Luka 13:1-12

¹Askal aviline varesave manuša thaj phendine e Isusešće kaj o Pilato savo sas rimsko upravniko dijas naredba te mudarenpes varesave manuša andar e Galileja. Thaj sas mudarde ando jerusalimsko Hramo dok anenas e žrtve.

²O Isus phendas lenđe: “Dali si godova dokaz kaj godola Galilejcurja save nastradisardine sas majbut bezehale katar aver Galilejcurja.

³Nisar! Phenav tumenđe: vi tumen gajda avena duhovno hasarde ako či obratintumen ko Del!

⁴Ili gndin kaj okola dešuohto, pe save haradili e Siloamsko kula thaj mudardalen sas majbut bezehale katar sa e manuša save trainas ando Jerusalim?

⁵Nisar! Phenav tumenđe: vi tumen gajda avena duhovno hasarde ako či obratin tumen ko Del.”

⁶Askal o Isus phendas lenđe akaja prispodoba: “Varesošće manuše sas zasadime smokva ande lesko vinograd. Avilo o manuš te dićhel dali bijandas plodo, ali či arakhlales pe smokva plodo

⁷Zato phendas e vinogradarešće: “Ake već trin brš avav thaj rodav plodo pe akaja smokva thaj či arakhav. Čhin lat. Sostar te crpil e phuv?”

⁸A o vinogradari phendas lešće: “Gospodarina, mukla još akava brš, a me hanavava oko late thaj čhava oko late o štalsko gunoj.

⁹Možda ipak pe okova brš bijanel. A ako či bijanel askal čhinejalat.”

¹⁰Jek savato dok o Isus sikavelas ande jek sinagoga.

¹¹Okote sas varesavi manušnji savi dešuohto brš sas grbavo thaj naštik uspravilas pes. Ande late sas o bilačho duho savo ćerelas te avel nasvali

¹²Kana o Isus dikhlala, akhardala peste thaj phendas: “Manušnjije, oslobodime san katar ćiro nasvalipe!”