Lukas 13:1-12

¹NI ansau o akai mia, me potoan ong i duen men Kaliläa kai, me Pilatus doleki nt’ arail ar mairong.

²A kotin sapeng masani ong irail: Komail kiki ong, me men Kaliläa pukat me dipan akan mon men Kaliläa tei kan, pweki ar kalokolok o?

³Ngai, me indai ong komail: So! A ma komail sota pan kalula, komail karos pan mela dueta.

⁴De irail ekwalemen ko, me im en ruk en Siloa pupedi ong poa, kame ir ala, komail kiki ong, me irail me sued sang aramas akan, me kaukauson Ierusalem?

⁵Ngai me indai ong komail: So! A ma komail sota pan kalula, komail karos pan mela dueta.

⁶A kotin karaseras ong irail masani: Aramas amen mia, me a tuka pik apot padedi nan a mat en wain, ap kodon rapaki wa, a sota me a diarada.

⁷A ap indai ong saumat en wain: Kilang, par silu i kodon rapaki wan pik pot et, a sota, me i diarada; paledi, da me a pinaki mal wasa o!

⁸A a sapeng indang i: Maing, pui sang pil par wet, pwe i en weirada ni tapi, o ki ong pwel mau.

⁹A ma a pan wa, ari me mau, a ma so, komui ap pan paledi sang.

¹⁰A kotin padapadak nan sinakoke eu ni ran en sapat.

¹¹A kilang, li amen mia, me ngen en somau ti poa par ngaulwalu, a kos pena o sota man kak uda.

¹²Iesus lao kotin masani i, ap molipei wong i masani ong i: Li, koe en maioda sang om somau!