1Meke zama la koe Mosese se Zihova,
2“Mu tozini sari na tinoni Izireli: ‘Totoso karovo la meke kamo pa popoa Kenani, sa pepeso sapu ponini gamu Rau, sa volosona sa pinaqaha popoa si kaqu guahe:
3Sa voloso pa kali mataona sa popoa si kaqu koa pa korapana sa soloso qega ta pozae Zini meke kamo la pa voloso pa Edomu. Kote podalae si asa pa kali gasa rimatana sa popoa tamugamu pa kali gorena sa Kolo Matena.
4Meke sa voloso si taluarae pa Kolo Matena meke la gua pa volosona sa popoa Edomu, meke sage hola la pa karovoana koasa toqere sapu ta pozae Karovoana Akarabimi, meke gore la pa soloso qega sapu ta pozae Zini, osolae kamo koasa vasileana Kadesi Banea. Beto asa si hola latu pa vasileana Haza Ada, meke la kamo pa Azimoni.
5Vasina si kote toṉoto la pa ovuku Izipi sa volosona Izipi, meke beto pa kali lodu rimata pa Kolo Meditareniani.
6Sa voloso pa kali lodu rimata si na kolo Meditareniani.
7Sa voloso pa kali gede si kote taluarae pa Kolo Meditareniani meke la gua pa kali gasa rimata osolae kamo la pa Toqere Horo,
8meke podalae vasina meke kamo la pa karovoana pa toqere sapu ta poza Hamati. Kote hoda la kamo pa Zedadi meke la kamo pa
9Ziporoni, meke la kamo pa kali gasa rimatana sa popoa pa Haza Enani.
10Pa kalina sa voloso pa kali gasa rimata si luli sa voloso podalae pa Haza Enani kamo pa Sepihama.
11Meke kote la gua pa kali gasa rimata pa Habele, pa kali gasa rimatana sa popoa Aini, meke kamo la koari na toqere pa kali gasa rimata koasa Kopi Qaleli,
12meke luli pa Ovuku Zodani kamo pa Kolo Matena. Arini sari ka made volosodi rina mia pepeso.’ ”
13Ke zama se Mosese koari na tie Izireli, “Asa tu sa popoa sapu kote ta poni nia gamu pa mudumudukeda, sa pepeso sapu vizata vekoi e Zihova koa gamu ka sia meke kukuruna butubutu,
14Sari na butubutu Rubeni, Qadi, meke kukuruna sa butubutu Manase si ele vagi dia tinagotago pepeso pa kali gasa rimata, meke tava hia si arini pa hopeke dia tatamana,
15totoso koa sari doduru pa kali gasa rimata pa Ovuku Zodani tata pa Zeriko.”
16Zama sa Tamasa koe Mosese,
17“Se Eleaza sa hiama meke Zosua sa tuna Nani si kote va hia i sari na pepeso tadi na tinoni.
18Mamu vizata vagia keke koimata koari hopeke butubutu pude tokani pa vina hihia.”
19Hire sari na tie sapu vizati e Zihova: Koasa butubutu Ziuda, sa koimata si e Kelebi, sa tuna koreo e Zepune.
20Koasa butubutu Simione, sa koimata si e Selumiele, sa tuna koreo e Amihudi.
21Koasa butubutu Benisimane, sa koimata si e Elidada, sa tuna koreo e Sisiloni.
22Koasa butubutu Dani, sa koimata si e Buki, sa tuna koreo e Zoqili.
23Koasa butubutu Manase, sa koimata si e Naniele, sa tuna koreo e Epohodi.
24Koasa butubutu Iparemi, sa koimata si e Kemueli, sa tuna koreo e Sipitani.
25Koasa butubutu Zeboloni, sa koimata si e Elizapani, sa tuna koreo e Paranaki.
26Koasa butubutu Isaka, sa koimata si e Palitieli, sa tuna koreo e Azani.
27Koasa butubutu Asa, sa koimata si e Ahihudi, sa tuna koreo e Selomi.
28Koasa butubutu Napitalai, sa koimata si e Pedaheli, sa tuna koreo e Amihudi.
29Arini sari na tie saripu ta vizatadi koe Zihova pude va hia i sari na pepeso tadi na tinoni Izireli pa popoa Kenani.
