ɩ́ co ŋmɑntɑɑɣɑ,

⁸nɑ ɩ́ tǝŋ ɑpɑlʋ nɑ ɑlʋ ɩnɩ pɑ wɑɑlǝɣɩ cokǝle tɑɑ, nɑ ɩ́ sɔ pɑ nɑɑlɛ pɑ lotu tɑɑ kɛ ŋmɑntɑɑɣɑ nɑ pɑ́ sɩ́. Ɩlɛnɑ yʋlʋkʋsʋkʋ kɛɛlɩ Ɩsɛɣɛlɩ nyǝ́mɑ tɔɔ.

⁹Ɩlɛ sǝtɑɑ tɛmɑ iyisi hiu nɑ liɣiti (24.000) kɛ yoosuɣu.

¹⁰Mpʋɣʋlɛ Tɑcɑɑ tɔmɑ Moisi sɩ:

¹¹Ɩlɑsɑɑ pǝyɑlʋ kɔtʋlʋ Pɛŋhɑsɩ wei ɩ kɛ́ Alɔŋ sɑɑlɩ tɔ, ɩ kɛɛlɑ mɑ pɑ́ɑ́nɑ́ kɛ timpi ɩ sɛɛsɑ ɩsǝlɛ kɛ Ɩsɛɣɛlɩ nyǝ́mɑ tɑɑ ɩsɩɩ mɑ́ tɔ. Pǝ tɔɔ kɛ́ mɑ tɑ kpiisi-wɛ.

¹²Mpʋ tɔ, heeli-ɩ sɩ, mɑ́ nɑ-ɩ tɩɩ pɛɛlɩ hɛɛsʋɣʋ nɔɣɔ.

¹³Nɑ kɑ́ wɛɛ ɩ́ nɑ ɩ piyɑ piyɑ pɑ tɔɔ, nɑ pɑ́ pǝsɩ kɔtǝlɑɑ kɛ tɑm. Mpi tɔ, ɩ sɛɛsɑ ɩsǝlɛ nɑ mɑ tǝmlɛ, nɑ ɩ́ hɩɩsɩ Ɩsɛɣɛlɩ nyǝ́mɑ ɩsɑɣɑtʋ.

¹⁴Ɩsɛɣɛlɩ tʋ wei nɑ ɩ ɑlʋ Mɑtiyɑŋ tʋ pɑ kʋwɑ mpʋ tɔ, ɩ kɑ kɛ́ Sɑlu pǝyɑlʋ Simili kɛ́. Simiyɔŋ kpekǝle tɑɑ nyʋɣʋ tʋ ntɛ́.

¹⁵Nɑ pɑ́ yɑɑkɩ ɩ ɑlʋ sɩ Kosipi, nɑ ɑlʋ ɩnɩ ɩ cɑɑ sɩ Suuu. Ɩlɛ ɩ kɑ kɛ́ Mɑtiyɑŋ lʋlʋŋ pɑɣɑlɛ nyʋɣʋ tʋ kɛ́.

¹⁶Ḿpʋ́ɣʋ́ Tɑcɑɑ tɔmɑ Moisi sɩ:

¹⁷Tii Mɑtiyɑŋ nyǝ́mɑ tɔɔ, nɑ ń kpiisi-wɛ.

¹⁸Pɑ pǝsɑ mǝ kolontunɑɑ kɛ. Mpi tɔ, pɑ tʋsɑ-mɛ nɑ ɑcilɑɣɑtʋ kɛ Pɑɑlɩ, nɑ pɑ nyʋɣʋ tʋ lɛlʋ pɛɛlɔ Kosipi tɔm tɑɑ. Ɩnǝɣɩ pɑ kʋwɑ yʋlʋkʋsǝkʋ wɑɑtʋ tɑɑ.