Numbers 34

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹I yog SOMOL ngak Moses,

²ni nge yog ngak e girdi’ nu Israel, ni nge ga’ar ngorad, “Nap’an ni gimed ra yan nga langgin yu Kanaan, ni fare binaw ni nggu pi’ ngomed, ma ba’aray e gin ni nge yan e pi mathil ko binaw romed riy.

³Mathil u yimuch e tabab ko ted nu Zin nge waliy e mathil nu Edom. I tabab ko ngek u taban e leyni yimuch ko Dead Sea.

⁴Me cheal ko yimuch nge sor nga thilin e but’ u Akrabbim nge yan i pag yu Zin nge yan ko yimuch u Kadesh Barnea. Miki cheal ko lel’och ni ngal nge sor nga Hazar Addar me yan u rom nga Azmon,

⁵ni iraram gin ni cheal riy nge sor ko loway ko mathil nu Egypt nge yan i mus ko day ni Mediterranean.

⁶“Mathil ko ngal e fare gi day ni Mediterranean.

⁷“Ma mathil u lel’och e nge tabab ko Mediterranean nge yan i mada’ ko Burey nu Hor

⁸me yan urom ko wa’ u thilin e but’ u Hamath. Miki ul ul i yan nga Zedad

⁹nge taw nga Zifron, me yan i mus nga Hazar Enan.

¹⁰“Ma mathil ko ngak e tabab u Hazar Enan nge yan u rom nga Shefam.

¹¹Me yan ko yimuch nga Harbel, meyan ko ngek u Ain, me yan u rom ko yochi burey ni ba’ ko ngek u mirichlen e lipath nu Galilee,

¹²ma aram me yan ko yimuch ni be waliy e lul’ nu Jordan nge yan ko Dead Sea. “Nge par ni irera’ e re aningeg i mathil ko binaw romed.”

¹³Ma aram me ga’ar Moses ngak fapi girdi’ nu Israel, “Irera’ e binaw nrayag ngomed nike duwgil iip ko pow ni kan girengiy, ni fare binaw ni SOMOL e ke turguy ni ngan pi’ ko fa mereb nge balay e ganong.

¹⁴Ma ganong rok Ruben nge Gad nge ley ni ngek e ganong rok Manasseh e kar feked e tirorad e f’oth ko binaw, ni kan f’oth nga daken e tabnaw rorad,

¹⁵u ba’ ni ngek e Jordan, u puluwon yu Jeriko nga barba’.”

¹⁶Me ga’ar SOMOL ngak Moses,

¹⁷“Eleazar ni prist nge Joshua nib mo’on ni fak Nun, e ngar f’othew e binaw ko girdi’.

¹⁸Ra reb e ganong ma ngan fek reb e tayugang’ riy nge ayweg e gali cha’ney i ki’eg e binaw.”

¹⁹Ba’aray e pi pumo’on ni SOMOL e mel’egrad: Ganong Mitethin Judah Kaleb nib mo’on ni fak Jefunneh Simeon Shelumiel nib mo’on ni fak Ammihud Benjamin Elidad nib mo’on ni fak Kislon Dan Bukki nib mo’on ni fak Jogli Manasseh Hanniel nib mo’on ni fak Efod Efraim Kamuel nib mo’on ni fak Shiftan Zebulun Elizafan nib mo’on ni fak Parnak Issakar Paltiel nib mo’on ni fak Azzan Asher Ahihud nib mo’on ni fak Shelomi Naftali Pedahel nib mo’on ni fak Ammihud

²⁹Irera’ e pi pumo’on ni duwgiliy SOMOL ni ngar ki’egged e binaw nu Kanaan ngar pi’ed i tafenay e girdi’ nu Israel.